பிடிவாதமான வயிற்றுக் கொழுப்பை குறைக்க 3 சிம்பிள் டிப்ஸ்.! டாக்டர் பால் பரிந்துரை..

பலருக்கும் எடை குறைந்தாலும் வயிற்றுப் பகுதியில் இருக்கும் பிடிவாதமான கொழுப்பு குறையாமல் தவிக்கும் நிலை ஏற்படுகிறது. குறிப்பாக வேலைப்பளு, தவறான உணவுப் பழக்கம், உடற்பயிற்சி குறைபாடு ஆகியவை வயிற்றுக் கொழுப்பு அதிகரிக்க காரணமாகின்றன. இந்த நிலையில், வீட்டிலேயே எளிதாக 3 வழிகளைப் பின்பற்றினால் வயிற்றுக் கொழுப்பை குறைக்கலாம் என்று இன்ஸ்டாகிராமில் பரிந்துரைத்துள்ளார் காஸ்ட்ரோஎன்டராலஜிஸ்ட் டாக்டர் பால்.

தொப்பை குறைய எளிய வழிகள்

STEP 1 – BMR கணக்கிடுதல் மற்றும் கலோரி கட்டுப்பாடு

* முதலில் BMR (Basal Metabolic Rate) கணக்கிட வேண்டும்.

* இது நம் உடல் ஓய்வில் இருக்கும்போதும் எரிக்கும் தினசரி கலோரி அளவு.

* தினமும் சாப்பிடும் கலோரி அளவில் இருந்து 200 கலோரி குறைத்து உணவுகளை எடுத்துக் கொண்டால் கொழுப்பு குறைய துவங்கும்.

* இதற்கான எண்ணிக்கைகளை தெரிந்துகொள்ள பல இலவச மொபைல் ஆப்ஸ்கள் கிடைக்கின்றன.

STEP 2 – புரதம் முக்கியம்

* எடை குறைப்பில் கலோரி கணக்கு அவசியம், ஆனால் அதைவிட புரதம் (Protein) முக்கியம்.

* தினசரி கலோரி அளவில் 30–35% புரதத்திலிருந்து பெற வேண்டும்.

* இது நீண்ட நேரம் பசியை கட்டுப்படுத்துவதோடு, தசை வளர்ச்சியையும் மேம்படுத்தும்.

* தசை அதிகரித்தால், உடல் இயற்கையாகவே அதிக கலோரிகளை எரிக்கும்.

* அதனால், முட்டை, சிக்கன், மீன், பருப்பு, பனீர், சோயா, பாதாம் போன்றவற்றை உணவில் சேர்க்க வேண்டும்.

இந்த பதிவும் உதவலாம்: வெறும் 30 நாள்களில் தொப்பையைக் குறைக்கணுமா? இந்த டிப்ஸ் ஃபாலோ பண்ணுங்க.. மருத்துவர் விளக்கம் 

STEP 3 – சரியான Macro Split

டாக்டர் பால் பரிந்துரைக்கும் எளிய உணவு விகிதம் (Macro Split):

* 30–35% Protein

* 40% Carbohydrates

* 25–30% Fat

தினசரி உணவில் இந்த விகிதத்தை பின்பற்றினால், உடல் சமநிலை குலையாமல் எடை குறைய உதவும். உணவுகளை பதிவு செய்வதற்காக மொபைல் ஆப்ஸ்கள் மூலம் Meal Tracking செய்யலாம்.

View this post on Instagram

A post shared by Dr. Pal Manickam (@dr.pal.manickam)

டாக்டர் பால் எச்சரிக்கை

Fat loss என்பது ஒரு வாரத்தில் அதிசயமாக நடக்காது. அது சிறிய, மீண்டும் மீண்டும் செய்யக்கூடிய பழக்கங்கள் மூலம் மட்டுமே சாத்தியமாகும். அதைத்தான் பலர் பின்பற்ற முடியாமல் கைவிடுகிறார்கள். ஒழுங்கான உணவு, உடற்பயிற்சி, பொறுமை ஆகியவை அவசியம் என டாக்டர் பால் தெரிவித்துள்ளார்.

இறுதியாக..

வயிற்றுக் கொழுப்பு குறைப்பது பலருக்கும் சிரமமாக இருந்தாலும், BMR கணக்கிட்டு கலோரி குறைத்தல், புரதம் அதிகரித்தல், சரியான Macro Split பின்பற்றுதல் ஆகிய மூன்று எளிய படிகளை தொடர்ந்து பின்பற்றினால் நல்ல பலன் கிடைக்கும். ஒழுங்கான பழக்கங்கள், பொறுமை, ஆரோக்கியமான உணவு மட்டுமே நீண்டநாள் முடிவுகளை தரும்.

பொறுப்பு துறப்பு: இந்தக் கட்டுரை மருத்துவரின் பொது ஆலோசனையை அடிப்படையாகக் கொண்டது. ஒவ்வொருவரின் உடல் தனித்துவமானது. எனவே, எந்த உணவுப் பழக்கத்தையும் பின்பற்றுவதற்கு முன் உங்கள் குடும்ப மருத்துவர் அல்லது உடல்நல ஆலோசகரின் அறிவுரையைப் பெற பரிந்துரைக்கப்படுகிறது.