$
Best Way To Eat Basil Leaves For High Cholesterol: மோசமான வாழ்க்கை முறை மற்றும் ஆரோக்கியமற்ற உணவுப்பழக்கங்கள் போன்றவற்றால் உடலில் கெட்ட கொழுப்பு அதிகமாகிறது. இந்த அதிகரித்த கொலஸ்ட்ரால் காரணமாக, மாரடைப்பு, தமனி நோய், இரத்த அழுத்தம் போன்ற பல்வேறு தீவிர நோய்களின் அபாயம் அதிகமாகலாம். நவீன வாழ்க்கை முறையில், இளைஞர்கள் அதிக கொலஸ்ட்ரால் பிரச்சனையை எதிர்கொள்கின்றனர்.
எனவே உடலில் கெட்ட கொலஸ்ட்ராலைக் குறைக்க, உணவு மற்றும் வாழ்க்கை முறைகளில் சிறப்பு கவனம் செலுத்த வேண்டும். கெட்ட கொலஸ்ட்ரால் பிரச்சனை நீண்ட காலமாக இருப்பின், அது பெரிய பாதிப்பை ஏற்படுத்தலாம். கெட்ட கொலஸ்ட்ரால் நரம்புகளில் படிந்து, இரத்த ஓட்டம் பாதிக்கப்படத் தொடங்குகிறது. இதனைக் கட்டுப்படுத்த, துளசி இலைகள் மிகவும் நன்மை பயக்கும்.
இந்த பதிவும் உதவலாம்: Herbs For Kidney Health: சிறுநீரகத்தை ஆரோக்கியமாக வைக்க இந்த மூலிகைகளை எடுத்துக்கோங்க
கொழுப்பைக் குறைக்க துளசி இலை தரும் நன்மைகள்
துளசி இலைகளை உட்கொள்வது உடலில் கெட்ட கொலஸ்ட்ராலைக் கட்டுப்படுத்த உதவுகிறது. இதன் மருத்துவ குணங்கள் ஆயுர்வேத சிகிச்சையில் பயன்படுத்தப்படுகிறது. துளசியின் மருத்துவ குணங்கள் உடலில் நோய்த்தொற்றுக்களை எதிர்த்துப் போராட உதவுகிறது.
உடலிலிருந்து கெட்ட கொலஸ்ட்ராலைக் குறைக்க துளசி இலையிலிருந்து தயாரிக்கப்படும் பொடியை எடுத்துக் கொள்ளலம். வைட்டமின் ஏ, சி, துத்தநாகம், இரும்பு, குளோரோபில், கால்சியம் போன்றவை துளசி இலைகளில் நிறைந்துள்ளன. இதனை எடுத்துக் கொள்வது உடலை ஆரோக்கியமாக வைத்துக் கொள்ள உதவுகிறது.
இந்த பதிவும் உதவலாம்: Pumpkin Seeds For Brain: மூளைத் திறனை அதிகரிக்க இந்த ஒரு விதையை எடுத்துக்கோங்க
அதிக கொலஸ்ட்ராலைக் குறைக்க துளசி இலைகளை உட்கொள்ளும் முறை
அதிக கொலஸ்ட்ரால் பிரச்சனையிலிருந்து விடுபட, துளசி இலைகளை உட்கொள்வது மிகுந்த நன்மை பயக்கும்.
- பலரும் துளசி இலைகளை மென்று சாப்பிடுவார்கள். இவ்வாறு செய்வது தீங்கு விளைவிக்கலாம். ஏனெனில், துளசி இலையில் உள்ள பண்புகள் பற்களின் எனாமலுக்கு தீங்கு விளைவிக்கலாம்.
- எனவே துளசி இலைகளை மென்று சாப்பிடாமல், பொடி செய்து பயன்படுத்த வேண்டும். கொலஸ்ட்ரால் குறைய துளசி இலை பொடியைத் தண்ணீரில் கலந்து குடிக்க வேண்டும். இது தவிர, காலையில் துளசி இலைகளை 2 டீஸ்பூன் சாறு குடித்து வருவதன் மூலம் கொலஸ்ட்ராலைக் குறைக்கலாம்.
அதிக கொலஸ்ட்ரால் பிரச்சனை மாரடைப்புக்கு வழிவகுக்கலாம். உடலில் கொலஸ்ட்ரால் அதிகரிப்பதை புறக்கணிப்பது உடல் ஆரோக்கியத்திற்குத் தீங்கு விளைவிக்கலாம்.
எனவே கொழுப்பு நிறைந்த உணவுகளை உட்கொள்வது, செயலற்ற வாழ்க்கை முறை மற்றும் புகைப்பிடித்தல் போன்றவற்றால் அதிக கொலஸ்ட்ரால் பிரச்சனை ஏற்படுகிறது. எனவே இந்த அறிகுறிகள் தென்பட்டால் மருத்துவரை அணுகி பயன்பெற வேண்டும்.
இந்த பதிவும் உதவலாம்: எந்த நேரத்தில் பழங்கள் சாப்பிடுவது நல்லது? ஆயுர்வேதம் கூறும் கருத்து இதோ
Image Source: Freepik