How does omega 3 help your joints: இன்றைய காலகட்டத்தில் மோசமான வாழ்க்கைமுறை மற்றும் ஆரோக்கியமற்ற உணவுமுறை காரணமாக பலரும் பலதரப்பட்ட உடல்நல பிரச்சனைகளைச் சந்திக்கின்றனர். இதில் மூட்டு வலி தொடர்பான பிரச்சனைகளும் அடங்குகிறது. ஆம். உண்மையில் முதுமையில் சந்திக்கக் கூடிய மூட்டு வலியை இன்று இளம் வயதிலேயே சந்திக்கக் கூடிய சூழல் உருவாகிறது. சில நேரங்களில் காலையில் எழும் போது மூட்டுகள் பழைய கரடுமுரடான கீல்கள் போன்ற உணர்வை ஏற்படுத்தலாம். இதனால் வலி மற்றும் விறைப்புடன், அன்றாட பணிகளைச் செய்வதைக் கடினமாக்கலாம்.
மேலும் இது சாதாரண அன்றாட நடவடிக்கைகளை கடுமையானதாக உணர வைக்கிறது. பொதுவாக, மூட்டு வலி மென்மையான இயக்கத்தைக் குறைத்து, வாழ்க்கைத் தரத்தை பாதிக்கலாம். ஆனால் இந்த மூட்டு ஆரோக்கியத்தையும், வலியையும் நிர்வகிப்பதற்கு அன்றாட உணவுமுறையைக் கையாள்வது அவசியமாகும். இந்நிலையில், ஒமேகா-3 கொழுப்பு அமிலங்கள் உதவுகின்றன. ஏனெனில் இவை மூட்டு வலியைப் போக்க உதவும் அழற்சி எதிர்ப்பு பண்புகளைக் கொண்டுள்ளது. இதில் மூட்டு ஆரோக்கியத்திற்கான ஒமேகா-3 நன்மைகள் குறித்து காணலாம்.
இந்த பதிவும் உதவலாம்: தாங்காத முட்டுவலியில் இருந்தும் தப்பிக்க வீட்டில் இருக்கும் இந்த ஒரே ஒரு பொருள் போதும்!
மூட்டு வலிக்கான காரணங்கள்
மூட்டு வலி என்பது பலர் தங்கள் மூட்டுகளை, குறிப்பாக முழங்கால்கள், கணுக்கால், முழங்கைகள் போன்றவற்றை நகர்த்தும்போது உணரும் அசௌகரியத்தைக் குறிக்கிறது. காயம், அதிகப்படியான பயன்பாடு அல்லது வயது தொடர்பான தேய்மானம் போன்றவை அசௌகரியத்தை ஏற்படுத்தக்கூடும் என்றாலும், பெரும்பாலான நபர்களுக்கு கீல்வாதம் மற்றும் முடக்கு வாதம் போன்ற மருத்துவ நிலைமைகள், வலி, விறைப்பு மற்றும் குறைந்த இயக்கம் போன்றவற்றிற்குப் பின்னால் உள்ள முக்கிய காரணமாக அமைகிறது.
ஒமேகா-3கள் என்றால் என்ன?
சால்மன், கானாங்கெளுத்தி போன்ற கொழுப்பு நிறைந்த மீன்களில் இயற்கையாகவே ஒமேகா-3கள் உள்ளனது. மேலும் இவை EPA DHA மற்றும் ALA போன்றவற்றை உள்ளடக்கிய ஒரு வகை பாலிஅன்சாச்சுரேட்டட் கொழுப்பு ஆகும். இந்த கொழுப்பு அமிலங்கள் இதய ஆரோக்கியம், அறிவாற்றல் செயல்பாடுகள் மற்றும் மூட்டு ஆரோக்கியம் போன்ற பல உடல் செயல்பாடுகளுக்கு முக்கியமானவை ஆகும். எனினும், மனித உடல் இந்த கொழுப்பு அமிலங்களை தானாகவே உற்பத்தி செய்ய முடியாது.
ஒமேகா-3 மூட்டு ஆரோக்கியத்திற்கு எவ்வாறு பயனளிக்கிறது?
மூட்டு வலி மற்றும் விறைப்பைக் குறைக்க
ஆய்வுகளின்படி, மூட்டுவலி நோயாளிகள் ஒமேகா-3 கொழுப்பு அமிலங்களில் உள்ள EPA மற்றும் DHA உள்ளவற்றை உட்கொள்வதால் குறைவான விறைப்பு மற்றும் மூட்டு அசௌகரியம் ஏற்படும். மேலும், ஒமேகா-3கள் மூட்டுகளை உயவூட்டுவதன் மூலமும், இயக்கத்தை மேம்படுத்துவதன் மூலமும், அன்றாட பணிகளை எளிதாகவும் வசதியாகவும் மாற்றுவதன் மூலமும் நன்மை பெறலாம்.
இந்த பதிவும் உதவலாம்: லைஃப் லாங் மூட்டு வலி வராம இருக்க உங்க டயட்ல கட்டாயம் சேர்க்க வேண்டிய உணவுகள் இதோ
குருத்தெலும்பு ஆரோக்கியத்தை ஆதரிக்க
உடலுக்குள் கட்டமைப்பு ஆதரவையும் பாதுகாப்பையும் வழங்கும் ஒரு நெகிழ்வான இணைப்பு திசுவே குருத்தெலும்பு ஆகும். இவை நமது மூட்டுகளின் சீரான செயல்பாட்டிற்கு உதவுகின்றன. ஏனெனில், இவை எலும்புகளுக்கு இடையில் ஒரு முக்கியமான மெத்தையாகச் செயல்பட்டு, உராய்வு இல்லாத, திரவ இயக்கத்தை அனுமதிக்கிறது.
ஆனால், காலப்போக்கில், குறிப்பாக கீல்வாதம் போன்ற நோய்களில், இவை மோசமடைந்து, அசௌகரியத்தை ஏற்படுத்தி, இயக்கம் குறையக்கூடும். ஆராய்ச்சியின் படி, ஒமேகா-3 கொழுப்பு அமிலங்கள் குருத்தெலும்பை உடைக்கும் நொதிகளின் செயல்பாட்டைக் குறைப்பதன் மூலம் அதைப் பராமரிக்க உதவுகிறது.
அழற்சி எதிர்ப்பு பண்புகள்
ஒமேகா-3களின் மிக முக்கியமான நன்மைகளில் ஒன்றாக, உடலில் வீக்கத்தைக் குறைக்கும் திறன் அடங்குகிறது. இவை புரோஸ்டாக்லாண்டின்கள் மற்றும் சைட்டோகைன்கள் போன்ற அழற்சிப் பொருட்களின் தொகுப்பை அடக்குவதில் உதவுகிறது. இதன் அதிக அளவுகள் கீல்வாதம் மற்றும் முடக்கு வாதம் ஆகிய இரண்டிலும் மூட்டு அசௌகரியத்துடன் தொடர்புடையவையாகும். இதன் விளைவாக மூட்டு வலி ஏற்படலாம்.
ஒமேகா-3 யை எப்படி எடுத்துக்கொள்வது?
ஒமேகா-3 இன் மிகவும் பொதுவான இயற்கை உணவு ஆதாரங்களாக சால்மன், கானாங்கெளுத்தி, டுனா போன்ற கொழுப்பு நிறைந்த மீன்கள் அடங்குகிறது. அதே சமயம், சைவ உணவு விருப்பங்களைக் கொண்டவர்களுக்கு வால்நட்ஸ் மற்றும் சியா விதைகள் போன்ற உணவுகள் ஒமேகா-3 கொழுப்பு அமிலங்களின் நல்ல தாவர அடிப்படையிலான ஆதாரமாக அமைகிறது.
ஒமேகா-3 கொழுப்பு அமிலங்கள் மூட்டு வலியைப் போக்குதல், வீக்கத்தைக் குறைத்தல் மற்றும் குருத்தெலும்புகளைப் பாதுகாத்தல் போன்றவற்றிற்கு அறிவியல் பூர்வமாக நிவாரணத்தை வழங்குகிறது.
இந்த பதிவும் உதவலாம்: மூட்டு வலியிலிருந்து உடனடி நிவாரணத்தைப் பெற இந்த யோகாசனங்களை தினமும் செய்யுங்க
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
