$
Best Raw Vegetables: சில காய்கறிகளை சமைக்காமல் அப்படியே சாப்பிடுவது தான் கூடுதல் நன்மைக்கு வலிவகுக்கும். சமைப்பது, வேகவைப்பது மற்றும் வறுப்பது சில உணவுகளில் உள்ள ஊட்டச்சத்துக்களை அழிக்கிறது, குறிப்பாக வைட்டமின் சி மற்றும் வைட்டமின் பி. சில காய்கறிகளை பச்சையாக சாப்பிடுவது நல்லது.
ஊட்டச்சத்தின் சிறந்த ஆதாரம்
காய்கறிகள் ஊட்டச்சத்துக்கான சிறந்த ஆதாரம். இது நாள் முழுவதும் நம்மை முழு உற்சாகத்துடன் வைத்திருப்பது மட்டுமல்லாமல், நோயெதிர்ப்பு சக்தி உள்ளிட்ட பல நன்மைகளை வழங்குகிறது. நீங்கள் உண்ணும் உணவை பொறுத்தே உங்கள் உடல் எடை, ஆரோக்கியம் என அனைத்தும் அடங்கும். பொட்டாசியம், கால்சியம் மற்றும் இரும்பு போன்ற கனிமங்கள் பல காய்கறிகளில் காணப்படுகின்றன.
பொதுவாக சில காய்கறிகளை பச்சையாக சாப்பிடுவது தான் நல்லது. அதன்படியான காய்கறிகளை பார்க்கலாம்.
இதையும் படிங்க: காய்ச்சல் விரைவில் குணமாக இந்த 5 உணவுகளை சாப்பிடுங்கள்!!!
வைட்டமின் சி மற்றும் கால்சியம்
ப்ரோக்கோலியில் வைட்டமின் சி மற்றும் கால்சியம் நிறைந்துள்ளது. இதில் உள்ள Sulforapane என்ற கலவை இரத்த அழுத்தத்தைக் குறைத்து இதய ஆரோக்கியத்தை மேம்படுத்துகிறது. ப்ரோக்கோலியை கொதிக்க வைப்பது இந்த சல்போராபேனின் எழுபது சதவிகிதம் வரை நீக்குகிறது என ஆய்வுகள் கூறுகிறது.
தேங்காய் மிக நல்லது
தேங்காய் உடலை நீரேற்றமாக வைத்திருக்கும். மேலும், பச்சை தேங்காயில் ஆரோக்கியமான கொழுப்புகள் உள்ளன. ஆனால், உலர் தேங்காயில் இந்த ஆரோக்கிய நன்மைகள் எதுவும் இல்லை.
குடைமிளகாய்யை எப்படி சாப்பிடலாம்?
குடைமிளகாயில் வைட்டமின் சி மிக அதிகமாக உள்ளது. வைட்டமின் சி வெப்பத்தால் அழிக்கப்படுகிறது. குடமிளகாயை சமைக்கும் போது, அதில் உள்ள வைட்டமின் சி அனைத்தும் இழக்கப்படும்.
புதிய பெர்ரி
புதிய பெர்ரிகளில் நீரில் கரையக்கூடிய வைட்டமின்கள் மற்றும் தாதுக்கள் உள்ளன. அவை அனைத்தும் உலர்த்தப்படும் போது இழக்கப்படுகின்றன. மேலும், பெர்ரிகளில் உள்ள கலோரிகள் அந்த செயல்பாட்டில் அதிகரிக்கும்.
கொய்யா
கொய்யா சில இந்திய சமையல் வகைகளில் பயன்படுத்தப்படுகிறது. ஆனால் வெப்பம் கொய்யா பழத்தில் உள்ள அனைத்து சத்துக்களையும் அழித்து விடுகிறது.
முளைக் கட்டிய பயிர்
முளைக் கட்டிய பயிர்களில் வைட்டமின் சி, நார்ச்சத்து, ஃபோலேட், தாமிரம், மாங்கனீசு உள்ளது. சமைக்கும் போது அதில் பெரும்பாலானவை இழக்கப்படுகின்றன, குறிப்பாக வைட்டமின் சி மற்றும் ஃபோலேட். அவர்களால் வெப்பத்தைத் தாங்க முடியாது.
கேரட்டை பச்சையாக சாப்பிடலாமா?
கேரட்டை பச்சையாக சாப்பிடுவதை விட சமைத்து சாப்பிடுவது தான் நல்லது. இதில் பீட்டா கரோட்டின் நிறைந்துள்ளது. பச்சையாக சாப்பிடுவதை விட சமைத்து சாப்பிட்டால் தான் இதன் வைட்டமின்கள் முழுமையாக கிடைக்கும். கீரை, அஸ்பாரகஸ், காளான்கள், உருளைக்கிழங்கு, கேரட், செலரி, பச்சை பீன்ஸ் போன்ற காய்கறிகளை சமைத்து சாப்பிடுவது சிறந்தது. சத்துக்கள் முழுமையாக கிடைக்கும்.
பல காய்கறிகளை அப்படியே சாப்பிடலாம். அதேபோல் பொதுவாக பழங்களை ஜூஸ் போட்டு குடிப்பதை விட அப்படியே சாப்பிடுவது தான் கூடுதல் நன்மையாகும்.
வைட்டமின் சி மற்றும் பி
பச்சை காய்கறிகளை சாப்பிடுவது மிகப்பெரிய நன்மைகளில் ஒன்று அவற்றின்மூலம் அதிக வைட்டமின் கிடைக்கும். வைட்டமின் சி மற்றும் பி வைட்டமின்கள் முழுமையாக நமக்கு கிடைக்கும். அவை ஆக்ஸிஜனேற்ற பண்புகளை கொண்டுள்ளன.
இதையும் படிங்க: இரவு உணவில் கட்டாயம் சேர்க்க வேண்டிய 4 நார்ச்சத்து உணவுகள் இங்கே
சில பிரச்சனைகள் வர வாய்ப்பு
இருப்பினும், பச்சை காய்கறிகளை சாப்பிடுவதன் நன்மைகள் இருந்தபோதிலும், அது அனைவருக்கும் இருக்காது. சிலருக்கு பச்சையாக சாப்பிட பிடிக்காது. மேலும், அவற்றை சாப்பிடுவதால் செரிமான பிரச்சனைகள் ஏற்படும். உதாரணமாக, முட்டைக்கோஸ், ப்ரோக்கோலி, காலிஃபிளவர், பிரஸ்ஸல் போன்ற காய்கறிகள் மிகவும் ஆரோக்கியமானவை. சத்தானவை. ஆனால், அவை வாயு மற்றும் வீக்கத்தை ஏற்படுத்தும்.
ஒருசிலவற்றை புதிதாக முயற்சி செய்வதற்கு முன் மருத்துவரை அணுகுவதே சிறந்த முடியாக இருக்கும்.
image source: freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
