நமது ஒழுங்கற்ற உணவுப் பழக்கம் மற்றும் தவறான உணவுப் பழக்கங்கள் நம் ஆரோக்கியத்தை பெருமளவு பாதிக்கிறது. சர்க்கரை நோய் இரத்த அழுத்தப் பிரச்சனைகளால் மக்கள் அவதிப்படுகிறார்கள். உணவுப் பழக்கம் என்பது இதுபோன்ற நோய் பரவலுக்கு பிரதான காரணமாக இருக்கிறது. இரத்த அழுத்தம் என்பது ஒரு நபருக்கு மாரடைப்பு மற்றும் பக்கவாதம் ஏற்படும் அபாயத்தை அதிகரிக்கும்
சரியான நேரத்தில் வாழ்க்கை முறை மற்றும் உணவுமுறையை மாற்றிக் கொள்வதன் மூலம் உயர் பிபி போன்ற பிரச்சனைகளைத் தடுக்க முடியும் என நிபுணர்கள் கூறுகின்றனர். உடல் ரீதியான பல பிரச்சனைகளுக்கு கொண்டைக்கடலை தீர்வாக இருக்கிறது. இதன் முழு பலன்களை பார்க்கலாம்.
இதையும் படிங்க: Ear Infections: காது வலி இருக்கும் போது இந்த தவறை மட்டும் செய்யவேக் கூடாது!
கொண்டைக்கடலை ஆரோக்கிய நன்மைகள்
அதிக அளவு பொட்டாசியம்
பொட்டாசியம் ஒரு முக்கியமான கனிமமாகும், இது இரத்த அழுத்த அளவைக் கட்டுப்படுத்துவதில் முக்கிய பங்கு வகிக்கிறது. இது உங்கள் உடலில் சோடியத்தின் விளைவுகளை சமப்படுத்த உதவுகிறது. சோடியம் காரணமாக உடலில் இரத்த அழுத்தம் அதிகரிக்கும். ஒரு கப் சமைத்த கொண்டைக்கடலையில் இருந்து சுமார் 477 மி.கி பொட்டாசியம் கிடைக்கும்.
அதிக நார்ச்சத்து
கொண்டைக்கடலையில் அதிக அளவு நார்ச்சத்து உள்ளது. உயர் நார்ச்சத்து உணவு இரத்த அழுத்தத்தைக் குறைக்க உதவுகிறது. நார்ச்சத்து காரணமாக உடல் பருமன் வேகமாக குறைகிறது. மேலும், இது நரம்புகளில் படிந்திருக்கும் பிளேக்கைக் குறைக்க உதவுகிறது. இது நரம்புகளில் உள்ள அடைப்பைத் திறந்து, இரத்த ஓட்டத்தை மேம்படுத்துகிறது. இது உயர் இரத்த அழுத்தம் பிரச்சனையில் இருந்து நிவாரணம் அளிக்கிறது.
குறைந்த அளவு சோடியம்
சோடியம் உயர் இரத்த அழுத்தத்திற்கு முக்கிய காரணமாக கருதப்படுகிறது. பதப்படுத்தப்பட்ட உணவுகளில் சோடியம் அதிகமாக இருப்பதால் இரத்த அழுத்தத்தை அதிகரிக்கும். அதே நேரத்தில், கொண்டைக்கடலையில் சோடியத்தின் அளவு குறைவாக உள்ளது, இது உடலில் சோடியம் அளவைக் குறைக்க விரும்புவோருக்கு ஒரு சிறந்த தேர்வாக கருதப்படலாம்.
மெக்னீசியத்தின் முக்கிய பங்கு
மெக்னீசியம் உடலுக்கு இன்றியமையாத மூலமாகும். இது இரத்த அழுத்தத்தைக் கட்டுப்படுத்துவதில் முக்கிய பங்கு வகிக்கிறது. இது இரத்த நாளங்களை (நரம்புகள்) தளர்த்த உதவுகிறது. இதன் காரணமாக இரத்த அழுத்தம் கட்டுப்படுத்தப்படுகிறது. ஒரு கப் கொண்டைக்கடலையில் சுமார் 48 மில்லி கிராம் மெக்னீசியம் உள்ளது.
இதய ஆரோக்கியத்திற்கு நல்லது
கொண்டைக்கடலை இரத்த அழுத்தத்திற்கு மட்டுமின்றி இதய ஆரோக்கியத்திற்கும் இன்றியமையாததாக கருதப்படுகிறது. இதில் வைட்டமின்கள் சி மற்றும் ஈ போன்ற ஆன்டிஆக்ஸிடன்ட்கள் நிறைந்துள்ளன, இது உடலில் உள்ள ஆக்ஸிஜனேற்ற அழுத்தத்தையும் வீக்கத்தையும் குறைக்க உதவுகிறது. உடலில் உள்ள ஆக்ஸிஜனேற்ற அழுத்தம் மற்றும் வீக்கம் உயர் இரத்த அழுத்தத்தை ஏற்படுத்தும்.
கொண்டைக்கடலை சாப்பிடும் முறை
- கொண்டைக்கடலையை பருப்பாகவும் பயன்படுத்தலாம். இதை ரொட்டி அல்லது சாதத்துடன் சேர்த்து சாப்பிடலாம்.
- வேகவைத்த கொண்டைக்கடலையை உட்கொள்ளலாம். இதனுடன் சிறிது மசாலா சேர்ப்பதால் அதன் சுவை கூடுகிறது.
- கொண்டைக்கடலையை சாலட்டில் கலந்தும் உணவில் சேர்த்துக்கொள்ளலாம்.
இதையும் படிங்க: Thyroid Weight Loss: தைராய்டு நோயாளிகளே.. இவற்றை சாப்பிட்டால் சீக்கிரம் உடல் எடை குறையும்!
உயர் இரத்த அழுத்த பிரச்சனை உள்ளவர்கள் தங்கள் வாழ்க்கை முறையிலும் மாற்றங்களைச் செய்ய வேண்டும். மது, சிகரெட் போன்றவற்றிலிருந்து விலகி இருப்பது மிகவும் அவசியம். இது தவிர, தினமும் காலையில் சுமார் அரை மணி நேரம் யோகா உள்ளிட்ட பயிற்சிகளை செய்யலாம். இரத்த அழுத்தம் பிரச்சனை போன்றவற்றை கட்டுப்படுத்த கொண்டைக்கடலை பெருமளவு உதவியாக இருக்கும்.
Image Source: FreePik