Tamil New Year Special Foods: உலகெங்கிலும் உள்ள தமிழர்கள் ஏப்ரல் 14ஆம் தேதி அன்று தமிழ் புத்தாண்டை கொண்டாடுவர். இந்த நாளில், புத்தாண்டு நல்வாழ்த்துக்கள் என்று ஒருவரையொருவர் வாழ்த்திக் கொண்டும், புத்தாடைகள் அணிந்தும், வீட்டை அலங்கரித்தும், சிறப்பு உணவுகள் செய்தும் மகிழ்வார்கள்.
மசால் வடை, பாயசம் முதல் ரசம் வரை தமிழ் புத்தாண்டு அன்று சாப்பிட வேண்டிய, நாக்கில் எச்சில் ஊற வைக்கும் உணவுகள் உள்ளன. தமிழ் புத்தாண்டு அன்று நீங்கள் செய்ய வேண்டிய சிறப்பு உணவுகள் குறித்து நாங்கள் உங்களுக்கு சொல்கிறோம்.
மஞ்சள் பூசணிக்காய் சாம்பார்
எளிமையான அதே சமயம் சுவையான மற்றும் சத்தான உணவான மஞ்சள் பூசணிக்காய் சாம்பார் மிகவும் விரும்பப்படுகிறது. இது பூசணிக்காய் மற்றும் துவரம்பருப்புடன் தயாரிக்கப்படுகிறது மற்றும் புழுங்கல் அரிசி மற்றும் நெய்யுடன் ருசிக்கப்படுகிறது. தமிழ்நாட்டின் மக்களின் மெனுவில் சாம்பார் ஒரு முக்கிய சேர்க்கையாக இருந்தாலும், தமிழ் புத்தாண்டு போன்ற ஒரு சிறப்பு நாளுக்கு பூசணி சாம்பாருக்கு ஒரு தனி இடம் உள்ளது.
மசால் வடை
உளுத்தம்பருப்பு மற்றும் கடலை பருப்பின் வட்ட வடிவ கலவை, மசால் வடை. இதனுடன் தேங்காய் சட்னி, சாம்பார் அல்லது ரசம் ஆகியவற்றை கலந்து சாப்பிட்டால் அவ்வளவு ருசியாக இருக்கும்.
அவல் பாயசம்
அவல் மற்றும் பால் சேர்த்து செய்வதுதான் அவல் பாயசம். இதனுடன் நெய், நட்ஸ் மற்றும் சர்க்கரை உள்ளிட்டவை கலக்கப்படுகிறது. இது நாக்கை சுண்டி இழுக்கும் சுவையை கொண்டுள்ளது. இது புத்தாண்டின் முக்கிய உணவாகும். 
மாங்கா பச்சடி
இந்த உணவு அண்ணத்திற்கு இனிப்பு, கசப்பு மற்றும் துவர்ப்பு போன்ற பல்வேறு சுவைகளை வழங்குகிறது. மாங்கா பச்சடி ஒரு முக்கிய உணவாக உண்ணப்படுகிறது. இது வெல்லம், மாங்காய், சாம்பார் மசாலா மற்றும் வெற்றிலை ஆகியவற்றின் பங்களிப்பைக் கொண்டுள்ளது.
வேப்பம் பூ ரசம்
இந்த ரசம் பருப்பு, ரசம் மசாலா, மிளகுத்தூள், புளி தண்ணீர் சேர்த்து அரைத்து தயாரிக்கப்படுகிறது. மேலும் இதில் வேப்பம் பூ சேர்க்கப்படும். உங்கள் வயிற்றை ஆற்றும் சில அற்புதமான செரிமான பண்புகளைக் கொண்டிருப்பதால், டைனிங் டேபிளில் அமர்ந்திருப்பவர்கள் தங்களால் இயன்ற அளவு சாப்பிட வேண்டும் என்ற நோக்கத்துடன் அந்த நாளில் இந்த டிஷ் அவசியம் இருக்க வேண்டும்.