$
Unhealthy Foods To Avoid For Children: குழந்தைகளுக்கு ஆரோக்கியமான உணவு பழக்கத்தை பேணிக்காப்பது பெற்றோர்களின் முக்கியமான கடமையாகும். இதில், பெற்றோர்கள் தங்கள் குழந்தைகளுக்கு வழங்கக் கூடிய உணவுகளில் எச்சரிக்கையாக இருப்பது அவசியம். மேலும், குழந்தையின் உடல் ஆரோக்கியத்தைப் பாதுகாக்கும் வகையில் ஆரோக்கியமான, சத்தான உணவுகளைக் கொடுக்க வேண்டும். அதே சமயம், இளம் வயதிலேயே குழந்தைகளின் ஆரோக்கியத்தைக் கெடுக்கும் சில உணவுகளைக் கட்டாயம் தவிர்க்க வேண்டும். இவை குழந்தையின் உடல் ஆரோக்கியத்தைப் பாதிக்கலாம்.
குழந்தைக்குத் தரக்கூடாத உணவுகள்
குழந்தைகளுக்குக் கொடுக்கக் கூடாத உணவுகள் சிலவற்றையும், அதற்கான காரணங்களையும் இதில் காண்போம்.
இந்த பதிவும் உதவலாம்: Child Calcium Deficiency: குழந்தைக்கு கால்சியம் சத்து குறைவா இருக்க இது தான் காரணமாம்
சர்க்கரை உணவு
குழந்தைகளை மிகுந்த விருப்பத்துடன் எடுத்துக் கொள்ள வைக்கும், சில காலை உணவு தானியங்கள், கூடுதல் சர்க்கரை மற்றும் செயற்கை சுவைகள் நிறைந்தவையாக உள்ளன. சர்க்கரை கலந்த உணவுகள், இரத்தத்தில் சர்க்கரை அளவை அதிகரிக்கலாம். இது ஆற்றல் சரிவைத் தூண்டுவதுடன், செறிவு அளவை எதிர்மறையாக பாதிக்கலாம். எனவே சர்க்கரை சேர்க்கப்படாத முழு தானியங்களைச் சேர்த்துக் கொள்ளலாம்.
வறுத்த உணவுகள்
பொதுவாக வறுத்த உணவுகள் அதிக கலோரிகள் மற்றும் உடலுக்குத் தீங்கு விளைவிக்கும் டிரான்ஸ் கொழுப்புகளைக் கொண்டுள்ளது. இதைத் தொடர்ந்து உட்கொள்வது இதய நோய், உடல் பருமன், மற்றும் இன்னும் பிற உடல்நலப் பிரச்சனைகளை ஏற்படுத்தலாம். எனவே குழந்தைகளுக்குத் தீங்கு விளைவிக்கக் கூடிய நிறைவுற்ற கொழுப்பு உட்கொள்வதைக் கட்டாயம் குறைக்க வேண்டும்.
பதப்படுத்தப்பட்ட உணவுகள்
பதப்படுத்தப்பட்ட உணவுகளைப் பாதுகாப்பதற்கு, அதன் செயற்கையான சேர்க்கைகள், அதிகப்படியான சோடியம் மற்றும் தீங்கு விளைவிக்கக் கூடிய கொழுப்புகள் போன்றவை நிறைந்துள்ளன. இந்த வகை உணவுகளில் ஊட்டச்சத்துகளில் குறைபாடு காணப்படும். மேலும், இது இதயக் கோளாறு, உடல் பருமன் மற்றும் இன்னும் பிற உடல் நலப் பிரச்சனைகளை உண்டாக்கலாம். இந்த வகை உணவிற்குப் பதிலாக, புதிய காய்கறிகள், முழு தானியங்கள், மெலிந்த புரதங்கள் போன்ற ஆரோக்கியமான உணவுகளைத் தேர்ந்தெடுத்துக் கொடுக்கலாம்.
இந்த பதிவும் உதவலாம்: Peanut Powder Benefits: குழந்தைகளுக்கு வேர்க்கடலை பொடி தருவதில் இத்தனை நன்மைகள் இருக்கா?
சோடா மற்றும் பானங்கள்
சோடா, சுவையூட்டப்பட்ட பானங்கள், பழச்சாறுகள் போன்றவற்றில் ஊட்டச்சத்து மதிப்பு இல்லை. மேலும், இதில் கலோரிகள் அதிகம் உள்ளது. எனவே குழந்தைகளுக்கு இந்த பானங்கள் கொடுப்பதைத் தவிர்க்க வேண்டும். இதற்கு மாற்றாக, குழந்தையின் நீரேற்றத்தை மேம்படுத்தவும், சர்க்கரை உட்கொள்வதைக் குறைக்கவும் பால், தண்ணீர், மற்றும் பிற இயற்கையான சுவை கொண்ட பானங்களைக் கொடுக்கலாம்.
செயற்கை வண்ணம் உள்ள தின்பண்டங்கள்
குழந்தைகள் அதிகம் விரும்பி எடுத்துக் கொள்ளும் திண்பண்டங்கள் செயற்கை வண்ணம் மற்றும் சுவையூட்டப்பட்டதாக காணப்படும். ஆனால், இதில் ஊட்டச்சத்து மதிப்பு குறைவாகக் காணப்படும். மேலும், இது உடலில் சிக்கல்களை ஏற்படுத்தலாம். எனவே, இந்த வகை உணவிற்குப் பதிலாக, கேரட், ஆப்பிள், இயற்கை தயிர் போன்றவற்றைத் தேர்ந்தெடுக்கலாம்.
சர்க்கரை சிற்றுண்டி மற்றும் இனிப்புகள்
குழந்தைகளுக்குப் பொதுவாக சர்க்கரை நிறைந்த உணவுகளையே அதிகம் விரும்புவர். ஆனால், அதிக சர்க்கரை உட்கொள்ளல் பற்சொத்தை, உடல் எடை அதிகரிப்பு, மற்றும் வகை 2 நீரிழிவு நோயை அதிகரிக்கலாம். எனவே இனிப்புக்கு பதிலாக புதிய பழங்கள், தயிர் அல்லது முழு தானியங்கள் நிறைந்த திண்பண்டங்கள் போன்ற ஆரோக்கியமான உணவுகளை எடுத்துக் கொள்ளலாம்.
இந்த பதிவும் உதவலாம்: உங்க குழந்தை ஹெல்த்தியா இருக்க வெறும் வயிற்றில் கொடுக்க வேண்டிய உணவுகள் இது தான்.!
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
