$
What is the most common food linked to dementia: நாம் பயன்படுத்தும் எண்ணெய் ஆரோக்கியத்திற்கு மிகவும் முக்கியம். பொதுவாக சமையலுக்கு ரைஸ் பிராண்டு ஆயில், தேங்காய் எண்ணெய், பாம் ஆயில், நல்லெண்ணெய், ஆலிவ் ஆயில் என அவரவர் விரும்பத்திற்க்கு ஏற்ப பயன்படுத்துவோம். நம்மில் பலருக்கு தெரியும் மற்ற எண்ணெய்களை விட ஆலிவ் ஆயில் ஆரோக்கியத்திற்கு மிகவு நல்லது என்பது. அந்தவகையில், தற்போது ஆலிவ் எண்ணெய் இதயத்தை ஆரோக்கியமாக வைத்திருக்க உதவுவது மட்டுமல்லாமல், டிமென்ஷியா மற்றும் அதனால் ஏற்படும் இறப்பு அபாயத்தையும் குறைக்கும் என்ற புதிய தகவல் வெளியாகியுள்ளது.
இது தொடர்பான சமீபத்திய ஆய்வில், ஒரு நாளைக்கு ஒரு டீஸ்பூன் ஆலிவ் எண்ணெயை உட்கொள்வதால், டிமென்ஷியாவால் ஏற்படும் இறப்பு அபாயத்தை சுமார் 30 சதவீதம் குறைக்க முடியும் என்று விஞ்ஞானிகள் குழு தெரிவித்துள்ளது. இது தவிர, இதய நோயாளிகளின் ஆரோக்கியத்தைப் பேணுவதற்கும், மாரடைப்பு போன்ற கடுமையான நோய்களின் அபாயத்திலிருந்து அவர்களைப் பாதுகாப்பதற்கும் இது பயனுள்ளதாக இருக்கும் என தெரியவந்துள்ளது.
இந்த பதிவும் உதவலாம் : ஒரு நாளைக்கு எவ்வளவு தண்ணீர் அருந்த வேண்டும் தெரியுமா?
டிமென்ஷியா அபாயத்தை குறைக்கும் ஆலிவ் ஆயில்
ஜமா நெட்வொர்க் ஓபன் இதழில் தங்கள் கண்டுபிடிப்புகளை வெளியிட்ட ஆராய்ச்சியாளர்கள், ஆலிவ் எண்ணெய் நுகர்வு மூளைக்கு எவ்வளவு நன்மை என்பதை அறிய, 28 ஆண்டுகளுக்கும் மேலாக 92,000-க்கும் மேற்பட்ட பெரியவர்களை கண்காணித்து வந்துள்ளது. அவர்கள் தினமும் குறைந்தது 7 கிராம் ஆலிவ் எண்ணெயை, அதாவது அரை தேக்கரண்டிக்கு மேல் உட்கொண்டனர்.
ஒரு நாளைக்கு குறைந்தது ஏழு கிராம் ஆலிவ் எண்ணெயை உட்கொள்வது டிமென்ஷியாவால் ஏற்படும் இறப்பு அபாயத்தை 28 சதவீதம் குறைக்கலாம். இதன் சிறப்புப் பலன்கள் பெண்களிடம் அதிகம் காணப்படுவதாக ஆய்வாளர்கள் கண்டறிந்தனர்.
டிமென்ஷியா என்பது என்ன?
டிமென்ஷியா (Dementia) என்பது பல்வேறு வகையான மூளைக் கோளாறுகளை விவரிக்கப் பயன்படும் ஒரு சொல். இது நினைவாற்றல், சிந்திக்க அல்லது முடிவெடுக்கும் திறனைக் குறைக்கிறது. இந்த நிலை ஒரு நபரின் அன்றாட நடவடிக்கைகளில் பெரும் பாதிப்பை ஏற்படுத்துகிறது. அல்சைமர் (Alzheimer) நோய் டிமென்ஷியாவின் மிகவும் பொதுவான வகையாகும். ஆய்வின்படி, வயதானவர்களில் மூன்றில் ஒரு பகுதியினர் அல்சைமர் நோய் அல்லது டிமென்ஷியாவால் இறக்கின்றனர்.
இந்த பதிவும் உதவலாம் : Milk and Blood Pressure: சூடான பால் குடித்தால் BP அதிகரிக்குமா? மருத்துவர்கள் கூறுவது என்ன?
ஆய்வில் கண்டறிந்தது என்ன?
தி ஜர்னல் ஆஃப் அமெரிக்கன் மெடிக்கல் அசோசியேஷன் (ஜமா) நெட்வொர்க் ஓப்பனில் வெளியிடப்பட்ட ஒரு ஆய்வில், "இதய ஆரோக்கியத்துடன், ஆலிவ் எண்ணெய் நுகர்வு அறிவாற்றல் சக்தியை மேம்படுத்த உதவுகிறது என்று ஆராய்ச்சி முடிவுகள் காட்டுகின்றன. ஆலிவ் எண்ணெயை தவறாமல் உட்கொள்வது இதய நோய் மற்றும் டிமென்ஷியா இரண்டிலிருந்தும் இறப்பு அபாயத்தைக் குறைக்கும்" என்று ஆய்வுகள் கண்டறிந்துள்ளன.
ஆய்வில் பங்கேற்றவர்கள் சராசரியாக 56 வயதுடையவர்கள். ஆராய்ச்சியாளர்கள் ஒவ்வொரு நான்கு வருடங்களுக்கும் ஒரு கேள்வித்தாள் மற்றும் மாற்று ஆரோக்கியமான உணவுக் குறியீடு மூலம் பங்கேற்பாளர்களின் உணவுகளை மதிப்பிட்டனர். இது நாள்பட்ட நோயை முன்னறிவிக்கும் உணவுகள் மற்றும் ஊட்டச்சத்துக்களுக்கு மதிப்பீடுகளை வழங்குகிறது.
அல்சைமர் நோய்க்கான அதிக ஆபத்து காரணியான APOE e4 மரபணுவைக் கொண்டவர்கள் டிமென்ஷியாவால் இறப்பதற்கான வாய்ப்புகள் அதிகம். இருப்பினும், இந்த காரணியைக் கருத்தில் கொண்ட பிறகும், ஆலிவ் எண்ணெய்க்கான முடிவுகள் மாறாமல் இருந்தன.
இந்த பதிவும் உதவலாம் : Female Fertility: தூக்கமின்மை கருவுறுதலை பாதிக்குமா? உண்மையை தெரிந்து கொள்ளுங்கள்!
எங்கள் ஆய்வு ஆலிவ் எண்ணெய் போன்ற தாவர எண்ணெய்களைப் பரிந்துரைக்கும் உணவு வழிகாட்டுதல்களை வலுப்படுத்துகிறது மற்றும் இந்த பரிந்துரைகள் இதய ஆரோக்கியத்தை மட்டுமல்ல, மூளை ஆரோக்கியத்தையும் ஆதரிக்கிறது என்று ஹார்வர்ட் பல்கலைக்கழகத்தின் ஊட்டச்சத்து தொடர்பான ஆராய்ச்சி கூட்டாளியான ஆன்-ஜூலி டெசியர் கூறினார்.
மார்கரின் மற்றும் வணிக மயோனைஸ் போன்ற கொழுப்புகளுக்குப் பதிலாக இயற்கைப் பொருளான ஆலிவ் எண்ணெயைத் தேர்ந்தெடுப்பது பாதுகாப்பான தேர்வு என்றும், ஆபத்தான டிமென்ஷியா அபாயத்தைக் குறைக்கலாம் என்றும் ஆராய்ச்சியாளர் கூறினார்.
உணவின் தரத்தைப் பொருட்படுத்தாமல், அமெரிக்க பெரியவர்களில், குறிப்பாக பெண்களில், அதிக ஆலிவ் எண்ணெயை உட்கொள்வது டிமென்ஷியா தொடர்பான இறப்புக்கான குறைந்த அபாயத்துடன் தொடர்புடையது என்று ஆய்வு முடிவு செய்தது. மார்கரின் மற்றும் மயோனைஸுக்கு மாற்றாக ஆலிவ் எண்ணெய் உட்கொள்வது டிமென்ஷியா இறப்புக்கான குறைந்த அபாயம் மற்றும் டிமென்ஷியா இல்லாத நீண்ட ஆயுளை மேம்படுத்துவதற்கான ஒரு சாத்தியமான உத்தி.
இந்த பதிவும் உதவலாம் : Pig Kidney: பன்றியின் கிட்னியுடன் உயிர் வாழ்ந்த முதல் மனிதன் மரணம்.. அதிர்ந்த மருத்துவர்!
இதய நோய்கள் ஏற்படும் அபாயம் குறைகிறது
ஆலிவ் எண்ணெயின் ஆரோக்கிய நன்மைகளை அறிய அமெரிக்க இதய அமைப்பு நடத்திய மற்றொரு ஆய்வில், தினமும் அரை டீஸ்பூன் ஆலிவ் எண்ணெயை உட்கொள்வது இதய நோய்களின் அபாயத்தைக் குறைக்கும் என்று கண்டறியப்பட்டுள்ளது.
ஒரு நாளைக்கு அரை டீஸ்பூன் ஆலிவ் எண்ணெயை உட்கொள்பவர்களுக்கு இதய நோய், அல்சைமர் நோய் மற்றும் பிற காரணங்களால் ஏற்படும் அகால மரணம் குறைவாக இருப்பதாக ஆராய்ச்சியாளர்கள் தெரிவித்தனர். இந்த எண்ணெயில் உள்ள கூறுகள் கொலஸ்ட்ரால் மற்றும் இரத்த அழுத்தம் போன்ற இதய நோய்களின் முக்கிய காரணிகளைக் குறைக்கின்றன.
Pic Courtesy: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
