Dry Eye Problems: கண் வறட்சி பிரச்சனை நீங்க என்ன செய்ய வேண்டும்?

$

Dry Eye Problems: மக்களின் வாழ்க்கை முறை என்பதே முற்றிலும் மாறிவிட்டது. பெரும்பாலானோர் தங்கள் நேரத்தை பாதிக்கு மேல் திரையில்தான் செலவிடுகிறார்கள். இத்தகைய சூழ்நிலையில், கண்களில் வறட்சி பிரச்சனை என்பது பொதுவானதாகி மாறிவருகிறது.

சில ​​வைட்டமின்கள் மூலம் கண்களை ஆரோக்கியமாக வைத்திருக்க முடியும். வைட்டமின்கள் மற்றும் தாதுக்கள் இரண்டும் கண்களுக்கு மிகவும் பயனுள்ளதாக இருக்கும்.

கண் வறட்சி பிரச்சனை நீங்க

கண்கள் வறட்சி பிரச்சனை நீங்க சில டயட் முறைகளை பின்பற்ற வேண்டும். உணவு முறைகளில் இந்த வகை வைட்டமின்கள் மற்றும் தாதுக்கள் இருப்பதை உறுதி செய்வது அவசியம்.

வைட்டமின் ஈ

வைட்டமின் ஈ கண் செல்களுக்கு மிக முக்கியமான உறுப்பு. இது நோய் எதிர்ப்பு சக்தியை அதிகரிப்பது மட்டுமின்றி கண்பார்வை மற்றும் ஆரோக்கியத்தை மேம்படுத்துவதிலும் முக்கிய பங்கு வகிக்கிறது. முழு தானியங்கள், சூரியகாந்தி விதைகள் போன்றவற்றை சாப்பிட்டால், கண்களின் வறட்சியை பெருமளவு குறைக்கும் வைட்டமின் ஈ நிறைய கிடைக்கும்.

பொட்டாசியம்

வாழைப்பழம், உருளைக்கிழங்கு, தயிர், பீன்ஸ், இனிப்பு உருளைக்கிழங்கு போன்றவற்றில் பொட்டாசியம் அதிகமாகக் காணப்படுகிறது. இவற்றைத் தொடர்ந்து சாப்பிட்டு வந்தால், கண் வறட்சி வெகுவாகக் குறையும். கண் வறட்சியைக் குறைக்க சோயாபீன் சாப்பிடுவதும் ஒரு நல்ல வழி.

ஒமேகா 3 கொழுப்பு அமிலம்

ஒமேகா 3 கொழுப்பு அமிலங்கள் கண்கள் வறட்சி மற்றும் எரிச்சலை நீக்குவதில் பயனுள்ளதாக இருக்கும். ஒமேகா -3 உதவியுடன், கண் இமைகளில் வீக்கத்தைக் குறைக்க குறைக்கலாம். உங்கள் உணவில் ஒமேகா 3-ஐ சேர்த்துக்கொள்வது, மீபோமியன் சுரப்பிகள் என்றும் அழைக்கப்படும் கண்களில் உள்ள பல சுரப்பிகளுக்கு மிகவும் உதவியாக இருக்கும்.

இதற்கு சூரை மீன், பூசணி, விதைகள், அக்ரூட் பருப்புகள், தாவர எண்ணெய், சோயாபீன்,பச்சை இலை காய்கறிகள், கானாங்கெளுத்தி, ஆளிவிதை போன்றவற்றைச் சேர்க்கலாம். இந்த விஷயங்களில் ஒமேகா-3 கொழுப்பு அமிலங்கள் ஏராளமாக உள்ளன.

கண்கள் வறட்சி நீங்க முக்கிய விஷயம்

கண்களின் வறட்சி அதிகரிப்பதைத் தடுக்கவும், கண்களில் அழுத்தம் ஏற்படுவதைத் தவிர்க்கவும், அவ்வப்போது கண் இமைகளை சிமிட்டவும்.

தொடர்ந்து திரையில் வேலை செய்தால், அது கண்களில் எதிர்மறையான விளைவை ஏற்படுத்தும். அத்தகைய சூழ்நிலையில், இடையில் சிறிது நேரம் இடைவெளி எடுத்துக் கொள்ளுங்கள்.

அறையில் வெளிச்சம் குறைவாக இருந்தால், நீங்கள் டேபிள் விளக்கைப் பயன்படுத்தலாம், இது தானாகவே மானிட்டரின் பிரகாசத்தைக் குறைக்கிறது.

நீங்கள் ஓய்வு எடுக்கும் போதெல்லாம், 20 அடி தூரத்தில் இருக்கும் ஒரு பொருளை சிறிது நேரம் பார்த்துக் கொண்டே இருங்கள், இது கண்களுக்கு ஓய்வு கொடுக்கும்.

நீங்கள் மடிக்கணினி அல்லது மொபைலைப் பயன்படுத்தும் போதெல்லாம், பிரகாசத்தைக் குறைத்து பயன்படுத்துவது நல்லது.

Image Source: FreePik