Foods Can Reduce Clogged Arteries: உலகளவில் ஏற்படும் இறப்புக்கான முக்கிய காரணங்களில் ஒன்றாக மாரடைப்பு உள்ளது. உலக சுகாதார அமைப்பின் கூற்றுப்படி, கடந்த 2019 ஆம் ஆண்டில் 1.79 கோடி பேர் இதய நோய்களால் மரணமடைந்துள்ளனர். இதில் 85% பேர் இறப்புக்கு மாரடைப்பு மற்றும் பக்கவாதம் காரணமாக அமைகிறது. வாழ்க்கை முறை பழக்க வழக்கங்கள் மற்றும் உணவு முறை பழக்கங்கள், உயர் இரத்த அழுத்தம் உயர் இரத்த சர்க்கரை, உயர் இரத்த கொழுப்புகள், உடல் பருமன் போன்றவை ஏற்படுவதற்குக் காரணமாக அமைகிறது. அதே சமயம், தொழில்நுட்பரீதியாக இதயத்திலிருந்து உடலின் மற்ற பகுதிகளுக்கு ஆக்ஸிஜன் நிறைந்த இரத்தத்தை விநியோகிக்கும் தமனிகள் தடுக்கப்படும் போது மாரடைப்பு ஏற்படுகிறது. இது பெருந்தமனி தடிப்பு அல்லது ஆர்த்ரோஸ்கிளிரோசிஸ் என அழைக்கப்படுகிறது.
தமனிகளால் ஏற்படும் சிக்கல்கள் மற்றும் அதை உணவு முறைகளைக் கொண்டு எப்படி தடுக்கலாம் என்பது குறித்து பெங்களூர் ஆஸ்டர் சிஎம்ஐ மருத்துவமனை இன்டர்வென்ஷனல் கார்டியாலஜி மருத்துவர் சஞ்சய் பட், சீனியர் ஆலோசகர் விவாதித்துள்ளார்.
முக்கிய கட்டுரைகள்
-1751385849349.jpg)
-1745778518611.jpg)
இந்த பதிவும் உதவலாம்: Healthy Heart: இதயம் ஆரோக்கியமாக இருக்க இந்த உணவுகளை சாப்பிடலாம்!
தமனிகள் அடைபடுவதால் ஏற்படும் ஆபத்துகள்
உடலுக்குத் தேவையான ஆக்ஸிஜன் நிரம்பிய இரத்தத்தை விநியோகிக்கும் தமனிகளில் பிளேக் எனப்படும் கொழுப்புப் படிவுகள் படிவதால், தமனிகள் சுருங்கப்பட்டு இதயத்திற்கு இரத்த ஓட்டத்தைக் குறைக்கிறது. இது பல்வேறு சிக்கல்களுக்கு வழிவகுக்கிறது.
கரோடிட் தமனி நோய்
கரோடிட் தமனிகள் என்பது மூளைக்கு இரத்தத்தை வழங்கும் முக்கிய இரத்த நாளங்கள் ஆகும். இந்த கரோடிட் தமனிகளில் பிளேக் கட்டமைக்கப்படுவதால் இந்த வகை நோய்கள் ஏற்படுகின்றன. 
புற தமனி நோய் (Peripheral Artery Disease)
PAD எனப்படும் புற தமனி நோய், பொதுவாக கால்கள் மற்றும் பாதங்கள் போன்ற உடலின் கீழ் பகுதியில் ஏற்படும் தமனிகளில் கொழுப்புப் படிவதால் ஏற்படக்கூடிய நோய் ஆகும்.
இந்த பதிவும் உதவலாம்: Healthy Heart Tips: இதயத்தை ஆரோக்கியமாக வைத்திருப்பதற்கான சில வழிகள்
கரோனரி தமனி நோய் (Coronary Artery Disease)
கரோனரி தமனிகள் இதயத்திற்கு இரத்தத்தை வழங்கும் தமனிகளாகும். இவை தடுக்கப்படும் போது ஆஞ்சினா, மாரடைப்பு, அரித்மியா, இதய செயலிழப்பு போன்ற பல்வேறு பிரச்சனைகளை ஏற்படுத்தும். இது CAD அல்லது கரோனரி தமனி நோய் என அழைக்கப்படுகிறது.
தமனிகள் அடைக்கப்படுவதைத் தடுக்க உதவும் உணவுகள்
சில உணவுப் பொருள்களைக் கொண்டு தமனிகளில் அடைப்பு ஏற்படுவதைத் தடுத்து மேலே கூறப்பட்ட ஆபத்துகளைத் தடுக்கலாம்.
பச்சை இலை காய்கறிகள்
தமனி சார்ந்த பிரச்சனைகளைத் தடுக்க பச்சை இலை காய்கறிகள் பெரிதும் உதவுகின்றன. பிரிட்டிஷ் ஜர்னல் ஆஃப் கிளினிக்கல் ஃபார்மகாலஜியில் வெளியிடப்பட்ட ஆய்வு ஒன்றில், கீரைகள், பீட்ரூட்டில் காணப்படும் தாதுக்களான டயட்டரி நைட்ரேட் மற்றும் பொட்டாசியம் போன்றவை “முக்கிய வாஸ்குலர் விளைவுகளை” ஏற்படுத்தலாம். குறிப்பாக இவை அடைபட்ட தமனிகள் அல்லது ஆர்த்ரோஸ்கிளிரோசிஸ் ஏற்படுவதைத் தடுக்கும். 
வெள்ளை இறைச்சி
கோழி, வான்கோழி மற்றும் தேன் போன்றவை வெள்ளை இறைச்சியில் முதன்மையானவை ஆகும். அடைபட்ட தமனிகள் உருவாகும் அபாயத்தைத் தவிர்க்க வெள்ளை இறைச்சியை எடுத்துக் கொள்ளலாம்.
இந்த பதிவும் உதவலாம்: Heart Failure Causes: இதய செயலிழப்புக்கு சாத்தியமான காரணங்கள் என்னென்ன தெரியுமா?
சிலுவைக் காய்கறிகள்
ப்ரோக்கோலி, காலிஃபிளவர், போன்றவை சிலுவை காய்கறிகள் எனப்படுகிறது. இவை தமனிகள் அடைபடுவதால் ஏற்படும் ஆபத்தைத் தடுக்க உதவுகிறது. கடந்த 2009 ஆம் ஆண்டு பிரிட்டிஷ் ஹார்ட் ஃபவுண்டேஷன் ஜர்னல் ஆர்த்ரோஸ்கிளிரோசிஸ் த்ரோம்போசிஸ் மற்றும் வாஸ்குலர் பயாலஜியில் வெளியிடப்பட்ட ஆய்வு ஒன்றில், முட்டைக்கோஸ், காலிஃபிளவர், ப்ரோக்கோலி போன்ற காய்கறிகளில் காணப்படும் இரசாயனம் தமனிகளை நோயிலிருந்து பாதுகாக்கும் இயற்கையான பாதுகாப்பு நெறிமுறையை அதிகரிக்கிறது.
நட்ஸ் மற்றும் விதைகள்
பல்வேறு வகையான நட்ஸ்களில் புரதம், நார்ச்சத்து, வைட்டமின்கள், தாதுக்கள் மற்றும் ஆரோக்கியமான கொழுப்புகள் போன்றவை நிறைந்துள்ளன. இவை உடலில் நல்ல கொழுப்பின் அளவை அதிகரித்து, தமனி அடைபடுவதால் ஏற்படும் பெருந்தமனித் தடிப்புத் தோல் அழற்சி அபாயத்தைக் குறைக்கிறது. 
தவிர்க்க வேண்டிய உணவுகள்
தமனிகளில் கொழுப்பு அடைபடுவதால் ஏற்படும் இதயச் செயலிழப்பு, மாரடைப்பு போன்ற பல்வேறு விளைவுகளிலிருந்து விடுபட சில உணவுகளைத் தவிர்க்க வேண்டிய அவசியம். அதன் படி, பதப்படுத்தப்பட்ட மற்றும் மிகவும் வறுத்த உணவுகளைத் தவிர்க்க வேண்டும். மேலும், உயர் இரத்த அழுத்தம் உள்பட இதய பிரச்சனைகளை ஏற்படுத்தும் உப்பைக் கட்டுப்படுத்துவது நல்லது. இந்த உணவு முறைகளைக் கையாள்வதன் மூலம் தமனி அடைப்பு ஏற்படுவதைத் தடுக்கலாம்.
இந்த பதிவும் உதவலாம்: Cardiac Arrest Symptoms: நீங்கள் தெரிந்து கொள்ள வேண்டிய கார்டியாக் அரெஸ்ட்டின் முக்கிய அறிகுறிகள்
Image Source: Freepik