$
புத்தாண்டு உள்ளிட்ட பல முக்கிய நாட்களிலும் பலரும் எடுத்துக் கொள்ளும் முக்கிய சபதங்களில் ஒன்றாக இருப்பது ஜிம் செல்வது. அதேபோல் உடல் செயல்பாடுகளில் ஏதேனும் பிரச்சனைகளை சந்தித்தாலோ, வயிறு உப்புசம் உணர்வை சந்தித்தாலோ உடனே ஜிம் செல்வது பலரின் வழக்கம். ஆனால் இப்படி செய்வது சரியான முறை இல்லை. உடற்பயிற்சிக் கூடங்களில் உயிரிழப்போர் எண்ணிக்கையும் கணிசமாக அதிகரிப்பதை நம் கவனித்தில் கொள்ள வேண்டும்.
ஃபிட்னஸ் சென்டர் செல்வதற்கு முன் சில உடல் பரிசோதனைகளும் சில வழிகளையும் பின்பற்ற வேண்டியது மிக முக்கியம். இதுகுறித்து Dr Preethi Kabra, Neuberg Diagnostics கூறிய கருத்துக்களை இப்போது பார்க்கலாம்.
ஃபிட்னஸ் சென்டர் செல்வதற்கு முன் என்ன செய்ய வேண்டும்?
ஆரோக்கியமான வாழ்க்கை முறையை நோக்கி செல்லும் பயணத்தில் ஜிம்மிற்கு செல்வது என்பது முதல் படியாக இருக்கிறது. இருப்பினும் நீங்கள் உடற்பயிற்சியில் இறங்குவதற்கு முன் சில உடல்நலப் பரிசோதனைகளை மேற்கொள்வது மிக முக்கியம்.
நீரிழிவு நோயாளிகள், உயர் இரத்த அழுத்தம், புகைபிடித்தல் பழக்கம், இதய நோய் குடும்ப வரலாறு உள்ளவர்கள் உடற்பயிற்சி செய்யும் போது கவனமாக இருக்க வேண்டியது அவசியம்.
உடற்பயிற்சி செய்யத் தொடங்குவதற்கு முன் அதற்கான கால அளவு மற்றும் தீவிரம் குறித்தும், அந்தந்த குறிப்பிட்ட நபருக்கு பொருந்தக் கூடிய உடற்பயிற்சிகள் குறித்தும் தெரிந்துக் கொள்வது மிக முக்கியம்.
சுய மதிப்பீடு முக்கியம்
உங்களுக்கு நீங்களே கேட்க வேண்டிய கேள்விகள், சாதாரணமாக இருக்கிறீர்களா அல்லது சுறுசுறுப்பாக இருக்கிறீர்களா? உங்களுக்கு இதய பிரச்சனைக்கான அறிகுறிகள் உள்ளதா? உடற்பயிற்சிகளின் வகைகள் என்ன.. அதிக தீவிரம் கொண்ட ரன்னிங் பயிற்சி அல்லது அதிக தீவிரம் கொண்ட எடை பயிற்சி செய்கிறீர்களா? இந்தக் கேள்விகளில் ஏதேனும் ஒன்றுக்கு ஆம் என்று நீங்கள் நினைத்தால், நீங்கள் கண்டிப்பாக உடல்நலப் பரிசோதனை செய்துகொள்ள வேண்டும்.
உடற்பயிற்சியின் போது உங்களை ஆபத்தில் ஆழ்த்தக்கூடிய சில அடிப்படை உடல்நலப் பிரச்சனைகளை, இந்த உடல்நலப் பரிசோதனைகள் மூலம் முன்கூட்டியே சரிசெய்ய முடியும்.
உயர் இரத்த அழுத்தம், இதயப் பிரச்சனைகள் அல்லது நீரிழிவு நோய் போன்ற நோய்களின் அறிகுறிகள் கண்டறியப்படாமல் இருக்கலாம், இருப்பினும் இதனால் ஏற்படும் ஆபத்தை தவிர்க்க முன்கூட்டியே இதுகுறித்த பரிசோதனைகளை செய்வது கடுமையான விளைவுகளை சந்திப்பதை தவிர்க்க வழிவகுக்கும். இந்த நிலைமைகளை ஆரம்பத்திலேயே கண்டறிவதன் மூலம் உடற்பயிற்சி தொடர்பான சிக்கல்களைத் தடுக்கலாம்.
ஒருவர் எத்தனை நாட்களுக்கு ஒருமுறை உடல்நலப் பரிசோதனை செய்ய வேண்டும்?
பல உடல்நலப் பிரச்சினைகள் ஆரம்ப கட்டங்களில் எந்த அறிகுறிகளையும் காட்டாததால், வருடத்திற்கு ஒரு முறையாவது உடல்நலப் பரிசோதனைக்கு செல்வது நல்லது. உடல்நலப் பிரச்சினைகளை மிக எளிதாக குணப்படுத்த வேண்டுமானால் அதை ஆரம்பத்திலேயே கண்டறிய வேண்டும் என்பது மிக மிக முக்கியமான ஒன்று.
GYM பயிற்சியாளரிடம் உங்கள் சுகாதார அறிக்கையைப் பற்றி விவாதிக்கவும்
உங்கள் உடல்நிலை குறித்தும், உங்கள் குறிப்பிட்ட தேவை மற்றும் இலக்குகளை பூர்த்தி செய்யும் ஒரு திட்டத்தை வடிவமைக்கவும் உடற்பயிற்சி நிபுணரை அனுகுவது முக்கியம்.
உங்கள் சோதனையில் இருந்து பெறப்பட்ட தகவலின் மூலம், பயிற்சியாளர்கள் உங்களின் வலிமை, பலவீனம், ஒட்டுமொத்த உடல்நிலை ஆகியவற்றைக் கருத்தில் கொண்டு உடற்பயிற்சி திட்டத்தை வடிவமைக்க முடியும். இந்த அணுகுமுறை பாதிப்பின் அபாயத்தைக் குறைக்கும், அதே வேளையில் உங்கள் உடற்பயிற்சி அனுபவத்தின் செயல்திறனை அதிகரிக்கவும் உதவும்.
உடற்பயிற்சியை எப்போது நிறுத்த வேண்டும்? அறிகுறிகள் என்ன?
நீங்கள் மார்பு அல்லது முதுகில் கனமாக உணர்ந்தாலோ, குமட்டல் அல்லது தலைச்சுற்றலோ, மந்தநிலை ஏற்பட்டு சரிந்துவிடுவது போல் உணர்ந்தாலோ உடனடியாக உடற்பயிற்சி செய்வதை நிறுத்துங்கள், ஏனெனில் இது ஒரு அடிப்படை சிக்கலைக் குறிக்கலாம்.
- தீவிர சோர்வு: நீடித்த சோர்வு என்பது அதிகப்படியான பயிற்சியைக் குறிக்கலாம்.
- நீடித்த வலி: தொடர்ச்சியான தசை வலி காயம் ஏற்பட்டதை குறிக்கலாம்.
- தலைச்சுற்றல் அல்லது குமட்டல்: இந்த அறிகுறிகள் நீரிழப்பு அல்லது அதிக உடல் உழைப்பைக் குறிக்கலாம்.
- மூட்டு வலி: தொடர்ச்சியான மூட்டு வலி அதிகப்படியான அல்லது முறையற்ற வடிவத்தின் அறிகுறியாக இருக்கலாம்.
- ஒழுங்கற்ற இதயத் துடிப்பு: நீங்கள் ஒழுங்கற்ற இதய தாளத்தை அனுபவித்தால் மருத்துவ உதவியை நாடுங்கள்.
வொர்க்அவுட் செய்வதற்கான நேரம்
உடற்பயிற்சிக்கு முன் வார்ம் அப் செய்வது காயத்தின் அபாயத்தைக் குறைப்பதற்கும், உடல் ரீதியாகவும் மனரீதியாகவும் தன்னைத் தயார்படுத்திக் கொள்ள ஒரு சிறந்த வழியாகும். தொடர்ந்து 2-3 மணி நேரம் உடற்பயிற்சி செய்வதற்குப் பதிலாக தினமும் 45 நிமிடங்கள் உடற்பயிற்சி செய்வது நல்லது.
அதேபோல ஆசுவாசப்படுத்துதல் மற்றும் ஸ்ட்ரெச்சிங் என்பதும் எந்த சூழ்நிலையும் தவறவே விடக்கூடாத மிக முக்கியமான அம்சமாகும். மருத்துவ பிரச்சனைகள் உள்ளவர்கள் விறுவிறுப்பான நடைப்பயிற்சி, ஜாகிங், சைக்கிள் ஓட்டுதல், நீச்சல் மற்றும் யோகா போன்ற செயல்களைத் தேர்ந்தெடுக்குமாறு கேட்டுக் கொள்ளப்படுகிறார்கள்.
உங்களுக்கு உடல் வலி இருந்தால், அல்லது மூச்சுத்திணறல் அல்லது பலவீனமாக உணர்ந்தால் உடற்பயிற்சி செய்ய வேண்டாம். மெதுவாகவும் படிப்படியாகவும் உடற்பயிற்சி செய்யத் தொடங்குங்கள். உங்கள் திறன்களுக்கு ஏற்ப உடற்பயிற்சி செய்யுங்கள், மற்றவர்கள் அதைச் செய்கிறார்கள் என்பதற்காக நீங்களும் அதை முயற்சிப்பதை தவிர்க்கவும்.
Image Source: FreePik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
