$
Does peeing after sex prevent UTI: சிறுநீர் பாதை நோய்த்தொற்று (Urinary Tract Infections) என்பது நமது சிறுநீர் அமைப்பு பாதிக்கப்படும் ஒரு பிரச்சனையாகும். ஈ-கோலி பாக்டீரியா தொற்று இதற்காரணம் முக்கிய காரணமாகும். இது ஆண்களை விட பெண்களுக்கு அதிகமாக ஏற்படும். இதன் காரணமாக தொற்று பாதிக்கப்பட்டவர்கள் மிகவும் அசௌகரியமாக உணர்கிறார்.
சிறுநீர் கழிக்கும் போது எரியும் உணர்வு, அடிவயிற்றில் வலி, காய்ச்சல் போன்றவை இதன் முக்கிய அறிகுறிகள். சிறுநீர் பாதை தொற்று ஏற்பட பல காரணங்கள் இருந்தாலும், உடலுறவுக்குப் பிறகு பெண்கள் அடிக்கடி இதை எதிர்கொள்கின்றனர். இதற்கு என்ன காரணம் என இந்த தொகுப்பில் நாம் பாக்கலாம்.
இந்த பதிவும் உதவலாம் : Vitamin Deficiency: உஷார்! இந்த வைட்டமின்களின் குறைபாட்டால் ஏற்படும் பிரச்சனைகள் இது தான்!
உடலுறவுக்கு பின் UTI ஏன் ஏற்படுகிறது?
இது பிறப்புறுப்பு மற்றும் சிறுநீர் பகுதியைச் சுற்றி நடக்கும் ஒரு தொற்று. இந்நிலையில், உடலுறவின் போது ஏற்படும் செயல்பாடு பாக்டீரியாவை சிறுநீர் பாதையை நோக்கி தள்ளுகிறது. இதன் காரணமாக UTI பிரச்சனை ஏற்படுகிறது. பலர் உடலுறவு கொள்ளும்போது விந்தணுக் கொல்லி மசகு எண்ணெயைப் பயன்படுத்துகிறார்கள். இதுவும் தொற்றுநோயை ஏற்படுத்துகிறது என நிபுணர்கள் கூறுகின்றனர்.
அதாவது, லூப்ரிகண்டுகள் நெருக்கமான பகுதியில் உள்ள பாக்டீரியா சமநிலையை மாற்றியமைத்து, தொற்று அபாயத்தை அதிகரிக்கும். பல நேரங்களில் மக்கள் சுகாதாரத்தை கவனிக்காமல், இரண்டு நான்கு நாட்களுக்கு ஒரே ஆடைகளை அணிவார்கள். அதன் பிறகு, உடலுறவின் போது, ஒருவருக்கொருவர் நெருங்கிய பகுதியில் இருக்கும் தீங்கு விளைவிக்கும் பாக்டீரியாக்கள் பரிமாறப்படுகின்றன. இதன் காரணமாகவும் UTI ஏற்படுகிறது. உடலுறவின் போது பல முறை கீறல்கள் அல்லது வெட்டுக்கள் ஏற்படுகின்றன. இவையும் தொற்றுநோய்க்கு வழிவகுக்கும்.
இந்த பதிவும் உதவலாம் : Copper Side Effects: உஷார்! இவங்க மறந்தும் காப்பர் பாட்டில் தண்ணீரைக் குடிக்கக் கூடாது!
UTI ஏற்படுவதை தடுக்க என்ன செய்ய வேண்டும்?
- உடல் ரீதியான உறவுகளுக்கு முன் சுகாதாரத்தை கவனித்துக்கொள்வது மிகவும் முக்கியம். முன் மற்றும் பின் இருந்து நெருக்கமான பகுதியை நன்கு சுத்தம் செய்யவும்.
ஆணுறை பயன்படுத்தவும். - உங்கள் இணையர் UTI இன் அறிகுறிகளை அனுபவித்தால், உடலுறவைத் தவிர்க்கவும். தனிப்பட்ட சுகாதாரத்திற்காக, தினமும் குளிக்கவும், தினமும் உள்ளாடைகளை மாற்றவும்.
- உடலுறவுக்குப் பிறகு சிறுநீர்ப்பையில் உள்ள பாக்டீரியாவை நீக்க உடலுறவுக்கு பின் சிறுநீர் கழிப்பதன் மூலம் UTI ஆபத்தை குறைக்கலாம்.
- உடலுறவுக்கு முன் உங்கள் பிறப்புறுப்பை வெதுவெதுப்பான நீரில் கழுவுவது, குறிப்பாக பெண்களுக்கு சிறுநீர்க் குழாயில் பாக்டீரியாக்கள் நுழையும் அபாயத்தைக் குறைக்கலாம்.
இந்த பதிவும் உதவலாம் : வாய் புண் இருந்தால் என்ன சாப்பிடக் கூடாது? விரைவில் சரியாகும்!
- மீண்டும் மீண்டும் UTI பிரச்சினையை எதிர் கொள்ளும் பெண்கள், உடலுறவுக்குப் பிறகு பரிந்துரைக்கப்பட்ட ஆண்டிபயாடிக் எடுத்துக்கொள்வதால் பயனடையலாம்.
யாருக்கெல்லாம் UTI வருவதற்கான ஆபத்து அதிகம்?
யார் வேண்டுமானாலும் UTI-யை பெறலாம் என்றாலும், ஆண்களை விட பெண்கள் எட்டு மடங்கு அதிகமாக யுடிஐ பிரச்சினையை எதிர்கொள்கிறார்கள் என பல ஆராய்ச்சிகள் கூறுகின்றது. குறிப்பாக, வறண்ட அல்லது அட்ராபிக் திசுக்களைக் கொண்ட மாதவிடாய் நின்ற பெண்களுக்கு UTI வருவதற்கான அதிக ஆபத்து உள்ளது.
UTI-க்கு அதிக ஆபத்தை ஏற்படுத்தக்கூடிய காரணிகள்:
- அடிக்கடி, தீவிரமான உடலுறவு.
- புதிய துணையுடன் உடலுறவு.
- ஏற்கனவே யுடிஐ பாதிப்பு.
- உடல் பருமன்.
- சர்க்கரை நோய்.
- பலவீனமான நோய் எதிர்ப்பு அமைப்பு.
- சிறுநீர் அல்லது பிறப்புறுப்பு அசாதாரணங்கள்.
இந்த பதிவும் உதவலாம் : Thirsty At Night: இரவில் அதிகமாக தாகம் எடுக்கிறதா.? இது தான் காரணம்..
UTI இன் சில பொதுவான அறிகுறிகள் இங்கே
- அடிக்கடி சிறுநீர் கழிக்க வேண்டும் ஆனால் குறைவான சிறுநீர் கழிப்பது.
- சிறுநீர் கழிக்கும் போது எரியும் உணர்வு.
- வயிறு அல்லது இடுப்பு பகுதியில் வலி அல்லது அழுத்தம்.
- சிறுநீரில் இரத்தம்.
- வாசனை அல்லது மேகமூட்டமாக தோன்றும் அசாதாரண சிறுநீர்.
- மலக்குடல் வலி (ஆண்களில்).
சில சமயங்களில் உங்கள் மேல் முதுகு மற்றும் வயிற்றுப் பக்கங்களிலும் வலியை அனுபவிக்கலாம். இது உங்கள் சிறுநீரகங்களுக்கு தொற்று பரவியதற்கான அறிகுறியாக இருக்கலாம். எனவே, உரிய நேரத்தில் மருத்துவரை அணுகுவது ஆரோக்கியத்திற்கு நல்லது.
Pic Courtesy: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
