$
Which Mosquito Bites Mostly For Dengue: கொசுக்கடியால் டெங்கு காய்ச்சல் ஏற்படுகிறது என்பது அனைவருக்கும் தெரிந்த ஒன்றே. பொதுவாக மழைக்காலங்களிலேயே கொசு பரவுதலின் தாக்கம் அதிகமாக இருக்கும். ஆனால், எந்த வகையான கொசு பரவுதலால் டெங்கு காய்ச்சல் பரவுகிறது என்பது குறித்து தெரியுமா? டெங்கு காய்ச்சலை ஏற்படுத்தக்கூடிய வைரஸ்களைப் பரப்பும் கொசுக்கள் Aedes aegypti இன வகையைச் சார்ந்ததாகும்.
இந்த வகை பெண் கொசுக்கள் தண்ணீர் மற்றும் வீட்டிற்கு அருகிலுள்ள தாவரங்களுடன் கொள்கலன்களில் முட்டையிடுகிறது. இது மனிதர்கள் மற்றும் விலங்குகளைக் கடிக்கிறது. குறிப்பாக இந்த Aedes aegypti இன வகைகள் வெப்பமண்டல மற்றும் மிதவெப்ப மண்டல காலநிலையில் ஆண்டு முழுவதும் வாழக்கூடிய வகையைச் சார்ந்ததாகும். இதில் டெங்கு காய்ச்சலை ஏற்படுத்தும் கொசு குறித்தும், எந்த நேரத்தில் டெங்கு கொசுக்கள் அதிக ஆபத்தைத் தரும் என்பதையும் காணலாம்.
இந்த பதிவும் உதவலாம்: Bird Flu: பரவி வரும் பறவைக் காய்ச்சலுக்கான காரணங்கள், அறிகுறிகள் மற்றும் சிகிச்சை முறைகள்
Aedes aegypti கொசு குறித்த தகவல்கள்
- ஏடிஸ் எஜிப்டி என்பது வெள்ளை லைர் வடிவ அடையாளங்கள் மற்றும் கட்டப்பட்ட கால்களைக் கொண்ட ஒரு சிறிய, கருமையான கொசு ஆகும்.
- இந்த வகை கொசுக்கள் மரக்குழிகள், தாவர அச்சுக்கள் போன்ற இடங்களை வாழ்விடங்களாகவும், முட்டையிடுவதற்கு நீர் நிரம்பியுள்ள செயற்கை கொள்கலன்கள், நீர்த்தேக்கங்கள் உள்ள இடங்களையும் பயன்படுத்தும்.
- மேலும், அழுகும் இலைகள், பாசிகள் போன்ற கரிமப் பொருள்கள் மற்றும் நிழலில் அமைந்துள்ள அடர் நிறத்திலான கொள்கலன்களை விரும்புகிறது.
- இந்த இனக் கொசுக்கள் டெங்கு காய்ச்சல் மட்டுமல்லாமல் மஞ்சள் காய்ச்சல், சிக்கன்குனியா போன்ற பல்வேறு வைரஸ் நோய்களின் முதன்மையான காரணியாக செயல்படுகிறது.
வாழ்விடம்
ஏடிஸ் எஜிப்டி நீர் சார்ந்த பகுதியிலேயே பொதுவாகக் காணப்படுகிறது. மேலும், இதன் முட்டைகளை இடுவதற்கு நீர் சேமிப்பு கொள்கலன்களை சார்ந்துள்ளது. இதில் ஆண் மற்றும் பெண் பெரியவர்கள் தாவரங்களின் தேனை உண்கிறது. எனினும், பெண் கொசுக்களுக்கு முட்டைகளை உற்பத்தி செய்வதற்கு இரத்தம் தேவைப்படுகிறது. அதே சமயம் இந்த பெண் கொசுக்கள் பகல் நேரத்திலேயே சுறுசுறுப்பாக இருக்கும். இதில் முட்டைகள் புதிய இடங்களுக்கு எளிதாக பரவுகிறது.
இயற்கை அல்லது செயற்கையான முறையில் நீர் சேமிக்கப்பட்ட கொள்கலன்கள் திறந்த அல்லது மூடப்படாத கழிவுநீர் தொட்டிகள், கிணறுகள், புயல் வடிகால், நீர் மீட்டர்கள் போன்ற நிலத்தடி நீர் சேகரிப்பு இடங்களிலும் இந்த கொசுக்கள் பரவுகிறது.
இந்த பதிவும் உதவலாம்: Drink Water After Urinating: சிறுநீர் கழித்த உடனேயே தண்ணீர் குடிப்பது உயிருக்கு ஆபத்தா? தீமைகள் இங்கே!
Aedes aegypti கடிக்கும் நடத்தை
டெங்குவைப் பரப்பும் பெண் கொசுக்களான Aedes aegypti வகையைச் சார்ந்த கொசுக்கள் முதன்மையாக பகலில் கடிக்கக் கூடியதாகும். அதாவது சூரிய உதயத்திற்குப் பிறகு தோராயமாக இரண்டு மணிநேரமும், சூரிய அஸ்தமனத்திற்கு முன் பல மணிநேரமும் இந்த வகை கொசு இனம் மிகவும் சுறுசுறுப்பாக இருக்கும்.
இரவில் கடிக்காதென்றால் அப்படி கிடையாது. இது இரவு நேரங்களிலும் நன்கு ஒளிரும் பகுதிகளில் கடிக்கும். அதிலும் மக்கள் விரைவில் உணர முடியாத வகையில் பின்னால் இருந்து நெருங்கி வந்து முழங்கை, கணுக்கால் போன்றவற்றைக் கடிக்கலாம். இதில் குறிப்பாக, பெண் இன கொசுக்களே முட்டையிடுவதற்காக இரத்தத்தைப் பெற கடிக்கின்றன.
டெங்குவை பரப்பும் கொசுவைக் கட்டுப்படுத்துவது எப்படி?
- முதலில் கொசு உற்பத்திக்குக் காரணமான தண்ணீர் நிரப்பப்பட்ட கொள்கலன்களை மூடி வைக்க வேண்டும். அதே போல, தேவையில்லாத இடங்களில் தண்ணீர் தேங்கி நிற்பதை அகற்ற வேண்டும்.
- செடிகளில் உள்ள மரத்துளைகள், மற்றும் பிற குழிகளை மண்ணால் நிரப்பலாம்.
- காலியான கொள்கலன்கள், பழைய உபகரணங்கள், டயர்கள் போன்ற பெரிய பொருள்கள் உள்ளதெனில், அதை மூடி வைக்க வேண்டும். அதே சமயம், அதில் தண்ணீர் தேங்கி இல்லாததை உறுதி செய்ய வேண்டும்.
- அடைக்கப்பட்ட வடிகால்கள், கிணறுகள், செப்டிக் டேங் போன்ற மறைந்த நீர் நிலைகளைச் சரிபார்ப்பது அவசியமாகும்.
இது போன்ற பல்வேறு முறையான வழிகளைக் கையாள்வதன் மூலம் டெங்குவைப் பரப்பும் ஏடிஸ் எகிப்தி கொசு இனங்களைத் தடுக்கலாம் அல்லது கட்டுப்படுத்தலாம்.
இந்த பதிவும் உதவலாம்: Adah Sharma Endometriosis: பிரபல நடிகைக்கு வந்த அரிய வகை நோய்! நோய்க்கான அறிகுறிகளும், சவால்களும்!
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
