$
Cholesterol Control Drinks: கொழுப்பு என்றாலே கெட்டது என பலரும் நினைக்கிறார்கள். ஹார்மோன்களின் உற்பத்திக்கு கொலஸ்ட்ரால் அவசியம். இது உடலில் ஈஸ்ட்ரோஜன், டெஸ்டோஸ்டிரோன் மற்றும் அட்ரீனல் போன்ற ஹார்மோன்களின் உற்பத்திக்கு இது உதவுகிறது. உடலில் வைட்டமின் டி உற்பத்திக்கு கொலஸ்ட்ரால் தேவைப்படுகிறது. கொலஸ்ட்ரால் நம் உடலுக்கு இன்றியமையாதது.
கொலஸ்ட்ரால் மூலம் ஏற்படும் அபாயம்
அதிகப்படியான, குறிப்பாக கெட்ட கொழுப்பு (எல்டிஎல்) போன்றவையே ஆபத்தானதாக கருதப்படுகிறது. இது இதயத்தின் இரத்த நாளங்களில் உறைவு உருவாகும் அபாயத்தை அதிகரிக்கிறது. இதயம், மூளை போன்றவைகளில் அடைப்பு ஏற்படுத்துகிறது. அதிக கொழுப்பு இதய பிரச்சனைகள், பக்கவாதம், உயர் இரத்த அழுத்தம் மற்றும் நீரிழிவு அபாயத்தை அதிகரிக்கிறது.
உடலில் அதிக கொலஸ்ட்ரால் இருப்பதற்கான அறிகுறிகள் எதுவும் இல்லை. கொலஸ்ட்ரால் அளவு உச்ச நிலையை அடையும் போது.. அதன் அறிகுறிகள் தெரியும். மார்பு வலி, உடல் பருமன், கால்களில் வலி, வியர்வை போன்ற அறிகுறிகள் தோன்றும்.
உடல் கொலஸ்ட்ராலை குறைக்க உதவும் பானங்கள்
அதிக கொலஸ்ட்ரால் பிரச்சனையில் இருந்து விடுபட, தொடர்ந்து பரிசோதனை செய்து ஆரோக்கியமான வாழ்க்கை முறையை பின்பற்றுவது அவசியம். ஆரோக்கியமான சாப்பாடு, நிம்மதியான தூக்கம், தொடர் உடற்பயிற்சி, குறைந்த மன அழுத்தம் போன்றவைகள் கொலஸ்ட்ரால் பிரச்சனையை நீக்கும். அதேபோல் உடலில் உள்ள கெட்ட கொலஸ்ட்ராலை கரைக்க சில பானங்களும் உதவியாக இருக்கும். அது என்ன என்று பார்க்கலாம்.
சோயா பால்
சோயாவில் நிறைவுற்ற கொழுப்பு குறைவாக உள்ளது. கொலஸ்ட்ரால் பிரச்சனை உள்ளவர்கள் அதிக கொழுப்புள்ள பால் மற்றும் பால் பொருட்களுக்கு மாற்றாக சோயா பாலை குடிக்கலாம். சோயா உடலில் உள்ள கொலஸ்ட்ராலை கரைக்க உதவுகிறது. இதய ஆரோக்கியத்திற்கும் நல்லது. சோயாவில் நிறைவுற்ற கொழுப்பு மற்றும் கொலஸ்ட்ரால் அளவு குறைவாக உள்ளது. ஒரு நாளைக்கு 25 கிராம் சோயா புரதத்தை உட்கொள்வது இதய நோய் அபாயத்தைக் குறைக்கும்.
தக்காளி சாறு
தக்காளி சாறு உடலில் கொலஸ்ட்ரால் அளவை குறைக்க உதவுகிறது. தக்காளியில் உள்ள லைகோபீன் என்ற பொருள் கெட்ட கொழுப்பின் அளவைக் குறைக்கவும், லிப்பிட் அளவை அதிகரிக்கவும் உதவுகிறது. தக்காளியில் உள்ள நார்ச்சத்து மற்றும் நியாசின் கொலஸ்ட்ராலை கரைக்கும். இரண்டு மாதங்களுக்கு ஒரு நாளைக்கு 280 மில்லி தக்காளி சாறு குடித்து வந்தால், இரத்தத்தில் உள்ள கொழுப்பின் அளவைக் குறைக்கலாம் என்று ஆய்வில் தெரியவந்துள்ளது.
ஓட்ஸ் சாறு
ஓட்ஸில் பீட்டா-குளுக்கன்கள் நிறைந்துள்ளன. அவை குடலில் ஒரு ஜெல் போன்ற பொருளை உருவாக்குகின்றன, இது கொலஸ்ட்ரால் அளவைக் குறைக்க உதவுகிறது. பேக் செய்யப்பட்ட ஓட்ஸ் பானம் வாங்கும் பட்சத்தில் அதில் பீட்டா குளுக்கன்கள் இருக்கிறதா என்பதை உறுதிப்படுத்திக் கொள்ளுங்கள்.
க்ரீன் டீ
காலையில் கிரீன் டீ குடிக்கும் பழக்கம் பலருக்கும் உண்டு. கிரீன் டீயில் உள்ள கேடசின்கள் மற்றும் எபிகல்லோகேடசின் கேலேட் போன்ற ஆன்டிஆக்ஸிடன்ட்கள் கெட்ட கொழுப்பின் அளவைக் குறைக்க உதவுகின்றன. க்ரீன் டீ உடல் எடை குறைப்பு உள்ளிட்ட பல ஆரோக்கிய நன்மைகள் நிறைந்துள்ளன.
உடலில் கொழுப்பு சேரவிடாமல் பார்த்துக் கொள்வது என்பது பல ஆரோக்கிய நன்மைகளுக்கு முன்னோடியான விஷயமாகும். உடல்நலம் தொடர்பான எந்த ஒரு விஷயத்திலும் தீவிரத்தை உணரும்பட்சத்தில் உடனே மருத்துவரை அணுகுவது நல்லது.
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
