சில நோய்கள் உலகம் முழுவதும் அரிதாகவே காணப்பட்டாலும், ஒருமுறை தாக்கினால் உயிரை எடுக்கும் அளவுக்கு ஆபத்தை உண்டாக்குகின்றன. அதில் ஒன்று தான் மூளை உண்ணும் அமீபா (Brain Eating Amoeba) எனப்படும் Naegleria fowleri.
இந்த அரிய அமீபா சமீபத்திய நாட்களில் கேரளா மாநிலத்தில் 20-க்கும் மேற்பட்டோர் பாதிப்பு மற்றும் 7-க்கும் மேற்பட்டோர் மரணம் ஆகியவற்றுக்கு காரணமாகியுள்ளது. இதுபற்றி ரேடியாலஜிஸ்ட் டாக்டர் முபாரக் விளக்கமளித்துள்ளார்.
மூளை உண்ணும் அமீபா என்றால் என்ன?
Naegleria fowleri என்பது நீரில் வாழும் ஒரு சிறிய உயிரி. பொதுவாகக் குளம், ஏரி, ஆறு, நீச்சல் குளம் போன்ற இடங்களில் காணப்படும். இது சாதாரணமாக தோல் வழியாக உடலில் நுழையாது, ஆனால் மூக்கின் வழியாக நுழைந்து நேராக மூளைக்குச் செல்லும்.
அங்கே சென்றவுடன், இந்த அமீபா மூளையில் தொற்று ஏற்படுத்தி, Primary Amoebic Meningoencephalitis (PAM) எனப்படும் மூளை காய்ச்சலை உண்டாக்குகிறது.
மூளை உண்ணும் அமீபாவின் தாக்கம்
டாக்டர் முபாரக் கூறுகையில், “நீரில் குளிக்கும்போது அல்லது விளையாடும்போது, அமீபா மூக்கின் வழியாக நுழைந்தால், சில நாட்களில் காய்ச்சல் தொடங்கும். அதன்பின் வாந்தி, வலிப்புத்தாக்கங்கள், மயக்கம், கோமா போன்ற அறிகுறிகள் ஏற்படும். ஒருமுறை இது மூளையை அடைந்துவிட்டால், உயிர் பிழைக்கும் வாய்ப்பு மிகக் குறைவு. அதனால் தான் இந்த அமீபாவை “மூளை உண்ணும் அமீபா” என்றார்.
அறிகுறிகள்
* திடீர் காய்ச்சல்
* தலைவலி
* வாந்தி மற்றும் வாந்தியுணர்வு
* வலிப்புத்தாக்கங்கள்
* நினைவாற்றல் குறைவு
* மயக்கம் / கோமா
பரவக் கூடிய இடங்கள்
* குளங்கள், ஏரிகள்
* நீச்சல் குளங்கள் (சுத்தம் செய்யப்படாதவை)
* சில ஆறுகள், கிணறுகள்
* குளிர்பதன வசதி இல்லாத, பாசிசுத்தம் செய்யப்படாத தண்ணீர்.
View this post on Instagram
தடுப்பு முறைகள் (Prevention)
டாக்டர் முபாரக் பரிந்துரைத்துள்ள 3 முக்கிய முன்னெச்சரிக்கைகள்:
* குளம், ஏரி, ஆறு போன்ற இடங்களில் நீச்சல் தவிர்க்கவும்.
* மூக்கில் தண்ணீர் விட்டு சுத்தம் செய்பவர்கள், காய்ச்சி ஆற்றிய தண்ணீர் அல்லது ஸ்டெரைல் வாட்டர் மட்டும் பயன்படுத்த வேண்டும்.
* தண்ணீர் மூக்குக்குள் செல்வதைத் தடுக்க உதவும்.
சமீபத்திய நிலைமை
கேரளாவில் 20-க்கும் மேற்பட்டோர் பாதிக்கப்பட்டு, 7 பேர் உயிரிழந்துள்ளதாக மருத்துவர்கள் உறுதிப்படுத்தியுள்ளனர். அதனால் பொதுமக்கள் அனைவரும் விழிப்புணர்வுடன் இருக்க வேண்டும்.
இறுதியாக..
மூளை உண்ணும் அமீபா (Naegleria fowleri) மிகவும் அரிதாகக் காணப்பட்டாலும், தாக்கினால் உயிருக்கு மிகப்பெரிய ஆபத்தை ஏற்படுத்துகிறது. எனவே, அழுக்கான நீரில் குளிப்பதைத் தவிர்க்கவும், மூக்கின் வழியாக நீர் செல்லாமல் பார்த்துக் கொள்ளவும், நீச்சல் குளங்களில் nose clip அணியவும் என்பது மிக முக்கியம்.
Disclaimer: இந்த கட்டுரை பொதுவான விழிப்புணர்வுக்காக மட்டுமே. எந்தவொரு சுகாதாரச் சிக்கலும் ஏற்பட்டால் உடனடியாக மருத்துவரின் ஆலோசனையை பெறவும்.
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
