மெலட்டோனின் மாத்திரை தேவையில்லை.. ஆழ்ந்த தூக்கத்திற்கான சிறந்த இரவு உணவுகள் இங்கே..

இன்றைய நவீன வாழ்க்கை முறையில் கணினி, மொபைல் பயன்பாடு கணிசமாக அதிகரித்துள்ளது. சிறு குழந்தைகள் முதல் முதியவர்கள் வரை அனைவரும் அதிக நேரத்தை மொபைலில் செலவழித்து வருகின்றனர். இதனுடன் பரபரப்பான வாழ்க்கை முறை, வேலைச் சுமை, மன அழுத்தம் போன்றவை இணைந்து தூக்கமின்மையை அதிகரிக்கின்றன.

தூக்கமின்மை உடலுக்கு பல பிரச்சனைகளை ஏற்படுத்தி, பல்வேறு நோய்களுக்கு வழிவகுக்கக் கூடியது. இதை சமாளிக்க பலர் தூக்க மாத்திரைகளை நாடுகின்றனர். ஆனால், தூக்க மாத்திரைகள் நீண்டகாலத்தில் பல பக்கவிளைவுகளை உண்டாக்கும் அபாயம் உண்டு.

இந்நிலையில், எந்த பக்கவிளைவுகளும் இல்லாமல் இயற்கையாகவே நிம்மதியான தூக்கத்தை அளிக்கக் கூடிய சில உணவுகளைச் சாப்பிடலாம் என, Nutritionist லவ்நீத் பட்ரா தனது சமூக வலைதளத்தில் பகிர்ந்துள்ளார்.

சிறந்த தூக்கத்திற்காக இரவில் சாப்பிட வேண்டியவை..

பூசணி விதைகள்

இதில் மக்னீசியம் மற்றும் ட்ரிப்டோபேன் நிறைந்துள்ளன. இவை மூளையில் அமைதியை ஏற்படுத்தும் GABA சுரப்பை தூண்டி, செரட்டோனின் மற்றும் மெலட்டோனின் உற்பத்தியை மேம்படுத்தும்.

வாழைப்பழம்

இதில் விட்டமின் B6, பொட்டாசியம், ட்ரிப்டோபேன் அதிகம். இவை தசைகளை தளரச் செய்து, நரம்பு அமைப்பை சீராக்கி தூக்கத்திற்கு உதவுகிறது.

இந்த பதிவும் உதவலாம்: உறக்கம் தான் ஆரோக்கியத்தின் ரகசியம்! எந்த வயதில் எத்தனை மணி நேரம் தூங்க வேண்டும்? மருத்துவர் விளக்கம்.. 

பாதாம்

மக்னீசியம் நிறைந்த பாதாம், மன அழுத்த ஹார்மோன் குறையச் செய்து, தசைகளை தளர்வதன் மூலம் இடையூறு இல்லாத நித்திரையைத் தருகிறது.

கெமோமில் டீ

இதில் உள்ள அபிஜெனின் மூளை ரிசப்டர்களைத் தூண்டி தூக்கத்தை எளிதாக்குகிறது.

அப்ரமாஞ்சி டீ

அப்ரமாஞ்சி டீ, வாலேரெனிக் அமிலம் கொண்டது. GABA சுரப்பை அதிகரித்து தூக்க நேரத்தை விரைவுபடுத்துகிறது.

செர்ரி டீ

செர்ரியில் - மெலட்டோனின், ட்ரிப்டோபேன், பாலிஃபெனால்கள் நிறைந்துள்ளன. இவை தூக்கத் தரத்தை மேம்படுத்துகின்றன.

மஞ்சள் மற்றும் பாதாம் பால்

மஞ்சளில் உள்ள அலர்ஜி எதிர்ப்பு தன்மை, உங்கள் மனநிலையை சீர்படுத்தும். பாதாம், உங்கள் செரிமானத்தைச் சீராக்கி நரம்பை அமைதிப்படுத்தும். இரவு படுக்கும் முன் இந்த பால் குடிப்பது மனம்-உடலைத் தளரச் செய்யும்.

View this post on Instagram

A post shared by Lovneet Batra (@lovneetb)

நிபுணர் பரிந்துரை

* இந்த உணவுகளை இரவு உணவில் சேர்க்க வேண்டும்.

* தினசரி நடைப்பயிற்சி மற்றும் மனஅழுத்தக் குறைப்புப் பழக்கங்களுடன் இணைக்க வேண்டும்.

* மொபைல், டிவி பயன்பாட்டை குறைத்தால் நல்ல நித்திரை பெறலாம்.

இறுதியாக..

தூக்க மாத்திரைகளில் சார்ந்திருப்பதை விட, இயற்கையான உணவுகள் மூலம் தூக்கத்தை மேம்படுத்துவது மிகவும் பாதுகாப்பானதும் பயனுள்ளதாகவும் இருக்கும். மாக்னீசியம், டிரிப்டோபன், ஆன்டி-ஆக்ஸிடன்ட்கள் போன்ற சத்துக்கள் நிறைந்த உணவுகள் நரம்பு அமைப்பை அமைதியாக்கி, மன அழுத்தத்தை குறைத்து, ஹார்மோன்களை சமநிலைப்படுத்த உதவுகின்றன.

ஆரோக்கியமான தூக்கத்தை பெறுவது, உடல் மற்றும் மன நலத்திற்கு அடிப்படை. எனவே இரவு உணவில் சிறிய மாற்றங்கள் செய்து, இந்த இயற்கை உணவுகளை சேர்த்துக் கொள்வது, தூக்கமின்மை பிரச்சனையை குறைக்கும் சிறந்த வழியாகும்.

Disclaimer: இந்தக் கட்டுரையில் கூறப்பட்டுள்ள தகவல்கள் பொதுவான ஆரோக்கிய அறிவுரைகள் மட்டுமே. இது மருத்துவரின் ஆலோசனையை மாற்றாது. உங்கள் உடல்நிலைக்கு ஏற்ப உணவு பழக்கம் அல்லது சிகிச்சையில் மாற்றம் செய்ய வேண்டுமானால், தயவுசெய்து தகுந்த மருத்துவ நிபுணரை அணுகவும்.