“சாப்பாடு இல்லாமல் ஒருவன் சில நாட்கள் வாழலாம், ஆனால் தூக்கம் இல்லாமல் நீண்ட நாள் வாழ முடியாது” என்று மருத்துவ உலகம் வலியுறுத்துகிறது. உடலுக்கு ஆற்றல் தருவது உணவு என்றால், அந்த ஆற்றலைச் சீர்படுத்தி பயன்படுத்த வைக்கும் சக்தி தான் உறக்கம்.
சமீபத்தில் அமெரிக்காவின் National Sleep Foundation வெளியிட்ட ஆய்வு அறிக்கையை அடிப்படையாகக் கொண்டு, மருத்துவர் Isac Abbas ஒவ்வொரு வயதினரும் எத்தனை மணி நேரம் தூங்க வேண்டும் என்பதை விளக்குகிறார்.
தூக்கமின்மை – ஒரு ‘அமைதியான எதிரி’
இரவு முழுவதும் சரியாக தூங்கவில்லை என்றால் அடுத்த நாள் முழுவதும் மனஅழுத்தம், சோர்வு, எரிச்சல், நினைவாற்றல் குறைவு போன்ற பிரச்சினைகள் ஏற்படுகின்றன. மேலும் நீண்டகால தூக்கமின்மை இதய நோய், சர்க்கரை நோய், உடல் எடை அதிகரிப்பு, மன அழுத்த நோய் போன்றவற்றிற்கும் வழிவகுக்கிறது
எந்த வயதில் எத்தனை மணி நேரம் தூங்க வேண்டும்?
National Sleep Foundation பரிந்துரையின் படி:
* 0 – 3 மாத குழந்தைகள், தினமும் 14 முதல் 17 மணி நேரம் வரை தூங்க வேண்டும். குறைந்தபட்சம் 11 மணி நேரம், அதிகபட்சம் 19 மணிநேரத்தைத் தாண்டக்கூடாது.
* 4 -11 மாத குழந்தைகள், 12 – 15 மணி நேரம் தூக்கம் அவசியம். குறைந்தது 10 மணி நேரம் தூங்கினால் போதும், ஆனால் 18 மணி நேரத்தை மீறக் கூடாது.
* 1 – 2 வயது குழந்தைகள், தினமும் 11 முதல் 14 மணி நேரம் வரை கண்டிப்பாக தூங்க வேண்டும். குறைந்தது 9 மணி நேரம், அதிகபட்சம் 16 மணி நேரம் தூக்கம் கட்டாயம்.
* 3 – 5 வயது பிள்ளைகள், 10 – 13 மணி நேரம் பரிந்துரை. 8 மணி நேரத்திற்குக் குறைவோ அல்லது 14 மணி நேரத்தை மீறினாலோ உடல்நலம் பாதிக்கும்.
* 6 – 13 வயது பள்ளி செல்லும் குழந்தைகள், தினசரி 9 முதல் 11 மணி நேரம் வரை கண்டிப்பாக தூங்க வேண்டும். 7 மணிநேரத்திற்குக் குறைவோ, 12 மணிநேரத்திற்கும் மேலோ தூங்கக் கூடாது.
* 14 – 17 வயது பருவ வயதில் உள்ளவர்கள், 8 – 10 மணி நேரம் தூங்க வேண்டும். 7 மணிநேரத்திற்குக் குறைவோ அல்லது 11 மணிநேரத்திற்கும் மேலோ தூங்கினால் உடல்நலம் பாதிக்கப்படும்.
* 18 – 25 வயது உள்ளவர்கள், தினமும் 7 வரை 9 மணி நேரம் வரை கண்டிப்பாக தூங்க வேண்டும். குறைந்தபட்சம் 6 மணி குறையக்கூடாது.
இந்த பதிவும் உதவலாம்: சீக்கிரம் தூங்க இந்த 3 பொருட்களை பாலில் கலந்து குடிங்க..
தூக்கத்தை கெடுக்கும் பழக்கங்கள்
அடிக்கடி காபி, மது, எனர்ஜி டிரிங்க்ஸ் போன்றவற்றை எடுத்துக்கொள்வது, மொபைல், லேப்டாப் போன்ற டிஜிட்டல் சாதனங்களை தூங்கும் நேரத்திற்கு முன்பு அதிகமாகப் பயன்படுத்துவது, அலாரம், செயற்கை விளக்குகள், சூரிய வெளிச்ச குறைபாடு ஆகியவையும் உடலின் இயல்பான தூக்க சுழற்சியை பாதிக்கின்றன.
நல்ல தூக்கத்திற்கான ஆலோசனைகள்
* தினமும் ஒரே நேரத்தில் படுக்கும் பழக்கத்தை வளர்த்துக் கொள்ளுங்கள்.
* தூங்குவதற்கு முன் மொபைல், டிவி பயன்படுத்துவதைத் தவிர்க்கவும்.
* சத்தான உணவு, ஒழுங்கான உடற்பயிற்சி தூக்கத்தை மேம்படுத்தும்.
* இரவு நேர காபி, டீ, மது தவிர்க்கப்பட வேண்டும்.
இறுதிச் சொல்..
நல்ல உறக்கம் = நல்ல ஆரோக்கியம்” என்பது மருத்துவர் Isac Abbas வலியுறுத்தும் முக்கியமான செய்தி. உணவு, உடற்பயிற்சி எவ்வளவு அவசியமோ அதே அளவில் உறக்கமும் அவசியம். எனவே, உங்கள் வயதுக்கு ஏற்ப சரியான தூக்க நேரத்தை பின்பற்றி, நீண்ட ஆயுளும் ஆரோக்கியமான வாழ்க்கையும் பெறுங்கள் என்று மருத்துவர்கள் அறிவுறுத்துகின்றனர்.
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
