இரவில் தூக்கம் வரலையா? இந்த 5 ஆயுர்வேத முறைகள் உங்களை ஆழ்ந்த நித்திரைக்கு அழைத்துச் செல்லும்!

ஆரோக்கியத்திற்கும், மனநலத்திற்கும், ஹார்மோன் சமநிலைக்கும் “நல்ல தூக்கம்” மிகவும் அவசியமானது. ஆனால் வேகமான வாழ்க்கை முறை, அதிக மனஅழுத்தம், தொழில்நுட்பத்தில் மூழ்கியிருக்கும் பழக்கம் ஆகியவை காரணமாக, தற்போது பெரும்பாலானவர்கள் தூக்கமின்மை மற்றும் தரமற்ற தூக்கத்தால் அவதிப்படுகின்றனர்.

ஆயுர்வேதத்தின் படி, தூக்கம் வாழ்க்கை முறையின் மூன்று அடிப்படை தூண்களில் ஒன்று. இது நம் உடலில் உள்ள வாத, பித்த, கப தோஷங்களை சமநிலைப்படுத்தும் முக்கிய காரணி. தூக்கமின்மை அதிகரித்து வரும் சூழலில், ராம்ஹான்ஸ் அறக்கட்டளை மருத்துவமனையின் ஆயுர்வேத மருத்துவர் டாக்டர் ஷ்ரே சர்மா, தூக்கத்தை மேம்படுத்தும் 5 சக்திவாய்ந்த ஆயுர்வேத நடைமுறைகளை பகிர்ந்துள்ளார்.

tips-to-sleep-faster-in-tamil-main

1. கோஷமிடுதல் — மனதை அமைதிப்படுத்தும் இயற்கை மருத்துவம்

படுக்கைக்கு முன்பு சில நிமிடங்கள் “ஓம்” அல்லது அமைதி தரும் எந்த மந்திரமும் சொல்வது மனத்தில் உள்ள பதட்டத்தை குறைத்து நிம்மதி தரும். மந்திரங்களின் ஒலி அதிர்வு மூளையை சமநிலைப்படுத்தி, தூக்கத்திற்கான தயார் நிலையில் மாற்றுகிறது. தினமும் இதை செய்யும் பழக்கத்தால் தூக்கத்தின் தரம் கணிசமாக உயர்கிறது.

2. சூடான பால் அல்லது மூலிகை தேநீர் — உடல் தளர்ச்சிக்கு சிறந்த கூட்டு

படுக்கையை அடைவதற்கு 40 நிமிடங்களுக்கு முன்பு ஒரு கிளாஸ் சூடான பால், அதில் ஒரு சிட்டிகை மஞ்சள், அஸ்வகந்தா தூள் கலந்து குடிக்கவும். இவை மூளையை தளர்த்தி, இயற்கையான தூக்க ஹார்மோன்களை செயல்படுத்தும். மற்றொரு விருப்பமாக கெமோமில் தேநீர், துளசி தேநீர் மனஅழுத்தத்தை குறைத்து ஆழ்ந்த தூக்கத்தைத் தருகின்றன.

3. கால் மசாஜ் — நரம்புகளை தளர்த்தும் ஆயுர்வேத ரகசியம்

படுக்கைக்கு முன் கால்களை கழுவி, உள்ளங்காலில் எள் எண்ணெய் அல்லது தேங்காய் எண்ணெய் தடவி, 10 நிமிடங்கள் மெதுவாக மசாஜ் செய்யவும். இதனால் இரத்த ஓட்டம் மேம்படும், நரம்பு அமைப்பு தளர்ச்சி அடையும், உடலும் மனமும் ஓய்வு நிலையில் செல்லும். ஆயுர்வேதத்தில் இது “பதி மசாஜ்” என அழைக்கப்படுகிறது.

இந்த பதிவும் உதவலாம்: தூக்கமின்மையால் அவதியா? நல்ல தூக்கம் பெற இந்த 5 வழிகளைப் பின்பற்றுங்க.. மருத்துவர் ஹன்சாஜி விளக்கம்

4. இரவு உணவை சீக்கிரம் முடித்துக் கொள்ளுங்கள்

டாக்டர் ஷ்ரே சர்மா பரிந்துரைப்படி இரவு 7 மணிக்குள் உணவு, முடியாவிட்டால் குறைந்தது படுக்கைக்கு 4 மணி நேரத்திற்கு முன் உணவு முடிக்க வேண்டும். இதைச் செய்வதால் செரிமான அமைப்பு ஓய்வு பெறும், உடல் இலகுவாக இருக்கும், தூக்கத்தின் தரம் இயற்கையாக உயர்கிறது.

5. நஸ்யா கிரியா — நாசியில் நெய் துளிப்பது

படுக்குவதற்கு முன் நாசியில் 2 துளிகள் பசு நெய் விடவும். பருத்தி குச்சி அல்லது துளிசொட்டியால் சேர்க்கலாம். இது நரம்பு அமைப்பை அமைதிப்படுத்தும், மன அழுத்தத்தை குறைக்கும், ஆழ்ந்த தூக்கத்தை அளிக்கும். நஸ்யா ஆயுர்வேதத்தில் மிகவும் சக்திவாய்ந்த சிகிச்சைகளில் ஒன்று.

how to get sleep

இறுதியாக..

தூக்கமின்மை தற்கால வாழ்க்கையின் ஒரு பொதுவான பிரச்சனையாக இருந்தாலும், அதை இயற்கையாக சரி செய்யும் வழிகள் ஆயுர்வேதத்தில் நிறைய உள்ளன. கோஷமிடுதல், சூடான பால், மூலிகை தேநீர், கால்மசாஜ், நஸ்யா ஆகியவை உடல் மற்றும் மனதை சமநிலைப்படுத்தி ஆழ்ந்த நித்திரை பெற உதவுகின்றன. எந்த மருந்தும் தேவையில்லாமல், தினசரி வாழ்க்கைக்கு ஏற்ற பாதுகாப்பான நடைமுறைகள் இவை.

Disclaimer: இந்த கட்டுரை அறிவிப்பு நோக்கத்திற்காக மட்டுமே. இது மருத்துவ ஆலோசனை அல்ல. உங்களிடம் நீண்டநாள் தூக்க பிரச்சனைகள் இருந்தால், மருத்துவரை தொடர்பு கொள்ளுங்கள்.