$
Causes of night cough and how to stop it: நாம் அடிக்கடி இருமல் மற்றும் சளியுடன் கூடிய அறிகுறிகளைச் சந்தித்து வருகிறோம். அதிலும் குறிப்பாக இரவு நேரத்தில் ஏற்படும் இருமல் தூக்க ஆரோக்கியத்தையும் பாதிப்பதாக அமைகிறது. இவ்வாறு தொடர்ந்து இருமல் வரும் நிலையில், அது அசௌகரியத்தை ஏற்படுத்துவதுடன் விரைவில் குணப்படுத்த முடியாத நிலைக்கு வரும். இவ்வாறு இரவில் அடிக்கடி இருமல் ஏற்படுவதற்கு பல்வேறு காரணங்கள் உள்ளன. இதில் இரவில் இருமல் ஏற்படுவதற்கான காரணங்கள் மற்றும் அதனைத் தவிர்க்க உதவும் சில வீட்டு வைத்தியங்களைக் காணலாம்.
இரவில் இருமல், சளி ஏன் அதிகமாகிறது?
இரவு நேரங்களில் நாம் அன்றாடம் சந்திக்கும் இருமல் தொடர்பான காரணிகளையும், அவை அன்றைய நேரத்திற்கு ஏற்ப எவ்வாறு பாதிக்கப்படுகிறது என்பது குறித்து ஆய்வுகள் கண்டறிந்துள்ளது. அதன் படி, ஒருவரது சர்க்காடியன் ரிதம் ஆனது 24 மணி நேர சுழற்சியைப் பின்பற்றக் கூடிய உள் செயல்முறை மிகவும் பாதிக்கப்படுகிறது. நோயெதிர்ப்புச் செல்கள் அழற்சி மற்றும் குணப்படுத்துதல் போன்றவற்றில் ஈடுபட்டுள்ளதால், இது இரவு மற்றும் மாலையில் அதிக புத்துணர்ச்சியை ஏற்படுத்துகிறது. மருத்துவர்களின் கூற்றுப்படி, இந்த செல் தாக்குதல் காரணமாக ஜலதோஷத்தின் அறிகுறிகள் ஏற்படுவதாகக் கூறப்படுகிறது.
இந்த பதிவும் உதவலாம்: Dry Cough: உங்களுக்கு வறட்டு இருமல் இருக்கா? அப்போ இந்த உணவுகளை தொடவே கூடாது?
மன அழுத்த ஹார்மோனாக விளங்கும் கார்டிசோல் ஆனது பொதுவாக காலை நேரத்தில் அதிகமாக இருக்கும். அதன் பிறகு நாள் முடியும் போது குறைகிறது. இது கார்டிசோல் மற்றும் வீக்கத்திற்கு இடையேயான உறவை சிக்கலாக்குவதுடன், ஒழுங்கற்ற ஸ்பைக் மற்றும் இரவில் அறிகுறிகளை மோசமாக்குவதில் பங்கு வகிக்கிறது. இதன் காரணமாக, இரவில் படுக்கும் போது, மூக்கில் உள்ள சளியை சாதாரணமாக வெளியேற்றுவது கடினமாகிறது. இதனால் சுவாசிக்க முடியாமல் இருமல், மூச்சுத்திணறல் போன்றவை ஏற்படலாம் எனக் கூறப்படுகிறது. மூச்சுத்திணறல் காரணமாக சர்க்காடியன் ரிதம் மூலம் நுரையீரல் பாதிக்கப்படுகிறது. இது இரவில் காற்றுப்பாதைகளை குறுகியதாக மாற்றி, இருமல், மூச்சுத்திணறல் மோசமடைவதற்கான அறிகுறிகளைக் காட்டுகிறது.
இரவு நேர இருமலைக் குறைப்பதற்கான வழிகள் என்னென்ன?
இது போன்ற பல்வேறு காரணங்களால் இரவில் இருமல் ஏற்பட்டாலும், அதைக் கட்டுப்படுத்தவோ அல்லது குறைக்கவோ முடியும்.
மூக்கைக் கழுவுதல்
இரவு நேரத்தில் சளி, இருமல் காரணமாக மூக்கில் சளி தேங்கி, அடைப்பு ஏற்படலாம். எனவே மூக்கைக் கழுவுவதற்கு உப்பு நீரைப் பயன்படுத்தலாம். இது இருமல் அறிகுறிகளைக் குறைப்பதற்கு உதவுவதாகக் கூறப்படுகிறது.
சூடான குளியல்
இரவில் மூக்கு மற்றும் தொண்டையை சீராக வைக்க நீராவியை உள்ளிழுப்பது அவசியமாகும். மேலும் உடல் முழுவதும் உள்ள தசைகளைத் தளர்த்த வெதுவெதுப்பான நீரில் குளிக்கலாம். இது இரவு நேர சளி அறிகுறிகளைக் குறைப்பதுடன், தூக்க ஆரோக்கியத்தை மேம்படுத்துகிறது.
இந்த பதிவும் உதவலாம்: சளி மற்றும் இருமல் இருக்கும் போது வெந்நீர் குடிப்பவரா நீங்க? அப்போ இத கண்டிப்பா படிங்க!
தலையணைகள் பயன்படுத்துதல்
நெரிசலான மூக்கு மற்றும் சைனஸில் இருந்து வடிகால்களை மேம்படுத்த உடலின் மேல் பகுதியை சற்று தூக்கி வைக்க சில கூடுதல் தலையணைகளைப் பயன்படுத்தலாம். மேலும், நிமிர்ந்து தூங்குவதற்கான வசதியான வழியைக் கண்டறியலாம்.
தேன் உட்கொள்வது
சளி, இருமல் குணமாக உதவும் சிறந்த தேர்வாக தேன் அமைகிறது. தேனில் நிறைந்துள்ள பல்வேறு ஆரோக்கிய பண்புகள் இருமலைக் குறைக்கிறது. அதன் படி, தூங்குவதற்குக் குறைந்தது அரை மணி நேரத்திற்கு முன்னதாக ஒரு ஸ்பூன் தேன் எடுத்துக் கொள்வது இரவு நேர இருமலைக் குறைக்கிறது. மேலும், தூக்கத்தின் தரத்தை மேம்படுத்தவும் உதவுகிறது.
இது போன்ற பல்வேறு வழிமுறைகளைக் கொண்டு இரவு நேரத்தில் ஏற்படும் தூக்கத்தைக் குறைக்கலாம். எனினும் இந்த சளி மற்றும் இருமல் அறிகுறிகள் மிகவும் தீவிரமடைந்தால், மருத்துவ ஆலோசனை பெற வேண்டும்.
இந்த பதிவும் உதவலாம்: சளி, இருமல் மற்றும் காய்ச்சலில் இருந்து உடனடி நிவாரணம் பெற இந்த வீட்டு வைத்தியத்தை முயற்சியுங்க!
Image Source: Freepik