Health Benefits Of Spinach: எண்ணற்ற ஊட்டச்சத்துக்களை கொண்டுள்ள கீரை, கலோரிகளில் குறைந்த அளவையே கொண்டுள்ளது. நோய் எதிர்ப்பு சக்தியை அதிகரிப்பது முதல் இதய ஆரோக்கியத்தை மேம்படுத்துவது வரை, தினமும் கீரை சாப்பிடுவதால் பல நன்மைகள் கிடைக்கும். கீரையின் நன்மைகள் குறித்து இங்கே விரிவாக காண்போம்.
கீரையில் அற்புதமான நன்மைகள் (Benefits Of Spinach)
எதிர்ப்பு சக்தி அதிகரிக்கும்
கீரையில் வைட்டமின் சி நிறைந்துள்ளது. இது நோய் தொற்று ஏற்படுவதற்கான அபாயத்தை தடுக்க உதவுகிறது. குறிப்பாக இது நோய்களை எதிர்த்து போராட உதவும் நோய் எதிர்ப்பு சக்தியை அதிகரிக்க உதவுகிறது.
இரத்த அழுத்தம் குறையும்
கீரையில் பொட்டாசியம் உட்பட உங்கள் உடலுக்குத் தேவையான பல தாதுக்கள் நிறைந்துள்ளன. இது இரத்த அழுத்தத்தை குறைக்க உதவுகிறது.
ஆரோக்கியமான கண்கள்
கீரை லுடீனின் சிறந்த மூலமாகும். இது மாகுலர் டிஜெனரேஷன் மற்றும் கண்புரை போன்ற வயது தொடர்பான கண் நோய்களிலிருந்து பாதுகாக்க அறியப்படும் ஆக்ஸிஜனேற்றியாகும். லுடீன் சப்ளிமெண்ட்ஸ் எடுத்துக்கொள்பவர்களுக்கு மாகுலர் சிதைவுக்கான ஆபத்து குறைவாக இருப்பதாக ஆய்வுகள் கண்டறிந்துள்ளன.
இதையும் படிங்க: Spinach Benefits: அடேங்கப்பா! கீரை சாப்பிடுவது ஆண்களுக்கு இவ்வளவு நல்லதா?
சிறந்த சிந்தனை திறன்
லுடீன் சிந்தனை திறன்களைப் பாதுகாக்க உதவுவதாகவும் காட்டப்பட்டுள்ளது. அதிக லுடீன் அளவைக் கொண்டவர்கள், குறைந்த அளவிலான ஊட்டச் சத்து உள்ளவர்களைக் காட்டிலும் சிறந்த வாய்மொழி சரளமும், நினைவாற்றலும், பகுத்தறியும் திறன் மற்றும் செயலாக்க வேகமும் பெற்றிருப்பதைக் காட்டுகின்றன.
இதய ஆரோக்கியம்
கீரையில் உள்ள பொட்டாசியம், இரத்த அழுத்தத்தை குறைக்க உதவுகிறது. இதனால் இதயம் ஆரோக்கியமாக இருக்கும். இதய நோயாளிகள் தினமும் கீரை எடுத்துக்கொள்வது சிறந்த தேர்வாக இருக்கும்.
தோல் ஆரோக்கியம்
கீரையில் உள்ள வைட்டமின் ஏ உள்ளது. தினமும் கீரை சாப்பிடுவதால் தோல் ஆரோக்கியம் மேம்படும். உங்கள் சருமம் பொலிவாகவும், நச்சுக்களிடம் இருந்து பாதுகாப்பாகவும் இருக்க தினசரி உணவில் கீரை சேர்க்க வேண்டும்.
மேம்பட்ட செரிமானம்
கீரையில் உள்ள நீர் மற்றும் நார்ச்சத்து, செரிமானத்தை மேம்படுத்த உதவுகிறது. இதனால் மலச்சிக்கல் போன்ற வயிறு சார்ந்த பிரச்னைகள் ஏற்படாது. இது உங்கள் வயிற்றை ஆரோக்கியமாக வைத்திருக்கும். 
எலும்புகள் வலுவாகும்
எலும்பு ஆரோக்கியம் மற்றும் வளர்ச்சிக்கு வைட்டமின் கே இன்றியமையாதது. இது கீரையில் காணப்படுகின்றன. இதன் பலனை அடைய, தினமும் கீரை உட்கொள்ள வேண்டும்.
இரத்த ஓட்டம்
இரும்புச்சத்தின் சிறந்த மூலமாக கீரை திகழ்கிறது. உங்களுக்கு இரத்த சோகை அல்லது இரத்த எண்ணிக்கை குறைவு போன்ற பிரச்னைகள் இருந்தால், தினமும் கீரை சாப்பிட வேண்டும். இது உங்கள் இரத்த ஓட்டத்தை சீராக்கவும், இரத்த எண்ணிக்கையை அதிகரிக்கவும் உதவுகிறது.
Image Source: Freepik