$
Health Benefits Of Red Banana: செவ்வாழைப்பழத்தில் ஊட்டச்சத்துக்கள் நிறைந்துள்ளன. குறிப்பாக பொட்டாசியம், வைட்டமின் சி மற்றும் வைட்டமின் பி6 போன்ற சத்துக்கள் இவற்றில் நிறைந்துள்ளன.
இதுதவிர, இதில் கார்போஹைட்ரேட், புரதம், கால்சியம், இரும்பு, மெக்னீசியம், வைட்டமின் பி1, பி2, கோலின், கிபோலேட், கரோட்டினாய்டுகள் மற்றும் ஆன்டிஆக்ஸிடன்ட்கள் நிறைந்துள்ளன. எனவே, இந்தப் பழங்களைச் சாப்பிடுவது மிகவும் நன்மை பயக்கும். இதன் நன்மைகளை அறிந்துக்கொள்வோம் வாருங்கள்.
விந்தணு அதிகரிப்பு
செவ்வாழைப்பழத்தில் உள்ள பீட்டா கரோட்டின் மற்றும் வைட்டமின் சி, விந்தணு எண்ணிக்கையை அதிகரிக்கிறது. இதில் உள்ள துத்தநாகம் ஆண்களின் புரோஸ்டேட் ஆரோக்கியத்திற்கு பங்களிக்கிறது. ஆற்றல் அளவை அதிகரிக்கிறது. மேலும் இதில் உள்ள ஆன்டிஆக்ஸிடன்ட்கள் விந்தணு டிஎன்ஏ பாதிப்பில் இருந்து பாதுகாக்க உதவுகின்றன.
சரும ஆரோக்கியத்திற்கு நல்லது
செவ்வாழைப்பழத்தில் உள்ள வைட்டமின் சி மற்றும் கரோட்டினாய்டுகள், வயதான பிரச்னைகளை குறைக்கிறது. வைட்டமின் சி கொலாஜன் உற்பத்தியைத் தூண்டுகிறது. இது தோல் மற்றும் முடிக்கு முக்கியமானது. மேலும், கொலாஜன் தோல் சுருக்கம் ஏற்படாமல் தடுக்கிறது. சருமத்தை ஈரப்பதத்துடன் வைத்திருக்கும்.
இரத்த சுத்திகரிப்பு
வைட்டமின்கள் மற்றும் ஆக்ஸிஜனேற்றங்கள் நிறைந்த, செவ்வாழைப்பழம் உடலில் ஹீமோகுளோபின் மற்றும் இரும்பு அளவை அதிகரிக்க உதவுகிறது. கூடுதலாக, வைட்டமின் B6 உள்ளடக்கம் புரதச் சிதைவு மற்றும் இரத்த சிவப்பணுக்களை உருவாக்க உதவுகிறது. செவ்வாழைப்பழத்தை உணவில் சேர்த்துக்கொள்வது இரத்த சோகை பிரச்னையை தீர்க்கவும் ஆற்றலை அதிகரிக்கவும் உதவுகிறது.
இதையும் படிங்க: Benefits Of Red Banana: தினமும் ஒரு செவ்வாழை போதும்! பல ஆரோக்கியம் கிட்டும்..
பார்வையை மேம்படுத்துகிறது
செவ்வாழைப்பழத்தில் லுடீன் மற்றும் பீட்டா கரோட்டின் ஆகிய இரண்டு கரோட்டினாய்டுகள் உள்ளன. இவை கண் ஆரோக்கியத்திற்கு நல்லது. வயது தொடர்பான மாகுலர் டிஜெனரேஷன் (AMD), கண் பிரச்னைகளுக்கு எதிராக லுடீன் பாதுகாக்கிறது. லுடீன் நிறைந்த உணவுகளை உட்கொள்வதால், AMD ஆபத்தை 26% வரை குறைக்கலா.
மஞ்சள் வாழைப்பழத்துடன் ஒப்பிடும்போது, இதில் அதிக பீட்டா கரோட்டின் உள்ளது. இது நம் உடலில் வைட்டமின் ஏ ஆக மாறுகிறது. இது கண் ஆரோக்கியத்திற்கு இன்றியமையாத ஊட்டச்சத்து ஆகும். செவ்வாழைப்பழத்தில் உள்ள ஆக்ஸிஜனேற்றிகள் ஆக்ஸிஜனேற்ற அழுத்தத்திலிருந்து கண் செல்களைப் பாதுகாக்க உதவுகின்றன.
பிற நன்மைகள்
இது தவிர, இரத்த அழுத்தத்தைக் கட்டுப்படுத்துகிறது, செரிமானத்தை மேம்படுத்துகிறது, நோய் எதிர்ப்பு சக்தியை அதிகரிக்கிறது, தசைகளின் செயல்பாட்டை மேம்படுத்துகிறது மற்றும் புற்றுநோய் போன்ற நோய்களின் அபாயத்தைக் குறைக்கிறது.
எப்போது சாப்பிட வேண்டும்
செவ்வாழைப்பழம் சாப்பிட சிறந்த நேரம் காலை 6 மணி. இந்த நேரம் முடியாவிட்டால், காலை 11 அல்லது மாலை 4 மணிக்கு சாப்பிட பரிந்துரைக்கின்றனர். மேலும், உணவுக்குப் பிறகு செவ்வாழைப்பழம் சாப்பிடுவதைத் தவிர்க்க அறிவுறுத்தப்படுகிறது.