Drumstick Leaves: முருங்கைக் கீரை சாப்பிடுவதால் என்னென்ன ஆரோக்கிய நன்மைகள் கிடைக்கும் தெரியுமா?

$

Drumstick Leaves: சாப்பாட்டுடனான கூடுதல் உணவாக நம்மில் பலரும் முருங்கைக் கீரை எடுத்துக் கொள்வோம். பலர் முருங்கைக் கீரை பிடிக்காது என ஒதுக்குவதையும் கண்டிருப்போம். மிக எளிமையாக கிடைக்கும் கீரை வகைகளில் பிரதான ஒன்று முருங்கைக் கீரை. முருங்கை மரத்தில் இருக்கும் ஒவ்வொரு இலையும் முருங்கைக் கீரை தான். முருங்கை மரமே மருத்துவத்துக்கு சிறந்த குணங்கள் வாயந்தது. முருங்கைக் காய், முருங்கைக் கீரை, முருங்கைப் பூ என அனைத்தும் பல நன்மைகளைக் கொண்டுள்ளது.

முருங்கை இலையில் கொட்டிக் கிடக்கும் நன்மைகள்

முருங்கையுடன் இதன் இலைகளும் உடலுக்கு மிகவும் நன்மை பயக்கும். இதனைப் பயன்படுத்துவதால் உடலில் ஏற்படும் பல பிரச்சனைகள் நீங்கி உடல் ஆரோக்கியமாக இருக்கும். இது மோரிங்கா என்றும் அழைக்கப்படுகிறது. இவை ஆசியா மற்றும் ஆப்பிரிக்காவின் பல பகுதிகளில் காணப்படுகின்றன. முருங்கை இலைகளில் புரதம், கால்சியம், வைட்டமின் ஏ, ரெட்டினோல் மற்றும் வைட்டமின் சி போன்ற பல வகையான சத்துக்கள் காணப்படுகின்றன. உடலுக்கு ஆற்றலை வழங்குவதுடன் சர்க்கரை நோய் பிரச்சனையும் நீங்கும்.

இதையும் படிங்க: காய்கறிகளை சமைக்காமல் சாப்பிடுவதால் கிடைக்கும் 5 ஆரோக்கிய நன்மைகள்!!!

இதயம் தொடர்பான பிரச்சனை நீங்கும்

முருங்கை இலைகளை உட்கொள்வதால் இதயம் தொடர்பான பிரச்சனைகள் குறைந்து மாரடைப்பு ஏற்படும் அபாயம் குறைகிறது. இதனுடன், நோய் எதிர்ப்பு சக்தியும் பலப்படுத்தப்படுகிறது. முருங்கை இலைகளைப் பயன்படுத்த, அதன் இலைகளை மென்று, பொடி செய்து அல்லது சாறு தயாரித்து உட்கொள்ளலாம்.

நீரிழிவு நோய்க்கு நன்மை பயக்கும்

முருங்கை இலைகளை உட்கொள்வது நீரிழிவு நோயைக் கட்டுப்படுத்த உதவுகிறது. இதில் பைட்டோ கெமிக்கல்கள் ஏராளமாக உள்ளன. இதனை உட்கொள்வதால் ரத்தத்தில் சர்க்கரை அளவு குறைந்து சர்க்கரை நோய் கட்டுக்குள் இருக்கும். சர்க்கரை நோயைக் கட்டுப்படுத்த, தண்ணீரில் கொதிக்க வைத்து குடிக்கவும்.

கண்களுக்கு நன்மை பயக்கும்

முருங்கை இலையில் வைட்டமின் ஏ நிறைந்துள்ளது, இது கண்பார்வையை அதிகரிக்கிறது மற்றும் கண்களை ஆரோக்கியமாக வைத்திருக்கும். முருங்கை இலைகளை உட்கொள்வதால் கண் தொடர்பான பிரச்சனைகளும் குறையும்.

நோய் எதிர்ப்பு சக்தியை பலப்படுத்தும்

முருங்கை இலைகளை சாப்பிடுவதால் நோய் எதிர்ப்பு சக்தி அதிகரிக்கும். இந்த இலைகளில் வைட்டமின் சி உள்ளது, இது பருவகால நோய்களின் அபாயத்தை குறைக்கிறது மற்றும் நோய் எதிர்ப்பு சக்தியை அதிகரிக்கிறது. முருங்கை இலைகளை சாப்பிடுவதால் வைரஸ் நோய்கள் வரும் அபாயம் குறைகிறது.

எலும்புகளை பலப்படுத்தும்

முருங்கை இலையைச் சாப்பிட்டால் எலும்புகள் வலுவடைவதோடு , எலும்பு தொடர்பான நோய்களும் குறையும். இந்த இலைகளில் கால்சியம், மெக்னீசியம் மற்றும் பாஸ்பரஸ் உள்ளது, இது எலும்புகளை வலிமையாக்குகிறது. எலும்பு வலி பிரச்சனை இருந்தால், முருங்கை இலையை உணவில் சேர்த்துக் கொள்ளுங்கள்.

எடை இழப்புக்கு உதவும்

முருங்கை இலைகளை உட்கொள்வது உடல் எடையை குறைக்க உதவுகிறது . இது உடல் பருமன் எதிர்ப்பு பண்புகளைக் கொண்டுள்ளது, இது அதிகரித்து வரும் எடையைக் குறைக்கும் அதேவேலையில் உடல் எடையையும் ஆரோக்கியமாக வைத்திருக்கும். உடல் எடையை குறைக்க, அதை மென்று அல்லது தண்ணீரில் கொதிக்க வைத்து குடிக்கவும்.

இதையும் படிங்க: வெறும் வயிற்றில் வெண்டைக்காய் தண்ணீரை குடிப்பதால் இவ்வளவு நன்மைகளா?

முருங்கைக் கீரையில் இதுபோன்ற பல்வேறு ஆரோக்கிய நன்மைகள் இருக்கிறது. இருப்பினும் உங்களுக்கு ஏதேனும் நோய் அல்லது ஒவ்வாமை போன்ற பிரச்சனைகள் இருந்தால் உடனே மருத்துவரை அணுகுவது சிறந்த முடிவாகும்.

image source: freepik