Pregnancy Back Pain: கர்ப்ப காலத்தில் முதுகுவலியால் அவதியா.? சூப்பர் டிப்ஸ் இதோ..

$

Back Pain During Pregnancy: கர்ப்பத்திற்குப் பிறகு பெண்களின் உடலில் பல மாற்றங்கள் நிகழ்கின்றன. இதனால் பல பிரச்னைகள் எழுகின்றன. இதில் ஒன்று முதுகுவலி. 

முதுகுவலி கர்ப்பத்தின் ஆரம்ப காலங்களில் தாய்மார்கள் எதிர்கொள்ளும் ஒரு முக்கியமான பிரச்னையாகும். பிரசவம் வரை அது அவர்களைத் துரத்துகிறது. இந்த முதுகுவலி ஏன் ஏற்படுகிறது மற்றும் அதை எவ்வாறு நீக்குவது என்பதை இங்கே காண்போம். 

கர்ப்பிணிகளுக்கு ஏன் முதுகு வலி ஏற்படுகிறது?

கர்ப்பிணிப் பெண்களின் முதுகுவலிக்கு ரிலாக்சின் என்ற ஹார்மோன் முக்கிய காரணமாகும். இது பிரசவத்திற்கு உடலை தயார்படுத்துகிறது. ரிலாக்சின் என்ற ஹார்மோன் அதிகமாக உற்பத்தி செய்யப்படும்போது மூட்டுகள், முதுகெலும்பு மற்றும் தசைகளில் மாற்றம் ஏற்படும். இதனால் முதுகுவலி ஏற்படுகிறது. 

குறிப்பாக கர்ப்ப காலத்தில் தாயின் எடை அதிகரிப்பு, வயிறு முன்னோக்கி வயிறு முன்னோக்கி வருவது, கரு அதிகமாக வளர்வது போன்றவை முதுகுவலிக்கு காரணங்களாக கூறலாம். உடலில் ஏற்படும் இந்த மாற்றங்களுடன், மன அழுத்தமும் முதுகு வலிக்கு வழிவகுக்கிறது.

இதையும் படிங்க: கர்ப்ப காலத்தில் மன அழுத்தத்தை சமாளிக்க இதை செய்யுங்கள்!

கர்ப்ப கால முதுகுவலியை குறைப்பது எப்படி? 

கர்ப்பிணிப் பெண்கள் முதுகுவலியால் அவதிப்பட்டாலும் இல்லாவிட்டாலும் சில முன்னெச்சரிக்கை நடவடிக்கைகளைப் பின்பற்ற வேண்டும். உட்காரும் போதும், குனியும் போதும், படுக்கும்போதும் சில முன்னெச்சரிக்கைகளை கடைபிடிக்க வேண்டும். 

உட்கார்ந்திருக்கும் போது இடுப்புக்கு ஒருவித ஆதரவு இருக்க வேண்டும். குனியும் போது கால்களை மடக்கி முதுகை நேராக வைத்துக் கொள்ள வேண்டும். தூங்கும் போது ஒரு பக்கம் படுத்து, வயிற்றுக்கு கீழ் தலையணையை வைத்து, முதுகுத்தண்டில் தலையணையை வைத்து தூங்க வேண்டும்.

முதுகுவலியைப் போக்க கர்ப்பிணிப் பெண்கள் உடற்பயிற்சி செய்யலாம். ஆனால் மருத்துவரின் அறிவுறுத்தல்களின்படி பயிற்சிகளை செய்ய வேண்டும்.  வெதுவெதுப்பான நீரால் முதுகுவலியையும் குறைக்கலாம். மேலும் பிசியோதெரபிஸ்ட் மூலம் சிறிய சிகிச்சை எடுத்துக் கொள்ளலாம்.

இவற்றைச் செய்யவே வேண்டாம்!

முதுகுவலியைப் போக்க வலி நிவாரணிகளைப் பயன்படுத்த பலர் நினைக்கிறார்கள். ஆனால் கர்ப்பிணிப் பெண்களுக்கு இது நல்லதல்ல. மருத்துவரின் ஆலோசனையின்றி வலி நிவாரணிகளை உட்கொள்ள வேண்டாம். இரண்டு வாரங்களுக்கு கடுமையான முதுகுவலி, வயிற்று வலி, வயிற்று உபாதைகள் இருந்தால் உடனடியாக மருத்துவரை அணுக வேண்டும். 

Image Source: Freepik