Summer care Tips for kids: கோடை வெயிலிருந்து குழந்தைகளை காக்க இந்த குறிப்புகள பின்பற்றுங்க!

கோடை காலத்தில் தான் சரியாக குழந்தைகளுக்கு தேர்வுகள் முடிந்து விடுமுறையும் விடப்படுகிறது. இதனால் அவர்கள் வீட்டிற்குள் இருப்பதை விட வெளியே சென்று விளையாடவே அதிகம் விரும்புவார்கள். அந்த சமயத்தில் உணவையும் தூக்கத்தையும் புறக்கணித்து விளையாட்டுகளில் மட்டுமே குழந்தைகளின் கவனம் இருக்கும். இதனால் குழந்தைகளுக்கு நீரிழப்பு ஏற்படும் அபாயம் உள்ளது.

குழந்தைகள் விஷயத்தில் சிறப்பு கவனம் எடுக்காவிட்டால், வெயில், சரும பிரச்சனைகள் மற்றும் பல நோய்கள் வர வாய்ப்பு உள்ளது. அதனால்தான் இந்தக் காலக்கட்டத்தில் அவர்களை மிகவும் கவனமாகக் கவனிக்க வேண்டும். குழந்தைகள் நாள் முழுவதும் வெளியே விளையாடுகிறார்கள், இந்த நேரத்தில் அவர்கள் சாப்பிட மற்றும் குடிக்க மறந்துவிடுகிறார்கள். அத்தகைய சூழ்நிலையில், அவர்களின் உணவில் அதிக கவனம் செலுத்துவது நல்லது

மதியம் வெளியே செல்ல வேண்டாம்:

கோடைக்காலத்தில் குழந்தைகள் பெரும்பாலும் வெளியே சென்று விளையாடுவார்கள். மதியம் குழந்தைகளை வெளியே விடாதீர்கள். அந்த நேரத்தில் சூரியனின் வெப்ப தாக்கம் அதிகமாக இருக்கும், கதிர்வீச்சும் அதிகமாக இருக்கும். வெயில் இல்லாத காலையிலும் மாலையிலும் குழந்தைகளை வெளியே விளையாட அனுமதிக்கலாம்.

இதையும் படிங்க: Healthy Food For Kids: உங்க குழந்தையோட சீரான வளர்ச்சிக்கு இந்த 5 உணவுகள் கட்டாயம்!

மதியம் வீட்டில் குழந்தைகளுக்கு கதைகள் சொல்வது, புத்தகங்கள் படிப்பது, பொம்மைகள் செய்வது மற்றும் புதிர் விளையாட்டு, போர்டுகேம், செஸ், கேரம் போன்ற இன் டோர் விளையாட்டுகளில் ஈடுபடுத்தலாம்.

பழங்களைக் கொடுங்க:

கோடையில் குழந்தைகளின் தோல் வறட்சி, அரிப்பு, வீக்கம் போன்ற பல்வேறு வகையான ஒவ்வாமைகளால் பாதிக்கப்படத் தொடங்கினால், அவர்கள் நீரிழப்பு இருக்க வாய்ப்புள்ளது.

குறைவாக சிறுநீர் கழிப்பது, வயிற்றுவலி, தலைவலி, குமட்டல் ஏற்படுவதும் உடலில் நீர்ச்சத்து குறைப்பாட்டைக் குறிக்கும் அறிகுறிகளாகும். இதனைத் தவிர்க்க குழந்தைகள் ஒருநாளைக்கு குறைந்தது 2 லிட்டர் தண்ணீராவது குடிக்க வேண்டும். ஆனால் தண்ணீர் பருகுவதைக் குழந்தைகள் பெரிதாக விரும்புவதில்லை. அதற்கு மாற்றாக பழங்கள் அல்லது பழச்சாறுகளை கொடுக்கலாம்.

இதையும் படிங்க: Parenting Tips: தப்பித்தவறிக் கூட இந்த 5 வார்த்தைகளை பெற்றோர் குழந்தைகளிடம் சொல்லாதீங்க!

மாம்பழம், திராட்சை, அன்னாசி, தர்பூசணி, ஆரஞ்சு, சாத்துக்குடி போன்ற பழங்களின் ஜூஸைக் கொடுக்கலாம். தினமும் காலையில் ஒரு கிளாஸ் தேங்காய் தண்ணீர் கொடுக்க வேண்டும். இதில் உள்ள பொட்டாசியம் சூரிய ஒளியில் இருந்து பாதுகாக்கிறது.

கண்களில் கவனம் செலுத்துங்கள்:

உங்கள் குழந்தைகள் வெயிலில் வெளியே செல்லும் போதெல்லாம் கூலிங் கிளாஸ் அணிவதை உறுதிப்படுத்திக் கொள்ளுங்கள். கூலிங் கிளாஸ் அணிந்தால் சூரியக் கதிர்கள் நேரடியாக கண்களில் படாமல், கண்கள் பாதுகாப்பாக இருக்கும். முடிந்தால், தொப்பி அணிவது இன்னும் நல்லது.

ஏனெனில்தலையில் சூரிய ஒளி விழுந்தால் தலைவலி, சலிப்பு, தலைசுற்றல் போன்ற பாதிப்புகள் ஏற்பட வாய்ப்புள்ளது. வெளியில் இருந்து வீட்டிற்கு வந்தவுடன் குளிர்ந்த நீரில் கண்களைச் சுத்தம் செய்வதை உறுதிப்படுத்துக்கொள்ள வேண்டும்.

இந்த உணவுகள் வேண்டவே வேண்டாம்:

கோடையில் மிளகாய், மசாலா, வேப்பம்பூ மற்றும் இனிப்புகளை தவிர்க்கவும். மிளகாய் மற்றும் மசாலா சாப்பிட்டால், சூடு அதிகமாகும் அபாயம் உள்ளது. குளிர்சாதன பெட்டியில் தண்ணீர் குடிக்க வேண்டாம்.

பீட்சா, பர்கர் மற்றும் டின்னில் அடைக்கப்பட்ட உணவுகளைக் குழந்தைகளுக்கு கொடுக்காதீர்கள். இவை அனைத்தும் தாகத்தை அதிகரிக்கும். பெரும்பாலான நேரங்களில் வீட்டில் புதிதாக சமைக்கப்பட்ட உணவுகளை மட்டுமே குழந்தைகளுக்கு கொடுங்கள்.

இதைக் கொடுக்க மறக்க வேண்டாம்:

ஒரு சிட்டிகை சீரகப் பொடி, உப்பு மற்றும் ஒரு சிட்டிகை எலுமிச்சைச் சாறு கலந்த நீர் மோரை மதிய உணவுக்குப் பிறகு கொடுத்தால், செரிமானம் நன்றாக இருக்கும்.

மோரில் கால்சியம், வைட்டமின் பி12 மற்றும் பொட்டாசியம் உள்ளது. இவை தலைவலி, குமட்டல் போன்ற பிரச்சனைகளை போக்குகிறது.
கேரட் துண்டுகளின் மீது சிறிது எலுமிச்சை சாறு மற்றும் ஒரு சிட்டிகை உப்பு தூவி சாப்பிடுவது நல்லது. இது குழந்தைகளுக்கு நீரிழப்பு ஏற்படாமல் தடுக்க உதவும்.

ஆடைகளில் அதிக கவனம்:

வெயில் சூடாக இருக்கும் போது, குழந்தைகள் பருத்தி ஆடைகளை அணிய வேண்டும். அவை செயற்கையானவை மற்றும் மற்ற துணிகளை விட அதிக வியர்வையை உறிஞ்சும். உங்கள் குழந்தைகளுக்கு வெளிர் நிற ஆடைகளை அணியுங்கள்.

வீட்டிற்குள் முடிந்தவரை காற்றோட்டம் இருக்க வேண்டும். அதிக வெப்பம் மற்றும் வியர்வை காரணமாக குழந்தைகளுக்கு மூச்சுத் திணறல் ஏற்பட வாய்ப்புள்ளது. எனவே அதிக காற்று வருவதை உறுதிப்படுத்திக் கொள்ளுங்கள். அதேபோல் உடல் சூட்டைத் தணிக்க தினமும் இரண்டு முறை குளிக்க வைப்பது நல்லது.

Image Freepik