Is ragi good for period cramps: இன்று பலரும் மாதவிடாய் வலிக்கு வலி நிவாரணி மருந்துகளைத் தேடுகின்றனர். உண்மையில் சில வலி நிவாரணி மருந்துகள் ஒருசில பக்க விளைவுகளை ஏற்படுத்தும் அபாயம் உள்ளது. இதனைத் தவிர்க்க அன்றாட உணவில் சில சிறிய மாற்றங்களைச் செய்யலாம். அவ்வாறு, மாதவிடாயின் போது ஏற்படும் வலியைக் குறைக்க உதவும் இயற்கையான மற்றும் சிறந்த தீர்வாக ராகி அமைகிறது. பொதுவாக மாதவிடாய் வலிகளுக்கு ராகி பல நன்மைகளைத் தருகிறது.
ராகி ஃபிங்கர் மில்லட் என்றும் அழைக்கப்படுகிறது. இது கருப்பையின் தசைகளை தளர்த்தவும், சோர்வைக் குறைக்கவும் உதவுகிறது. மேலும், இது அதிக ஆற்றலை உணர வைக்கிறது. ஆனால் பலரும் இது குறித்த விழிப்புணர்வு இல்லாமல் இருக்கின்றனர். இதில் மாதவிடாய் வலியைக் குறைக்க ராகியை சேர்க்க விரும்புபவர்களுக்கு, அதை அன்றாட உணவில் எவ்வாறு சேர்ப்பது என்பதைக் காணலாம். மேலும், இதில் மாதவிடாயின் போது ஏற்படும் வலியைக் குறைக்க ராகி தரும் நன்மைகள் குறித்தும் காணலாம்.
ராகி ஏன் ஆரோக்கியமானது?
ஃபிங்கர் மில்லட் என்றழைக்கப்படும் ராகி இந்தியா மற்றும் ஆப்பிரிக்காவின் சில பகுதிகளில் பரவலாக எடுத்துக் கொள்ளப்படும் ஒரு அதிக சத்தான தானியமாகும். இது அதிகளவு பொட்டாசியம் மற்றும் கால்சியம் ஊட்டச்சத்துக்களைக் கொண்டுள்ளது. இது இயற்கையாகவே பசையம் இல்லாததாகும். மேலும் இதில் இரும்பு, கால்சியம், நார்ச்சத்துக்கள் மற்றும் ஆக்ஸிஜனேற்றிகள் போன்ற அத்தியாவசிய ஊட்டச்சத்துக்களால் நிரம்பியதாகும். இது செரிமானம், எலும்பு ஆரோக்கியம், மற்றும் ஹார்மோன் சமநிலையை ஆதரிக்கும் ஒரு சூப்பர்ஃபுட் ஆகும்.
இந்த பதிவும் உதவலாம்: அருமையான சுவையில் ராகி பணியாரம்! காரம், இனிப்பு என இரு சுவையிலும் செய்யுங்க
மாதவிடாய் வலிக்கு ராகி தரும் நன்மைகள்
மாதவிடாய் வலியானது உடலில் பல செயல்பாடுகளை ஒழுங்குபடுத்தும் புரோஸ்டாக்லாண்டின் அல்லது ஹார்மோன் போன்ற பொருட்களின் அதிகப்படியான உற்பத்தியால் ஏற்படக்கூடியதாகும். இது வீக்கம் மற்றும் கருப்பை சுருக்கங்களை ஏற்படுத்தலாம். குறிப்பாக, இதில் உள்ள மெக்னீசியம், கால்சியம் மற்றும் இரும்புச்சத்து குறைபாடுகள் மாதவிடாய் பிடிப்பை மோசமாக்கலாம். மேலும், இது வீக்கத்தைக் குறைத்து இரத்த ஓட்டத்தை மேம்படுத்தி, ஹார்மோன் சமநிலையை ஒழுங்குபடுத்துவதன் மூலம் இந்த அறிகுறிகளைப் போக்கலாம்.
இரும்புச்சத்துக்கள் நிறைந்த
ராகியை உட்கொள்வது சோர்வு மற்றும் பலவீனத்தைத் தடுக்க உதவுகிறது. பொதுவாக, அதிக மாதவிடாய் காரணமாக இரும்புச்சத்து குறைபாடு ஏற்பட்டு இரத்த சோகைக்கு வழிவகுக்கலாம். இதன் காரணமாக சோர்வு, தலைச்சுற்றல் மற்றும் பலவீனம் ஏற்படலாம். ராகி இயற்கையாகவே இரும்புச்சத்து நிறைந்துள்ளதால் இது மாதவிடாய்க்கு சிறந்த தேர்வாக அமைகிறது. இரும்பு அளவைப் பராமரிப்பது மாதவிடாய் தொடர்பான சோர்வை எதிர்த்துப் போராடவும், தசைகளுக்கு ஆக்ஸிஜன் வழங்குவதை ஆதரிக்கவும் உதவுகிறது. இதன் மூலம் பிடிப்புகளைக் குறைக்கலாம்.
மெக்னீசியம் சத்துக்கள் நிறைந்த ராகி
ராகியில் மெக்னீசியம் சத்துக்கள் நிறைந்திருப்பதால் இவை வீக்கம் மற்றும் வலியைக் குறைக்க உதவுகிறது. மெக்னீசியம் என்பது கருப்பைச் சுருக்கங்களைக் குறைக்க உதவும் ஒரு இயற்கையான தசை தளர்த்தியாக செயல்படுகிறது. ராகியில் மிதமான அளவிலான மெக்னீசியம் சத்துக்கள் நிறைந்திருப்பதால் இது மாதவிடாய் வலிக்கு மிகவும் பயனுள்ளதாக இருக்கும். இதைத் தொடர்ந்து உட்கொள்வது பிடிப்புகளின் தீவிரம் மற்றும் அசௌகரியத்தைக் குறைக்க உதவுகிறது.
ஆக்ஸிஜனேற்றிகள் நிறைந்த ராகி
ராகி உட்கொள்வது வீக்கம் மற்றும் மன அழுத்தத்தைக் குறைக்க உதவுகிறது. ராகியில் ஃபிளாவனாய்டுகள் மற்றும் பாலிபினால்கள் போன்ற சக்திவாய்ந்த ஆக்ஸிஜனேற்றிகள் உள்ளது. இவை ஆக்ஸிஜனேற்ற அழுத்தத்தை எதிர்த்துப் போராடவும், மாதவிடாய் வலியுடன் தொடர்புடைய அழற்சி குறிப்பான்களைக் குறைக்கவும் உதவுகிறது. ஏனெனில், நாள்பட்ட வீக்கம் காரணமாக மாதவிடாய் பிடிப்பு மோசமாகலாம். இதற்கு அழற்சி எதிர்ப்புப் பண்புகள் நிறைந்த ராகி சிறந்த தேர்வாகும்.
இந்த பதிவும் உதவலாம்: Ragi for Diabetes: சர்க்கரை நோயாளிகள் ராகி சாப்பிடலாமா? இதன் நன்மைகள் இங்கே!
நார்ச்சத்துக்கள் நிறைந்த
உடலில் உள்ள ஹார்மோன் ஏற்றத்தாழ்வுகளை சீராக்க ராகி மிகுந்த நன்மை பயக்கும். இதற்கு இதில் உள்ள அதிகளவிலான நார்ச்சத்துக்களே காரணமாகும். ஆய்வு ஒன்றில், ராகியில் 15–20% உணவு நார்ச்சத்து இருப்பதாகக் கூறப்படுகிறது. இது உடலில் ஈஸ்ட்ரோஜன் மற்றும் புரோஜெஸ்ட்டிரோன் அளவைக் கட்டுப்படுத்த உதவுகிறது. இந்த உணவுகள் மேம்பட்ட ஹார்மோன் சமநிலையுடனும், வீக்கம், பிடிப்புகள் மற்றும் மனநிலை மாற்றங்கள் உள்ளிட்ட மாதவிடாய்க்கு முந்தைய நோய்க்குறி அறிகுறிகளுடன் இணைக்கப்பட்டுள்ளது.
மாதவிடாய் வலிக்கு ராகியை எவ்வாறு எடுத்துக் கொள்வது?
ராகி ரொட்டி
இது நீடித்த ஆற்றலை வழங்கக்கூடிய ஒரு சத்தான மற்றும் ஆரோக்கியமான தேர்வாகும்.
ராகி கஞ்சி
இது கால்சியம் மற்றும் இரும்புச்சத்து நிறைந்ததாகும். இதை ஒரு சூடான மற்றும் ஆறுதலான காலை உணவாக எடுத்துக் கொள்ளலாம்.
ராகி ஸ்மூத்தி
ராகி மாவை பால், கொட்டைகள் மற்றும் விதைகளுடன் சேர்த்து ஸ்மூத்தியாக எடுத்துக் கொள்ளலாம். இது ஹார்மோன்களை சமநிலைப்படுத்த உதவுகிறது.
இந்த தகவல் உங்களுக்கு பிடித்திருக்கும் என நம்புகிறோம். இந்த கட்டுரையை உங்கள் நண்பர்களுக்கும், உறவினர்களுக்கும் பகிருங்கள். ஆரோக்கியம் தொடர்பான இதுபோன்ற பல சுவாரஸ்ய தகவல்களுக்கு தொடர்ந்து ஒன்லி மை ஹெல்த் உடன் இணைந்திருங்கள், மேலும் OnlyMyHealth பேஸ்புக் மற்றும் இன்ஸ்டா பக்கத்தை பின்தொடர இந்த இணைப்பை கிளிக் செய்யுங்கள்- Onlymyhealth Tamil Facebook, Onlymyhealth Tamil Instagram
இந்த பதிவும் உதவலாம்: Ragi Idiyappam: ராகி இடியாப்பம் சாப்பிடுவதில் இத்தனை நன்மைகளா? உங்க குழந்தைக்கு இப்படி செஞ்சி கொடுங்க
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
