உடல் உணர்த்தும் இதய நோயின் அறிகுறிகள்..

$

நாம் ஆரோக்கியமாக இருக்கிறோமா இல்லையா என்பதை நம் உடல் அவ்வப்போது சொல்கிறது. ஆனால், அந்த குணங்களை நாம் கொஞ்சம் லேசாக எடுத்துக்கொள்கிறோம். 

இதய நோய்களின் விஷயத்தில், உடல் பல எச்சரிக்கைகளை அளிக்கிறது. அறிகுறிகளை அறிந்து விழித்துக் கொண்டால் உயிரைக் காப்பாற்றிக் கொள்ளலாம். அப்படி உடல் உணர்த்தும் இதய நோயின் அறிகுறிகள் இங்கே. 

கால் மற்றும் கணுக்கால் வீக்கம்

இதய செயலிழப்பு உள்ளவர்களுக்கு பாதங்கள் மற்றும் கணுக்கால் வீக்கம் ஏற்படலாம். கால்களில் கெட்ட திரவம் படிவதே இதற்குக் காரணம் என்று கூறப்படுகிறது. இது படிப்படியாக கால்களின் மேல் பகுதியில் இருந்து இடுப்பு வரை பரவுகிறது என்று கூறப்படுகிறது. 

2022 இல் 'ஜர்னல் ஆஃப் தி அமெரிக்கன் கார்டியாலஜி ஆஃப் கார்டியாலஜி' வெளியிட்ட அறிக்கையின்படி, கணுக்கால் அருகே வீக்கம் உள்ளவர்கள் இதய நோயால் இறப்பதற்கான வாய்ப்புகள் அதிகம் என கூறப்படுள்ளது.

இதையும் படிங்க: இதய பாதிப்பு உள்ளவர்கள் அதிகம் தண்ணீர் குடிக்கக் கூடாதாம். ஏன் தெரியுமா.?

தோல் நிறத்தில் மாற்றம்

உங்கள் தோல் நீலம் அல்லது ஊதா நிறத்தில் இருந்தால், இதயம் சரியாக வேலை செய்யவில்லை என்று அர்த்தம். இரத்த நாளங்களில் ஏற்படும் அடைப்புதான் இந்த தோலின் நிறம் மாறக் காரணம் என்று கூறப்படுகிறது. 

மேலும், தோல் நிறமாற்றம் உங்கள் இரத்தத்தில் போதுமான ஆக்ஸிஜன் இல்லை என்பதற்கான அறிகுறியாகும். தோலில் உள்ள திசுக்கள் இறந்து போனதே இதற்கு உண்மையான காரணம் என்று கூறப்படுகிறது.

வீங்கிய விரல்கள்

உங்கள் விரல் நகங்கள் மற்றும் கால் விரல் நகங்கள் வட்டமாகவும் வீக்கமாகவும் இருந்தால், நீங்கள் இதயம் தொடர்பான பிரச்னைகளால் பாதிக்கப்படுகிறீர்கள் என்று நிபுணர்கள் கூறுகிறார்கள். இதை மருத்துவ மொழியில் 'கிளப்பிங்' என்பார்கள். 

நகங்களைச் சுற்றியுள்ள தோல் சிவப்பு நிறமாக மாறும் என்றும் கூறப்படுகிறது. நகங்களுக்கு அடியில் உள்ள தோலும் வீக்கமடைவதாக தெரிவிக்கப்பட்டுள்ளது. இந்த அறிகுறிகள் உள்ளவர்களுக்கு நுரையீரல் தொடர்பான உடல்நலப் பிரச்னைகளும் இருப்பதாக கூறப்படுகிறது. இது நுரையீரல் புற்றுநோயாகவும் இருக்கலாம்.

விரல்களில் கட்டிகள்

உங்கள் கை மற்றும் கால் விரல்களில் கட்டிகள் உள்ளதா? இது உங்கள் இரத்த நாளங்களில் தொற்று இருப்பதற்கான அறிகுறியாக இருக்கலாம். கட்டிகள் உருவாகக் காரணம் 'இன்ஃபெக்டிவ் எண்டோகார்டிடிஸ்' என்ற இதயத் தொற்றுதான் என்கிறார்கள் நிபுணர்கள். இவை சில மணி நேரங்கள் முதல் சில நாட்கள் வரை நீடிக்கும் என்று கூறப்படுகிறது.

தோலில் கட்டிகள் இருந்தாலும் இதயம் தொடர்பான பிரச்னைகள் நம்மை ஆட்டிப்படைக்கிறது என்பதை புரிந்து கொள்ள வேண்டும். அத்தகையவர்கள் உடனடியாக மருத்துவர்களை அணுகி இதய ஆரோக்கியம் மற்றும் நுரையீரல் தொடர்பான பல்வேறு பரிசோதனைகளை மேற்கொள்ள அறிவுறுத்தப்படுகிறார்கள்.