உடலின் தசைகளை விரைவாக பெரிதாக்கவும், உடற்பயிற்சி விளைவுகளை வேகமாகக் காணவும் சிலர் ஸ்டீராய்டு (Steroids) என்ற மருந்துகளை தவறாகப் பயன்படுத்துகின்றனர். ஆனால், இந்த ஸ்டீராய்டு உடலுக்கு ஏற்படுத்தும் தீமைகள் பலருக்கும் தெரியாமல் போகிறது. விளைவுகளை விரைவாகக் காண விரும்பி, வாழ்க்கையை ஆபத்தில் விடாதீர்கள்.
Steroids என்றால் என்ன?
Steroids என்பது ஹார்மோன் சார்ந்த மருந்துகள். அவை மருத்துவர்களின் பரிந்துரையுடன் சில நோய்களுக்கு மட்டுமே அளிக்கப்படுகின்றன. ஆனால், உடற்பயிற்சி மையங்களில் மஸில் மாஸ் (Muscle Mass) அதிகரிக்க மற்றும் பவர் லிப்டிங் போன்ற போட்டிகளில் வெல்ல சிலர் இதை தவறாகப் பயன்படுத்துகின்றனர்.
ஸ்டீராய்டு தரும் உடனடி விளைவுகள்
* தசை வளர்ச்சி வேகமாக ஏற்படும்
* உடல் சக்தி தற்காலிகமாக அதிகரிக்கும்
* உடல் எடை விரைவில் உயரும்
இவை பலரையும் கவரும் காரணிகள். ஆனால், இவற்றின் பின் வரும் பக்கவிளைவுகள் ஆபத்தானவை.
ஆபத்தான பக்கவிளைவுகள்
இதய நோய் அபாயம்
ஸ்டீராய்டு இரத்த அழுத்தத்தை உயர்த்தி, கொலஸ்ட்ரால் அளவை மோசமாக்குகிறது. இதனால் இதய நோய் மற்றும் ஸ்ட்ரோக் அபாயம் அதிகரிக்கிறது.
கல்லீரல் சேதம்
ஸ்டீராய்டு கல்லீரலின் செயல்பாட்டை பாதித்து, லிவர் டேமேஜ் அல்லது கல்லீரல் புற்றுநோய்க்கு வழிவகுக்கலாம்.
ஹார்மோன் சமநிலை கோளாறு
ஆண்களில் டெஸ்டோஸ்டிரோன் அளவு பாதிக்கப்படும். பெண்களில் மென்ஸ்ட்ருவல் சைக்கிள் குழப்பம் ஏற்படும். இதனால் இனப்பெருக்க சிக்கல்கள் வரும்.
மனநலம் பாதிப்பு
ஸ்டீராய்டு மூட் ஸ்விங், கோபம் அதிகரிப்பு, மனச்சோர்வு போன்ற பிரச்சினைகளை உண்டாக்கும்.
சரும பிரச்சினைகள்
பிம்பிள், எண்ணெய் சுரப்பி அதிகரிப்பு, முடி கொட்டுதல் போன்ற பிரச்சினைகள் ஏற்படும்.
எலும்பு மற்றும் தசை பிரச்சினைகள்
தசைகள் வேகமாக வளர்ந்தாலும், எலும்புகள் பலவீனமாகி எளிதில் முறிவுகள் ஏற்படலாம்.
எச்சரிக்கும் நிபுணர்கள்
பிட்னஸ், உடற்பயிற்சி அனைத்தும் ஆரோக்கியமான பழக்கங்கள். ஆனால், “வழக்கமான உணவு, பயிற்சி, ஓய்வு” மூன்றையும் பின்பற்றியே உடலை உருவாக்க வேண்டும் என நிபுணர்கள் வலியுறுத்துகின்றனர். “ஸ்டீராய்டு விரைவான விளைவுகளை தரலாம், ஆனால் நீண்ட காலத்தில் உடலைக் கெடுக்கின்றன” என மருத்துவர்கள் எச்சரிக்கின்றனர்.
பாதுகாப்பான மாற்று வழிகள்
* புரோட்டீன் நிறைந்த இயற்கை உணவுகள்
* தசைக்கு தேவையான போதுமான ஓய்வு
* தினசரி சரியான உடற்பயிற்சி
* தண்ணீர் அதிகம் குடிப்பது
* நிபுணர்களின் ஆலோசனைப் பின்பற்றுதல்
இறுதியாக..
அழகான, தசை நிறைந்த உடல் என்பது ஆரோக்கியமான வாழ்க்கையின் விளைவாக இருக்க வேண்டும். குறுகிய வழிகளில் பெறும் விரைவான விளைவுகள், வாழ்க்கையை குறைக்கும் அபாயத்தை மறக்கக் கூடாது.
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
