எடை இழப்புக்கு Pu-erh Tea உதவுமா.? நிபுணர் விளக்கம்..

இன்றைய தலைமுறையில் பெரும்பாலானோர் ஆரோக்கியமற்ற வாழ்க்கை முறை, தூக்கமின்மை, தவறான உணவுப் பழக்கம் ஆகியவற்றால் எடை அதிகரிப்பு பிரச்சனையால் அவதிப்படுகிறார்கள். இதுபோன்ற சூழ்நிலையில் உடற்பயிற்சி, சீரான உணவு பழக்கம் மட்டுமின்றி, சில இயற்கை பானங்களும் எடை குறைப்புக்கு உதவக்கூடும். அந்த வகையில், எடை இழப்புக்கு pu-erh tea உதவலாம் என்று ஊட்டச்சத்து நிபுணர் கூறுகிறார். 

ஜெய்ப்பூரில் உள்ள ஏஞ்சல்கேர்-ஏ ஊட்டச்சத்து மற்றும் ஆரோக்கிய மையத்தின் இயக்குநரான, உணவியல் நிபுணர் மற்றும் ஊட்டச்சத்து நிபுணர் அர்ச்சனா ஜெயினிடமிருந்து, pu-erh tea பற்றிய முழு விவரங்களை தெரிந்துக் கொள்வோம் வாருங்கள்.

pu-erh tea என்றால் என்ன?

சீனாவின் யுன்னான் மாகாணத்தில் இருந்து வரும் இந்த pu-erh tea, புளிக்கவைக்கப்பட்ட தேநீரின் ஒரு வகை. இது பாரம்பரிய மருத்துவத்திலும் பயன்படுத்தப்படுகிறது. குறிப்பாக, எடை குறைப்பும் உடல் நச்சு நீக்கமும் செய்யும் தன்மை காரணமாக உலகம் முழுவதும் புகழ் பெற்றுள்ளது.

இந்த பதிவும் உதவலாம்: எடையை மடமடனு வேகமாகக் குறைக்க ஈவ்னிங் டைம்ல இந்த பழக்கங்களைப் பின்பற்றுங்கள்

எடை இழப்புக்கு pu-erh tea டீயின் நன்மைகள்..

வளர்சிதை மாற்றத்தை (Metabolism) அதிகரிக்கும்

pu-erh tea-ல் அதிக அளவு ஆன்டி-ஆக்ஸிடன்ட்கள் உள்ளன. அவை உடலில் வளர்சிதை மாற்றத்தை (metabolism) தூண்டும். இதன் மூலம் உடல் கலோரிகளை வேகமாக எரிக்கிறது. இது உடல் கொழுப்பை குறைக்கவும், எடை குறையவும் உதவுகிறது.

செரிமானத்தை மேம்படுத்தும்

இந்த தேநீரில் உள்ள நார்ச்சத்து மற்றும் ஆன்டி-ஆக்ஸிடன்ட்கள் செரிமான மண்டலத்திற்கு சிறந்த ஆதரவாக செயற்படுகின்றன. வீக்கம், செரிமானக் கோளாறு போன்ற பிரச்சனைகளை குறைத்து, உணவிலிருந்து ஊட்டச்சத்துக்களை உடல் எளிதில் உறிஞ்ச உதவுகிறது.

பசியைக் கட்டுப்படுத்தும்

pu-erh tea-யின் ஒரு தனிப்பட்ட நன்மை, பசியை அடக்குவதே. நீண்ட நேரம் வயிறு நிறைவாக இருப்பதால், தேவையற்ற சிற்றுண்டி பழக்கங்களை கட்டுப்படுத்தி, எடை குறைய உதவுகிறது.

உடலை நச்சு நீக்கம் செய்கிறது

உடலில் தேங்கியுள்ள நச்சுக்களை நீக்கும் இயற்கையான திறன் pu-erh tea-க்கு உண்டு. இதை அடிக்கடி அருந்துவது கல்லீரல் ஆரோக்கியத்தை பாதுகாக்கவும், கொழுப்பு கல்லீரல் பிரச்சனைகளை குறைக்கவும் உதவும்.

இரத்த சர்க்கரையை கட்டுப்படுத்தும்

சில ஆய்வுகளின்படி, pu-erh tea இன்சுலின் உணர்திறனை மேம்படுத்தி, இரத்த சர்க்கரை அளவை கட்டுப்படுத்தும் என்று கருதப்படுகிறது. இதனால் நீரிழிவு அபாயம் குறைவதற்கும் வாய்ப்பு உள்ளது.

முடிவில்…

மருத்துவ குணங்கள் நிறைந்த இந்த pu-erh tea,

* வளர்சிதை மாற்றத்தை தூண்டும்

* எடை குறைக்க உதவும்

* செரிமானத்தை சீர்படுத்தும்

* உடலை நச்சு நீக்கும்

* இரத்த சர்க்கரையை சமநிலைப்படுத்தும்

என்று பல நன்மைகள் கொண்டது. எனினும், pu-erh teaமட்டும் போதுமானது அல்ல; ஆரோக்கியமான உணவு, போதுமான தூக்கம் மற்றும் உடற்பயிற்சி ஆகியவற்றையும் தொடர்ந்து கடைபிடிக்க வேண்டும்.