ஒட்டுமொத்த ஆரோக்கியத்தையும் மேம்படுத்த இந்த 6 ஊட்டச்சத்துக்கள் ரொம்ப முக்கியம்.. நிபுணர் பரிந்துரை

அன்றாட வாழ்வில் ஆரோக்கியமான ஊட்டச்சத்துக்கள் நிறைந்த வைட்டமின்கள் மற்றும் தாதுக்களை எடுத்துக் கொள்வது அவசியமாகும். ஏனெனில், நாம் எடுத்துக் கொள்ளும் வைட்டமின்களும், தாதுக்களும் நம் உடலில் பல்வேறு செயல்பாடுகளுக்கு முக்கிய பங்கு வகிக்கிறது. எனவே தான், ஒவ்வொருவரும் தங்களது அன்றாட உணவில் வைட்டமின்கள், தாதுக்கள் சேர்ப்பது மிகவும் அவசியமாகக் கருதப்படுகிறது.

அவ்வாறு, இதில் நாம் சேர்க்க எந்தெந்த வைட்டமின்கள் மற்றும் தாதுக்களைச் சேர்க்க வேண்டும் என்பது குறித்தும், அந்த ஊட்டச்சத்துக்கள் நிறைந்த உணவுகள் அல்லது ஆதாரங்கள் குறித்தும் ஊட்டச்சத்து நிபுணர் மற்றும் பல் சுகாதார நிபுணரான கேப்ரியல்லா டிமீட்டர் அவர்கள் தனது இன்ஸ்டாகிராம் பக்கத்தில் குறிப்பிட்டுள்ளார். அதைப் பற்றி இங்குக் காண்போம்.

அன்றாட உணவில் சேர்க்க வேண்டிய ஊட்டச்சத்துக்கள்

அன்றாட உணவில் நாம் கட்டாயம் சேர்க்க வேண்டிய 6 சிறப்பு ஊட்டச்சத்துக்கள் குறித்து நிபுணர் பகிர்ந்துள்ளதைக் காண்போம்.

மெக்னீசியம்

மெக்னீசியம் நிறைந்த உணவுகளை உட்கொள்வது உடலைத் தளர்வாக வைக்க உதவுகிறது. மேலும் இது தசை செயல்பாடு மற்றும் ஆற்றல் உற்பத்திக்கு மிகவும் முக்கியமானதாகும்.

இந்த பதிவும் உதவலாம்: அதிகபட்ச நன்மைகளைப் பெற சப்ளிமென்ட்ஸ் எடுக்க சிறந்த நேரம் எது தெரியுமா? மருத்துவர் தரும் டிப்ஸ்

மெக்னீசியம் நிறைந்த உணவுகள்

• பூசணி விதைகள்
• சியா விதைகள்
• பாதாம்
• கீரை
• முந்திரி
• டார்க் சாக்லேட் (70-85% கோகோ)

ஃபோலேட் (B9)

இது செல்களை உருவாக்குவதற்கும், செல்களை பழுதுபார்க்கவும், பிறவி குறைபாடுகளைத் தவிர்க்கவும், கர்ப்ப ஆரோக்கியத்திற்கும், ஆற்றல் வளர்ச்சிதை மாற்றத்திற்கும் இந்த ஊட்டச்சத்துக்கள் உதவுகின்றன.

ஃபோலேட் (B9) நிறைந்த ஆதாரங்கள்

• எடமாம்
• பருப்பு
• கொண்டைக்கடலை
• அஸ்பாரகஸ்
• கீரை
• வெண்ணெய்

வைட்டமின் டி

பொதுவாக வைட்டமின் டி-யை உணவிலிருந்து பெறுவது கடினமாகும். வைட்டமின் டி-யின் முக்கிய ஆதாரமாக வைட்டமின் டி உள்ளது. எனினும் சில உணவுகளில் வைட்டமின் டி காணப்படுகிறது.

வைட்டமின் டி நிறைந்த ஆதாரங்கள்

• காட் லிவர் எண்ணெய்
• ரெயின்போ டிரவுட்
• சால்மன் (சாக்கெய்)
• சாடினைகள் (எண்ணெயில் அடைக்கப்பட்டது)
• கானாங்கெளுத்தி
• செறிவூட்டப்பட்ட பசுவின் பால்

இந்த பதிவும் உதவலாம்: உங்களுக்குத் தெரியுமா? வைட்டமின் டி-ல மட்டும் அவ்ளோ நன்மைகள் குவிஞ்சிருக்கு.. என்னனு தெரிஞ்சிக்கோங்க

வைட்டமின் சி

இது வைட்டமின் சி ஊட்டச்சத்துக்கள் நிறைந்த ஆதாரமாகும். இவை உடலில் நோயெதிர்ப்புச் சக்தியை ஆதரிக்கவும், கொலாஜனை ஆதரிக்கவும், ஆக்ஸிஜனேற்றத்திற்கும் உதவுகிறது.

வைட்டமின் சி நிறைந்த உணவுகள்

• முளரிப்பழம்
• கொய்யா
• கிவி
• குடைமிளகாய்
• கருப்பு திராட்சை வத்தல்
• ப்ரோக்கோலி

View this post on Instagram

A post shared by Gabriela Demeter (@gabrieladmtnutrition)

ஒமேகா-3 கொழுப்பு அமிலங்கள்

இது உடலுக்குத் தேவையான அத்தியாவசிய ஊட்டச்சத்து ஆகும். இவை இதய ஆரோக்கியத்தை மேம்படுத்தவும், ட்ரைகிளிசரைடுகளைக் குறைக்கவும், மூளை மற்றும் கண் செயல்பாடுகளை மேம்படுத்துவது போன்ற பல்வேறு ஆரோக்கிய நன்மைகளை வழங்குகிறது. மேலும் இது மூளை ஆரோக்கியத்திற்கும் நன்மை பயக்கும்.

• ஆளி விதைகள்
• சியா விதைகள்
• வால்நட்ஸ்
• கானாங்கெளுத்தி
• சால்மன்
• மத்தி

இரும்பு

இரும்புச்சத்தை பொறுத்த வரை, ஹீம் மற்றும் ஹீம் அல்லாத மூலங்கள் என இரு வகையாகப் பிரிக்கப்பட்டுள்ளது. இவை இரத்த சிவப்பணுக்களில் ஆக்ஸிஜனைக் கொண்டு செல்லும் ஹீமோகுளோபின் என்ற புரதத்தை உற்பத்தி செய்ய உதவுகிறது. போதிய இரும்புச்சத்து இல்லாததன் காரணமாக உடல் சோர்வு, மூச்சுத்திணறல் மற்றும் இரத்த சோகை போன்றவை ஏற்படுகிறது. குறிப்பாக, பெண்களுக்கு இது மிகவும் அவசியமாகும்.

• மட்டி அல்லது கிளிஞ்சல்
• கோழி கல்லீரல்
• மாட்டிறைச்சி (மெலிந்த)
• பருப்பு
• கீரை
• பூசணி விதைகள் 8.8 மி.கி.

பொறுப்புத்துறப்பு

இதில் வழங்கப்பட்ட தகவல்கள் பொதுவான தகவல் நோக்கங்களுக்காக மட்டுமே. எனினும், தனிப்பட்ட தகவல்களைப் பெற விரும்புபவர்கள் அல்லது புதிய முயற்சிகளைக் கையாள விரும்புபவர்கள் எப்போதும் தகுதிவாய்ந்த நிபுணரை அணுகுவது நல்லது.

இந்த பதிவும் உதவலாம்: உடலுக்குத் தேவையான ஊட்டச்சத்துக்கள் இல்லாம இருக்கும் போது இந்த அறிகுறிகள் தோன்றும்.. மருத்துவரின் விளக்கம்

Image Source: Freepik