தயிர் பிரியர்களே.. கொஞ்சம் கவனிக்கவும்.. தயிர் தொடர்பான கட்டுக்கதைகள் இங்கே..

வெதுவெதுப்பான பாலில் பாக்டீரியாவை கலந்து புளிக்க வைப்பதன் மூலம் தயிர் தயாரிக்கப்படுகிறது. பாக்டீரியா லாக்டோஸை லாக்டிக் அமிலமாக மாற்றி குடலில் நல்ல பாக்டீரியாக்களை உருவாக்குகிறது. தயிர் ஆரோக்கியமான குடல் நுண்ணுயிரியை ஊக்குவிக்கவும், செரிமானத்தை மேம்படுத்தவும் உதவுகிறது.

ஆனால் தயிர் தொடர்பான சில கட்டுக்கதைகளும் இங்கே நிலவி வருகின்றன. இரைப்பைக் குடலியல் நிபுணர் டாக்டர் பால் மாணிக்கம், தயிர் சாப்பிடுவது பற்றிய சில கட்டுக்கதைகளை தனது இன்ஸ்டாகிராம் பக்கத்தில் விளக்கியுள்ளார். இது குறித்து இங்கே விரிவாக காண்போம்.

தயிர் தொடர்பான கட்டுக்கதைகளும்.. அதன் உண்மையும்..

கட்டுக்கதை 1: நீங்கள் எப்போது வேண்டுமானாலும், இரவில் கூட தயிர் சாப்பிடலாம்.

உண்மை: இரவில் தாமதமாக தயிர் சாப்பிடுவது சர்க்காடியன் தாளத்தை சீர்குலைக்கும். தயிர் பிரச்னை இல்லை. ஆனால் இரவில் அதை சாப்பிடுவதுதான் பிரச்னை. நீங்கள் படுக்கைக்குச் செல்வதற்கு மூன்று மணி நேரத்திற்கு முன் தயிர் மற்றும் காய்கறிகளுடன் சேர்த்து சாப்பிடவும்.

கட்டுக்கதை 2: குடல் ஆரோக்கியத்திற்கான இறுதி தீர்வு தயிர்.

உண்மை: பழங்கள், காய்கறிகள் மற்றும் முழு தானியங்கள் போன்ற நார்ச்சத்து நிறைந்த உணவுகளை தயிருடன் சேர்த்துக் கொள்வது குடல் பாக்டீரியாவை வளர்ப்பதற்கான சிறந்த செய்முறையாகும்.

இதையும் படிங்க: குளிர்காலத்தில் தயிர் சாப்பிடலாமா? ஆயுர்வேதம் என்ன சொல்கிறது?

கட்டுக்கதை 3: அதிக தயிர் சாப்பிடுவது சிறந்த ஆரோக்கியத்தை குறிக்கிறது.

உண்மை: சில நோயாளிகள் லாக்டோஸ் சகிப்புத்தன்மையின் காரணமாக வீக்கம் அல்லது வயிற்று அசௌகரியத்தை அனுபவிக்கலாம். அவர்கள் அரை கப் தயிரில் தொடங்கி, மெதுவாக அளவை அதிகரிக்கலாம். உங்கள் குடல் பாக்டீரியாவை இதன் மூலம் வளர்க்கலாம்.

கட்டுக்கதை 4: தயிர் உங்கள் எலும்புகளை தானே பலப்படுத்துகிறது.

உண்மை: தயிரில் நல்ல குடல் பாக்டீரியா உள்ளது. இது நல்ல/கெட்ட குடல் பாக்டீரியா விகிதத்தை அதிகரிக்கும். மேலும் இது குடலில் இருந்து கால்சியம் மற்றும் வைட்டமின் டி உறிஞ்சுதலை சாதகமாக பாதிக்கும். எனவே தயிர் மற்றும் வலிமை பயிற்சி உங்கள் எலும்புகளுக்கு நல்ல அடித்தளத்தை அளிக்கும்.

View this post on Instagram

A post shared by Dr. Pal Manickam (@dr.pal.manickam)

புரோபயாடிக்குகள் நமது குடலைக் கவனித்துக்கொள்வதில் ஒரு சாதகமாகும். ஆரோக்கியமான குடலுக்கு உங்கள் தேவைகளுக்கு ஏற்றவாறு தயிரை உங்களின் விருப்பத் தேர்வாக ஆக்குங்கள்.