Is Lassi Good For Sugar Patients: கோடைக்காலத்தில் அனைவருமே லஸ்ஸி சாப்பிடுவதை விரும்புவர். மேலும் இது அடிக்கடி எடுத்துக் கொள்ளப்படுகிறது. எல்லாவற்றிற்கும் மேலாக, நீரிழிவு நோயாளிகள் லஸ்ஸியை எடுத்துக் கொள்ளலாமா என்ற கேள்வி அனைவருக்கும் எழும். லஸ்ஸி குடிப்பது உடலில் நீரிழப்பை ஏற்படுத்தாது. மேலும் இது உடல் நீரேற்றமாக இருக்க வைப்பதுடன், பால் பொருளாக இருப்பதால் உடலுக்குப் பல்வேறு ஆரோக்கிய நன்மைகளைத் தருகிறது.
ஆனால், நீரிழிவு நோயாளிகள் இருப்பின் லஸ்ஸி குடிப்பதற்கு முன்னதாக ஆரோக்கியத்திற்கு பயனுள்ளதா என்பதை முதலில் தெரிந்து கொள்ள வேண்டும். இதில் சர்க்கரை நோயாளிகள் தினமும் லஸ்ஸியை குடிக்கலாமா? லஸ்ஸி குடிப்பதால் அவர்களுக்கு எதாவது பாதிப்பு ஏற்படுமா? இதில் நீரிழிவு நோயாளிகள் லஸ்ஸியை தினமும் குடிக்கலாமா என்பதையும், அவர்களின் ஆரோக்கியத்திற்கு எவ்வளவு நன்மை பயக்கும் என்பதை டயட் என் க்யூர் கிளினிக்கின் ஊட்டச்சத்து நிபுணர் திவ்யா காந்தி அவர்கள் சில தகவல்களைப் பகிர்ந்துள்ளார்.
முக்கிய கட்டுரைகள்
-1751385849349.jpg)
-1745778518611.jpg)
இந்த பதிவும் உதவலாம்: Kovakkai Benefits: கோவக்காய் உண்மையில் நீரிழிவு நோயாளிகளுக்கு நல்லதா? டாக்டர் கூறுவது இங்கே!
சர்க்கரை நோயாளிகள் லஸ்ஸி குடிக்கலாமா?
கோடை நாள்களில் ஒரு ஆரோக்கியமான நபர் லஸ்ஸியை எடுத்துக் கொள்வது, வெப்பத்தால் ஏற்படும் நீரிழப்பிலிருந்து தன்னைப் பாதுகாத்துக் கொள்வதை வழக்கமாக்கிக் கொள்கின்றனர். இதில் நீரிழிவு நோயாளிகளும் லஸ்ஸியை அனுபவிக்கின்றனர். ஆனால் இவர்கள் லஸ்ஸி குடிப்பது அவர்களுக்கு சரியானதா இல்லையா என்பது பற்றி சிந்தித்ததுண்டா?
இது குறித்து உணவியல் நிபுணர் திவ்யா அவர்கள் கூறுகையில், “லஸ்ஸியை குறைந்த அளவில் எடுத்துக் கொள்வது, நீரிழிவு நோயாளிகளின் ஆரோக்கியத்திற்கு மிகவும் நன்மை பயக்கும். மேலும், லஸ்ஸி தயார் செய்ய சரியான பொருள்களைப் பயன்படுத்த வேண்டும். இது தவிர, எந்த வகையான தயிரிலிருந்து லஸ்ஸி தயாரிக்கப்படுகிறது, எந்த நேரத்தில் சர்க்கரை நோயாளிகள் லஸ்ஸியை எடுத்துக் கொள்வர்” என்பதையும் கவனத்தில் கொள்வது அவசியமாகும். அது மட்டுமின்றி, நீரிழிவு நோயாளி தினமும் லஸ்ஸியைக் குடிக்க விரும்பினால், மருத்துவ ஆலோசனை பெறுவது நல்லது. 
நீரிழிவு நோயாளிகள் லஸ்ஸி குடிக்கும் முன் மனதில் வைத்துக் கொள்ள வேண்டியவை
குறைந்த கொழுப்புள்ள தயிர்
முழு கொழுப்பு நிறைந்த தயிர் அதிக கலோரிகள் மற்றும் நிறைவுற்ற கொழுப்பு வகைகளை உள்ளடக்கியதாகும். இந்த வகை தயிர் இதய நோய் அபாயத்தை அதிகரிப்பதுடன், இரத்த சர்க்கரை அளவை எதிர்மறையாக பாதிக்கலாம். எனவே நீரிழிவு நோயாளிகள் லஸ்ஸி எடுத்துக் கொள்ளும் முன் குறைந்த கொழுப்பு அல்லது கொழுப்பு இல்லாத தயிர் உட்கொள்வதை உறுதி செய்து கொள்ள வேண்டும். இவ்வாறு எடுத்துக் கொள்வது அவர்களின் உடல் ஆரோக்கியத்திற்கு எந்த தீங்கும் விளைவிக்காது.
இந்த பதிவும் உதவலாம்: Flax Seeds For Diabetes: சர்க்கரை அளவு குறைய இந்த ஒரு விதையை எடுத்துக்கோங்க போதும்
பகுதி அளவு சரிபார்ப்பு
லஸ்ஸி ஆரோக்கியமான பொருள்களால் செய்யப்படுவதாக இருப்பினும், இதை நீரிழிவு நோயாளிகள் மிதமாக உட்கொள்ள வேண்டும். அதன் படி, அதிக கலோரிகள் மற்றும் கார்போஹைட்ரேட்டுகளை உட்கொள்வதைத் தவிர்க்க 1 கப் அல்லது அதற்கும் குறைவான அளவு பரிமாறுவது நல்லது.
சர்க்கரை அளவு கண்காணிப்பது
ஒவ்வொரு நபரின் உடலிலும் ஒவ்வொரு உணவும் வித்தியாசமாக செயல்படுகிறது. இது நீரிழிவு நோயாளி ஒருவர் எவ்வளவு லஸ்ஸியை உட்கொள்கிறீர்கள் மற்றும் உடல் எவ்வாறு செயல்படுகிறது என்பதைப் பொறுத்ததாகும். லஸ்ஸி உடலை எவ்வாறு பாதிக்கும் என்பதைத் தெரிந்து கொள்ள விரும்பினால், லஸ்ஸியைக் குடிப்பதற்கு முன்பும், பின்பும் சர்க்கரை அளவை பரிசோதிக்கலாம். லஸ்ஸி குடித்த பின் சர்க்கரை அளவு அதிகரிப்பதை உணர்ந்தால், லஸ்ஸி உட்கொள்வதைத் தவிர்ப்பது நல்லது. 
இயற்கை சர்க்கரை பயன்பாடு
சில இடங்களில் இனிப்பு லஸ்ஸியும், சில இடங்களில் உப்பு லஸ்ஸியும் விரும்பப்படுகிறது. எனினும் நீரிழிவு நோயாளிகள், செயற்கை சர்க்கரையுடன் லஸ்ஸி குடிப்பது உடல் ஆரோக்கியத்திற்கு தீங்கு விளைவிக்கலாம். அதே சமயம், இனிப்பு லஸ்ஸியை குடிப்பவராக இருப்பின், அதில் இயற்கையான சர்க்கரையைப் பயன்படுத்துவது மிகவும் முக்கியமாகும். அதன் படி, இயற்கை சர்க்கரைக்கு ஸ்டீவியா, Erythritol போன்றவை நல்ல தேர்வுகளாகும். இந்த இயற்கையான சர்க்கரை தேர்வுகள் சர்க்கரை அளவைப் பாதிக்காமல் இருப்பதுடன், நீரிழிவு நோயாளிகளுக்கு நன்மை பயக்கும்.
இந்த வகை தேர்வுகளை அடிப்படையாக வைத்தே நீரிழிவு நோயாளிகள் லஸ்ஸி உட்கொள்ள வேண்டும்.
இந்த பதிவும் உதவலாம்: Pulses For Diabetes: சர்க்கரை நோயாளிகள் எந்த பருப்பு உட்கொள்வது நல்லது தெரியுமா?
Image Source: Freepik