$
Are Earbuds Safe For Babies: குழந்தைகள் பேசும் மொழி வித்தியாசமானது. இதை பெற்றோர்கள் கூட புரிந்து கொள்ள முடியாது. ஆனால், குழந்தையின் முக பாவனையை அடிப்படையாக வைத்து பெற்றோர்கள் தங்கள் குழந்தைக்கு என்ன பிரச்சனை என்பதை புரிந்து கொள்கின்றனர். அவ்வாறே, குழந்தைகள் தங்கள் கைகளை அவர்களின் அடிக்கடி காதுப் பகுதியில் கொண்டு செல்வர். இதற்கு முக்கிய காரணம், குழந்தைகள் தங்கள் காதுகளை மீண்டும் மீண்டும் சொறிவதே ஆகும். இது குழந்தைக்கு அரிப்பு ஏற்பட்டுள்ளதாக பல பெற்றோர்களும் நினைக்கின்றனர்.
இதனால், பல சமயங்களில் பெற்ரோர்கள் மருத்துவ ஆலோசனை எதுவுமின்றி, இயர்பட்ஸை குழந்தையின் காதுகளை சுத்தம் செய்ய பயன்படுத்துகின்றனர். சிறிய அல்லது பெரிய காதுகள் எதுவாக இருப்பினும், இயர்பட்ஸ் பயன்படுத்தும் போது கவனமாக இருக்க வேண்டும். இதில் குழந்தைகளின் காதுகளை இயர்பட்ஸ்களால் சுத்தம் செய்யலாமா என்பது குறித்து, சூரத், கிரண் மல்டி சூப்பர் ஸ்பெஷாலிட்டி மருத்துவமனையின், குழந்தைகள் சிறப்பு மருத்துவர் பவன் மாண்டவியா அவர்கள் சில தகவல்களைப் பகிர்ந்துள்ளார்.
இந்த பதிவும் உதவலாம்: Baby Massage: மசாஜ் செய்தால் குழந்தைகளின் தசைகள் மற்றும் எலும்புகள் வலுவடையுமா?
குழந்தைகளின் காதுகளில் இயர்பட்ஸ் பயன்படுத்தலாமா?
டாக்டர். பவன் மாண்டவியா சமூக ஊடகங்களில் குழந்தை பராமரிப்பு தொடர்புடைய தலைப்புகளில் சில குறிப்புகளைப் பகிர்ந்து வருகிறார். அதன்படி, பொதுமக்களுக்கு குழந்தைகள் பராமரிப்பு குறித்து விழிப்புணர்வு ஏற்படுத்தும் வகையில், குழந்தைகளின் காதுகளை சுத்தம் செய்ய இயர்பட்ஸ் பயன்படுத்துபவர்களை எச்சரித்துள்ளார். மருத்துவர் பவன் மாண்டவியா அவர்களின் கூற்றுப்படி, பலர் குழந்தைகளின் காதுகளை இயர்பட் மூலம் சுத்தம் செய்வதால் பிரச்சனையைக் குறைப்பதற்கு பதில் அதை அதிகரிப்பதாகக் கூறியுள்ளார்.
குழந்தைகள் பொதுவாக அடிக்கடி காதில் அரிப்பு அல்லது வலியைப் புகார் செய்தால், அது காதில் உருவாகும் அதிகப்படியான மெழுகு காரணமாக ஏற்படலாம் என மருத்துவர் கூறுகிறார். காது மெழுகு அதிகமாக இருப்பின், அரிப்பு அல்லது வலி ஏற்படலாம். இந்த சூழ்நிலையில் குழந்தையின் காதுகளை இயர்பட்களால் சுத்தம் செய்வதைத் தவிர்க்க வேண்டும். இயர்பட்களைப் பயன்படுத்துவதால் மெழுகு காதுக்கு வெளியே வராமல் உள்ளே செல்கிறது. இது பிரச்சனை அதிகரிக்கலாம் என தெரிவித்துள்ளார்.
இந்த பதிவும் உதவலாம்: Strong Bones Oil: குழந்தைகளின் எலும்பை வலுவாக்க இந்த 5 எண்ணெய் கொண்டு மசாஜ் செய்யுங்க
குழந்தைகளிடமிருந்து காது மெழுகை அகற்றும் முறை
மருத்துவர் பவன் மாண்டவியா அவர்களின் கூற்றுப்படி, மக்களுக்கு விழிப்புணர்வை ஏற்படுத்தியதுடன், குழந்தைக்கு காதுகளில் அரிப்பு அல்லது வலி இருப்பின், அவர்கள் கட்டாயம் மருத்துவரை அணுக வேண்டும். குழந்தைகளின் காதில் இருந்து கடினமான காது மெழுகை அகற்றுவதற்கு, மருத்துவர்கள் காது சொட்டுகளைப் பரிந்துரைக்கின்றனர். அதை வைத்த பிறகு, குழந்தை சிறியதாக இருப்பின், அவர்க்ளுக்கு உணவளிக்க வேண்டும். இதுவே குழந்தைகள் பெரியதாக இருப்பின், அவர்களுக்கு மென்று சாப்பிட உணவுப்பொருள்களை கொடுக்க வேண்டும்.
ஏனெனில், குழந்தைகள் இந்த சூழ்நிலையில் அவர்களின் தாடைகளை நகற்றுவார்கள். இவ்வாறு தாடைகள் நகரும் போது, காதில் படிந்திருக்கக் கூடிய மெழுகு மெதுவாக வெளியே வரத் தொடங்குகிறது (குறிப்பாக, சிறு குழந்தைகளில் காது மெழுகு சுத்தம் செய்வதற்கான சரியான வழி) மற்றும் காய்ந்து வெளியேறுகிறது அல்லது காதிலிருந்து வெளியேறிய மெழுகு சுத்தம் செய்யலாம். குழந்தைகளின் காதுகளில் சுத்தமான துணியுடன், இயர்பட்களை வைப்பதால் நோய்த்தொற்று ஏற்படும் அபாயம் உள்ளது. எனவே டாக்டர். பவன் மாண்டவியா அவர்கள் கூறுகையில், “குழந்தைகளின் காதுகளை சுத்தம் செய்ய இயர்பட்களை பயன்படுத்த வேண்டாம்” என்று விளக்கமளித்துள்ளார்.
இந்த பதிவும் உதவலாம்: Ghee Benefits For Babies: குழந்தைகளுக்கு நெய் கொடுப்பதால் கிடைக்கும் நன்மைகள் என்னென்னதெரியுமா?
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.