$
Jeera Water During Pregnancy: கர்ப்ப காலத்தில் உடல் ஆரோக்கியத்தைப் பாதுகாக்கும் பொருட்டு, பெண்கள் தங்களது உடல் நலத்தில் அதிக கவனம் செலுத்த வேண்டும். இந்த காலகட்டத்தில் பெண்களின் உடலின் பல்வேறு மாற்றங்கள் நிகழலாம். இதனால், அடிக்கடி அசௌகரியத்தை சந்திக்கும் சூழல் ஏற்படும். பல சமயங்களில், சில உடல் உபாதைகளைச் சந்திக்கும் நிலை ஏற்படலாம். இதில் வயிற்று உப்புசம், செரிமான பிரச்சனைகள் போன்றவை அடங்கும். இதைத் தவிர்க்க, பெரும்பாலும் கர்ப்பிணி பெண்கள் வீட்டு வைத்திய முறைகளையே நாடுவர்.
அந்த வகையில் வயிற்று உப்புசம், செரிமான பிரச்சனைகள் போன்றவற்றை குணப்படுத்த பெருஞ்சீரகம் சிறந்த தேர்வாக அமைகிறது. ஏனெனில், பெருஞ்சீரகம் பயனுள்ள மற்றும் ஊட்டச்சத்துக்களைக் கொண்டுள்ள மூலப்பொருள் ஆகும். ஆனால், கர்ப்பிணி பெண்கள் பெருஞ்சீரகத் தண்ணீரை பயன்படுத்தலாமா என்ற கேள்வி எழுகிறது. இது குறித்து விருந்தாவன் மற்றும் புதுதில்லியில் உள்ள மதர்ஸ் லேப் ஐவிஎஃப் மையத்தின் மகளிர் மருத்துவ இயக்குநர் மற்றும் ஐவிஎஃப் நிபுணர் டாக்டர் ஷோபா குப்தா அவர்கள் சில தகவல்களைப் பகிர்ந்துள்ளார்.
இந்த பதிவும் உதவலாம்: Pregnancy Sleep: கர்ப்பிணி பெண்கள் நிம்மதியாக உறங்க தவிர்க்க வேண்டிய தவறுகள்
கர்ப்பிணி பெண்கள் பெருஞ்சீரகத் தண்ணீர் குடிக்கலாமா?
நிபுணர்களின் கூற்றுப்படி, கர்ப்ப காலத்தில் கருஞ்சீரகத்தை குறைந்த அளவுகளில் உட்கொள்ளலாம். இது தலைச்சுற்றல், வயிறு உப்புசம், வாந்தி மற்றும் வாய் ஆரோக்கியம் போன்ற நோய்களில் இருந்து நிவாரணம் அளிக்கிறது. அதே போல, கர்ப்ப காலத்தில் பெருஞ்சீரகத் தண்ணீரையும் அருந்தலாம். ஆனால், அதிக அளவில் உட்கொள்ளக் கூடாது.
இதன் அதிக நுகர்வு கர்ப்ப காலத்தில் இரத்தப்போக்கை ஏற்படுத்தலாம். நிலை மோசமடைந்தால், கருச்சிதைவு பிரச்சனையும் ஏற்படலாம். பெருஞ்சீரகம் விதைகள் இரத்த உறைதல் செயல்முறையை மெதுவாக்கும். எனவே கர்ப்பிணி பெண்களுக்கு இரத்தப்போக்கு கோளாறு இருப்பின், அதை உட்கொள்வதைத் தவிர்க்க வேண்டும். அதே போல, பெருஞ்சீரகம் தண்ணீர் குடிப்பதையும் தவிர்க்க வேண்டும்.
கர்ப்ப காலத்தில் பெருஞ்சீரகத் தண்ணீர் குடிப்பதால் கிடைக்கும் நன்மைகள்
கர்ப்பிணி பெண்கள் பெருஞ்சீரகத் தண்ணீர் குடிப்பதால் கிடைக்கும் நன்மைகளைக் காணலாம்.
வாந்தியெடுத்தல் பிரச்சனைக்கு
கர்ப்ப காலத்தில் பெண்கள் அடிக்கடி வாந்தியெடுப்பர். இந்த நிலையில் பெருஞ்சீரகத் தண்ணீர் குடிப்பது பயனுள்ளதாக இருக்கும். மேலும், இது நெஞ்செரிச்சல் போன்ற பிரச்சனையைக் குறைக்கவும் உதவுகிறது.
செரிமான பிரச்சனைக்கு
பெருஞ்சீரகத் தண்ணீரில் அனெத்தோல் என்ற ஒரு உறுப்பு காணப்படுகிறது. இது செரிமானத்தை மேம்படுத்த உதவுகிறது. இது செரிமான தசைகளை விடுவிப்பதுடன், செரிமானத் திறனை மேம்படுத்துகிறது. மேலும் இந்த நீர் அருந்துவது வாயு மற்றும் பிற வயிற்று பிரச்சனைகளை நீக்கும். அதே சமயம் கர்ப்ப காலத்தில் வீக்கம் ஏற்படுவது மிகவும் சாதாரணமான ஒன்றாகும்.
இந்த பதிவும் உதவலாம்: Oral Health During Pregnancy: கர்ப்பிணி பெண்கள் வாய்வழி ஆரோக்கியத்தை கடைபிடிப்பது எப்படி?
மலச்சிக்கல் பிரச்சனைக்கு
கர்ப்ப காலத்தில் மலச்சிக்கல் பிரச்சனை மிகவும் பொதுவானதாகும். இதனை பெருஞ்சீரகத்தை எடுத்துக் கொள்வதன் மூலம் குணப்படுத்தலாம். அதே சமயம், பெருஞ்சீரகத் தண்ணீர் மலச்சிக்கல் பிரச்சனையிலிருந்து நிவாரணத்தைத் தருகிறது.
இரத்த சர்க்கரை கட்டுப்பாட்டிற்கு
கர்ப்பிணி பெண்கள் பலரும் கர்ப்ப கால நீரிழிவு நோயால் பாதிக்கப்படுகின்றனர். இந்த நிலையில் இரத்த சர்க்கரையைக் கட்டுப்படுத்துவது மிகவும் முக்கியமாகும். கர்ப்பிணி பெண்கள் பெருஞ்சீரகத் தண்ணீரைக் குடிப்பதன் மூலம் இரத்த சர்க்கரையைக் கட்டுப்படுத்த உதவுகிறது.
கர்ப்ப காலத்தில் பெருஞ்சீரகம் சாப்பிடுவதால் ஏற்படும் தீமைகள்
பெருஞ்சீரகத்தை எடுத்துக் கொள்வதால் கர்ப்பிணி பெண்களுக்கு இது போன்ற உடல் உபாதைகளும் ஏற்படலாம். அவற்றைப் பற்றி இதில் காண்போம்.
- பெருஞ்சீரகம் இரத்தம் உறைதல் செயல்முறையைக் குறைப்பதால், இரத்தப்போக்கு கோளாறுகள் உள்ள கர்ப்பிணி பெண்கள் இதைக் கட்டாயம் தவிர்க்க வேண்டும்.
- இது தவிர, பெருஞ்சீரகத் தண்ணீரை உட்கொள்வது சருமத்தின் உணர்திறனை அதிகரிக்கும். இது கருச்சிதைவு அபாயத்தையும் அதிகரிக்கலாம்.
- எனவே நிபுணர்களின் கூற்றுப்படி, அதிகளவு பெருஞ்சீரகத் தண்ணீர் உட்கொள்வது கர்ப்பகாலத்தில் தீங்கு விளைவிக்கலாம். எனவே, குறைந்த அளவிலான பெருஞ்சீரகத்தண்ணீரை உட்கொள்வது நல்லது.
இந்த பதிவும் உதவலாம்: Pregnancy Health Drinks: கர்ப்பிணி பெண்கள் குளிர்காலத்தில் அருந்த வேண்டிய பானங்கள் இது தான்.!
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
