How to eat almonds for diabetes: இன்றைய மோசமான உணவுமுறை மற்றும் ஆரோக்கியமற்ற வாழ்க்கை முறை காரணமாக பலரும் பல பிரச்சனைகளை சந்தித்து வருகின்றனர். இதில் நீரிழிவு நோயும் அடங்கும். அதிலும் இளம் வயதிலேயே இன்று பலரும் நீரிழிவு நோயை அனுபவிக்கின்றனர். இது முற்றிலும் குணப்படுத்த முடியாது எனினும், நீரிழிவு நோயைக் கட்டுப்படுத்த முடியும். இதற்கு நீரிழிவு நோயாளிகள் முக்கியமாக தங்கள் உணவில் மிகவும் கவனமுடனும், விழிப்புடனும் இருக்க வேண்டும். ஏனெனில், நீரிழிவு நோயாளிகள் உட்கொள்ளும் உணவுகளில் மிகுந்த கவனத்துடன் இருக்க வேண்டும். இது சீரானதாக மாறினால், அது நீண்ட காலத்திற்கு தீங்கு விளைவிக்கலாம்.
அந்த வகையில், உணவுக்குப் பிறகு ஏற்படும் ஹைப்பர் கிளைசீமியா அல்லது குளுக்கோஸ் ஸ்பைக்கைக் குறைக்க பாதாம் பருப்பு பெரிதும் உதவுகிறது. நீரிழிவு நோயாளிகள் உணவுக்கு முன்னதாக பாதாம் பருப்பு உட்கொள்வது இரத்த சர்க்கரை அளவைக் குறைக்க உதவுகிறது. பாதாம் ஆனது குளுகோகன் அளவுகள், குளுக்கோஸ் மாறுபாடு, இன்சுலின், சி-பெப்டைட் மற்றும் கிளைசெமிக் அளவு மேம்படுத்துவது போன்றவற்றின் மூலம் இரத்த சர்க்கரை அளவைக் கட்டுப்படுத்துகிறது.
இந்த பதிவும் உதவலாம்: எகிறும் சுகர் லெவலை சட்டென குறைக்க இந்த ஒரு நட்ஸ் மட்டும் சாப்பிடுங்க!
பாதாம் எவ்வாறு இரத்த சர்க்கரை அளவைக் குறைக்கிறது?
பாதாமில் வைட்டமின் ஈ மற்றும் மாங்கனீஸ் உள்ளிட்ட பல்வேறு வைட்டமின்கள் மற்றும் தாதுக்கள் நிறைந்துள்ளன. மேலும், இதில் புரதம், நார்ச்சத்து, தாமிரம், கால்சியம் மற்றும் மெக்னீசியம் போன்ற பல்வேறு ஊட்டச்சத்துக்களால் நிறைந்து காணப்படுகிறது. இவை அனைத்துமே வகை 2 நீரிழிவு நோய் அபாயத்தைக் குறைக்க மிக முக்கிய பங்கு வகிக்கிறது. 
நீரிழிவு நோயாளிகள் ஏன் உணவுக்கு முன் பாதாம் உட்கொள்ள வேண்டும்?
பாதாம் உட்கொள்வது வயிறு நிரம்பிய உணர்வைத் தருவதால், இதை உணவுக்கு முன் எடுத்துக் கொள்வது கலோரி உட்கொள்ளலைக் குறைக்கிறது. உணவு உண்பதற்கு அரை மணி நேரத்திற்கு முன் பாதாம் பருப்பை எடுத்துக் கொள்வது, வாய்வழி குளுக்கோஸ் சுமையால் தூண்டப்பட்ட இன்சுலின் வெளியீட்டை ஆதரிக்கிறது. மேலும், பாதாமில் நிறைந்திருக்கும் நார்ச்சத்துக்கள் குடல் இயக்கங்களின் பாகுத்தன்மையை அதிகரிக்கிறது.
இது குளுக்கோஸ் பரவலைத் தடுக்கவும், இதன் கொழுப்புகள் இரைப்பை காலியாக்கும் நேரத்தை மெதுவாக்குகிறது. இதன் மூலம் குளுக்கோஸ் உறிஞ்சப்படுவதை தாமதப்படுத்துகிறது. இதற்கு முக்கிய காரணம் பாதாமில் உள்ள துத்தநாகம், மக்னீசியம் போன்றவை கொழுப்பு திசுக்களில் உள்ள டைரோசின் கைனேஸ் ஏற்பியைத் தூண்டுகிறது. இதன் மூலம் இன்சுலின் உணர்திறனை மேம்படுத்த உதவுகிறது. மேலும், பாதாமில் மோனோசாச்சுரேட்டட் கொழுப்பு அமிலங்கள் நிறைந்துள்ளதால், இவை பசியைக் குறைக்கவும், இன்சுலின் உணர்திறனை அதிகரிக்கவும் உதவுகிறது.
இந்த பதிவும் உதவலாம்: Quinoa for Diabetics: சுகர் லெவலை கன்ட்ரோல் செய்யும் குயினோவா! எப்படி தெரியுமா?
உணவுக்கு முன் எத்தனை பாதாம் உட்கொள்ளலாம்?
ஒரு அவுன்ஸ் பாதாம் பருப்பில் 164 கலோரிகள், 6 கிராம் புரதம் போன்றவை காணப்படுகிறது. சிறந்த பலன்களைப் பெற உணவுக்கு முன் 23 பாதாம் பருப்புகளை உட்கொள்ளலாம் எனக் கூறப்படுகிறது. எனினும், மருத்துவரின் பரிந்துரையின் பேரில் உணவுக்கு முன் பாதாமை எடுத்துக் கொள்வது நல்லது.
நீரிழிவு நோயாளிகளுக்கு பாதாம் தரும் மற்ற நன்மைகள்
ஊட்டச்சத்துக்கள் நிறைந்த
பாதாமில் பெரும்பாலான முக்கிய ஊட்டச்சத்துக்கள் நிறைந்து காணப்படுகிறது. எனவே உடலின் ஒட்டுமொத்த நல்ல ஆரோக்கியத்திற்கும் நல்வாழ்விற்கும் தேவையான சீரான ஊட்டச்சத்தை வழங்குகிறது. 
இதய ஆரோக்கியத்தை மேம்படுத்த
டைப் 2 நீரிழிவு நோயுடன் தொடர்புடைய இதய ஆபத்து காரணிகளை மேம்படுத்த பாதாம் உதவுகிறது. எனவே நீரிழிவு நோயாளிகள் பாதாம் உட்கொள்வது இதய ஆரோக்கியத்தை மேம்படுத்துகிறது.
எளிதாக உணவில் சேர்க்கக் கூடியது
பாதாமை ஒரு சிற்றுண்டியாக எடுத்துக் கொள்ளலாம். இது தவிர, தானியங்கள் அல்லது ஓட்மீல் போன்றவற்றில் சேர்க்கலாம்.
இவ்வாறு நீரிழிவு நோயாளிகள் பாதாமை உட்கொள்வது இரத்த சர்க்கரை அளவைக் குறைக்க உதவுகிறது.
இந்த பதிவும் உதவலாம்: சுகர் லெவல் டக்குனு குறைய இலவங்கப்பட்டையுடன் இந்த ஒரு பொருள் சேர்த்துக்கோங்க!
Image Source: Freepik