$
Pudina Nanmaigal: கோடை வெயிலால் ஏற்படும் வெப்பத்தின் தாக்கத்தில் இருந்து விடுபட பலர் பல வழிகளை கையாளுகிறார்கள். இதற்கு சிறந்த முடிவாக புதினா இலை இருக்கும் என்றால் உங்களால் நம்ப முடிகிறதா? ஆம், புதினா இலைகள் வெப்பத்தை தணிக்க உதவுகிறது.
புதினா இலைகள் சுவையை அதிகரிக்க உதவுவதோடு மட்டுமல்லாமல் வெப்பத்தை சமாளிக்கவும் பெரும் உதவியாக இருக்கும். வெப்பம் சார்ந்த நோய்களுக்கும், வயிற்றில் ஏற்படும் அசௌகரியங்களுக்கும் தீர்வாக புதினா இருக்கிறது. புதினாவை கோடியில் சுவையான உணவுகள், பானங்களில் சேர்க்கலாம். இது சுவையை அதிகரிப்பதோடு மட்டுமல்ல உடலுக்கு குளிர்ச்சியையும் தருகிறது.
உடல் சூட்டை குறைக்கும் புதினா இலைகள்
இந்த மூலிகை ஆயுர்வேத மருத்துவத்தில் பல நூற்றாண்டுகளாக பயன்படுத்தப்படுகிறது. புதினாவானது இருமல், தலைவலி, சுவாசக் கோளாறு என பல பிரச்சனைகளுக்கு பயன்படுத்தப்படுகிறது. புதினா இலைகள் கோடையில் புத்துணர்ச்சியூட்டும் பானங்கள், சட்னி, சாலடுகள் மற்றும் ஸ்மூத்திகள் என பல்வேறு வழிகளில் சேர்க்கலாம்.
புதினா உங்கள் செரிமான பிரச்சனைகளை தீர்க்க உதவும், அதேபோல் இயற்கையான வாய் புத்துணர்ச்சியையும் கொடுக்கிறது. மேலும், புதினா தலைவலியை போக்கவும் உதவுகிறது. புதினாவின் தனித்துவமான சுவையானது உணவில் வாசனையை அதிகரித்து சுவையை கூட்ட உதவும் கோடையில், புதினா குறிப்பாக பயனுள்ளதாக இருக்கும்.
புதினா இலைகளை உங்கள் உணவில் சேர்த்துக்கொள்ள சிறந்த வழிகள்
புதினா மற்றும் எலுமிச்சைப் பழம்
ஒரு பாத்திரத்தில் எலுமிச்சைச் சாற்றைப் பிழிந்து, பிறகு தண்ணீர் மற்றும் தேன் போன்ற இயற்கை இனிப்புகளைச் சேர்க்கவும். பின், ஒரு கைப்பிடி புதினா இலைகளை அதில் மசிந்து மெதுவாக கலக்கவும். புதினா இலைகளை நன்கு கிளறவும். உங்கள் விருப்பத்திற்கேற்ப சுவையை பொறுத்து கலக்கவும். இந்த பானம் வெப்பமான கோடை நாட்களில் உங்களை நீரேற்றமாக வைத்திருக்கும்
புதினா பழ சாலட்
தர்பூசணி, ஸ்ட்ராபெர்ரி, திராட்சை மற்றும் அன்னாசி போன்ற பழங்களை துண்டுகளாக வெட்டவும். இதனுடன் புதிய புதினா இலைகளை ஒரு கொத்து எடுத்து அவற்றை பழத்துடன் சேர்த்து, மெதுவாக கலக்கவும். புதினா பழங்களின் இனிப்புக்கு புத்துணர்ச்சியூட்டும், இந்த சாலட்டை சரியான ஒளி நேரத்தில் சாப்பிடலாம், அதேபோல் இது ஆரோக்கியமான சிற்றுண்டியாகவும் இருக்கும்.
புதினால் இதுபோல் பல உணவுகளிலும், தினசரி சாப்பாட்டிலும், நாம் அருந்தும் பழச் சாறுகளிலும் சேர்த்துக் கொள்ளலாம். இது ஆரோக்கியத்திற்கு நன்மைபயக்கும்.
Image Source: FreePik