$
How to make fennel seed oil to stop hair fall: இன்றைய ஆரோக்கியமான உணவுமுறை மற்றும் மோசமான பழக்கங்களால் பலரும் பல பிரச்சனைகளைச் சந்திக்கின்றனர். இதில் முடி சார்ந்த பிரச்சனைகளும் அடங்கும். இதனால் பலரும் முடி உதிர்வு, முடி வறட்சி, நுனி முடி உதிர்வு உள்ளிட்ட பிரச்சனைகளைச் சந்திக்கின்றனர். இதில் முடி உதிர்தல் பலரும் எதிர்கொள்ளக் கூடிய ஒரு பொதுவான பிரச்சனையாகக் கருதப்படுகிறது. இது தவிர, அழுத்தம், மாசுபாடு, மரபியல் மற்றும் மோசமான ஊட்டச்சத்துக்கள் போன்ற பல்வேறு காரணிகளும் முடி உதிர்தலுக்குக் காரணமாகிறது.
மேலும் முடி உதிர்வைக் குறைக்கவும், முடி ஆரோக்கியத்தை மேம்படுத்தவும் பலர் முடி சார்ந்த தயாரிப்புகளை சந்தையில் வாங்கி பயன்படுத்துகின்றனர். இவை வழக்கமாக ஆடம்பரமானதாக இருப்பினும், தீங்கு விளைவிக்கும் இரசாயனக் கலவைகளைப் பெற்றிருக்கலாம். இவை இறுதியில் முடியை சேதப்படுத்துகிறது. மாற்றாக, முடி சார்ந்த பிரச்சனைகளுக்கு ஆரோக்கியமான மற்றும் பாதுகாப்பான இயற்கை வைத்தியங்களைக் கையாளலாம். முடி உதிர்வைத் தடுக்கவும், முடி ஆரோக்கியத்தை மேம்படுத்தவும் சீரக எண்ணெய் உதவுகிறது. இதில் பெருஞ்சீரக எண்ணெய் தயாரிக்கும் மற்றும் பயன்படுத்தும் முறை குறித்து காணலாம்.
இந்த பதிவும் உதவலாம்: Garlic Oil for Hair: புல்லட் வேகத்தில் முடி வளர பூண்டு எண்ணெயை இப்படி வீட்டிலேயே தயார் செய்யுங்க!
பெருஞ்சீரக எண்ணெயை முடிக்கு பயன்படுத்தலாமா?
சான்ஃப் என்றழைக்கப்படும் பெருஞ்சீரக விதைகள் சமையலில் மசாலா பொருளாகப் பயன்படுத்துவது மட்டுமல்லாமல், பாரம்பரிய மருத்துவத்திலும் முக்கிய பங்கு வகிக்கிறது. பெருஞ்சீரகம் விதைகளில் வைட்டமின் சி, மக்னீசியம், கால்சியம் மற்றும் பொட்டாசியம் போன்ற வைட்டமின்கள் மற்றும் தாதுக்கள் நிறைந்து காணப்படுகிறது. மேலும் இதில் அழற்சி எதிர்ப்பு, ஆன்டிமைக்ரோபியல் மற்றும் ஆக்ஸிஜனேற்ற பண்புகள் நிறைந்துள்ளன. இவை முடி ஆரோக்கியம் உட்பட ஒட்டுமொத்த ஆரோக்கியத்தையும் மேம்படுத்த உதவுகிறது. பெருஞ்சீரக விதைகளில் தயாரிக்கப்படும் அத்தியாவசிய எண்ணெய்கள் உச்சந்தலையில் இரத்த ஓட்டத்தைத் தூண்டுகிறது. மேலும் இது முடி வளர்ச்சியை ஊக்குவிக்கவும், மயிர்க்கால்களை வலுப்படுத்தவும் உதவுகிறது.
வீட்டிலேயே பெருஞ்சீரக எண்ணெயைத் தயார் செய்வது எப்படி?
வீட்டில் எளிதான முறையில் பெருஞ்சீரக எண்ணெயைத் தயார் செய்யலாம்.
தேவையானவை
- பெருஞ்சீரக விதைகள் - 2 டீஸ்பூன்
- கேரியர் எண்ணெய் (ஆலிவ் எண்ணெய், தேங்காய் எண்ணெய், பாதாம் எண்ணெய்) - 1 கப்
இந்த பதிவும் உதவலாம்: Hemp Seed Oil For Hair: முடி நீளமா, மென்மையா, அடர்த்தியா வளர சணல் விதை எண்ணெய் தரும் நன்மைகள்
பெருஞ்சீரக எண்ணெய் தயாரிக்கும் முறை
- பெருஞ்சீரக விதைகளை அதன் அத்தியாவசிய எண்ணெய்கள் வெளியிடும் வகையில் லேசாக நசுக்க வேண்டும்.
- பிறகு, ஒரு சிறிய வாணலியில் விருப்பமான கேரியர் எண்ணெயை குறைந்த தீயில் சூடாக்கலாம். எண்ணெய் சூடாக வேண்டுமே தவிர, கொதிக்க வைக்கக் கூடாது.
- எண்ணெய் சூடான பிறகு, நறுக்கிய பெருஞ்சீரகம் விதைகளை வாணலியில் சேர்க்க வேண்டும். விதைகள் சமமாக எண்ணெயில் பரவும் வகையில் நன்கு கிளற வேண்டும்.
- அதன் பின்னர், இந்தக் கலவையை மெதுவாக 20-30 நிமிடங்கள் வேக வைக்கலாம். இது பெருஞ்சீரகம் விதைகளின் பண்புகளுடன் எண்ணெயை உட்செலுத்துகிறது. இதில் விதைகள் எரியாத படி, அவ்வப்போது சரிபார்க்க வேண்டும்.
- பிறகு வாணலியை வெப்பத்திலிருந்து எடுத்து கலவை அறை வெப்பநிலையை அடையும் வரை குளிர்விக்க அனுமதிக்க வேண்டும்.
- இது குளிர்ந்த பிறகு ஒரு கண்ணாடி ஜாடிக்கு நன்றாக வடிகட்ட வேண்டும். விதைகளிலிருந்து எவ்வளவு முடியுமோ அவ்வளவு எண்ணெயைப் பிரித்தெடுக்கலாம்.
- பிறகு ஜாடியை இறுக்கமாக மூடி, குளிர்ந்த, இருண்ட இடத்தில் வைக்க வேண்டும். சரியான முறையில் வைத்திருந்தால், எண்ணெய் பல மாதங்களுக்கு நன்றாக இருக்கும்.
பெருஞ்சீரக எண்ணெயை பயன்படுத்துவது எப்படி?
முடி பராமரிப்பு வழக்கத்தில் பெருஞ்சீரக எண்ணெயைப் பயன்படுத்தலாம். இதில் முடி உதிர்வுக்கு பெருஞ்சீரக எண்ணெயைப் பயன்படுத்துவதற்கான சில பயனுள்ள முறைகளைக் காணலாம்.
- உள்ளங்கையில் சிறிது பெருஞ்சீரக எண்ணெயை சிறிது எடுத்துக் கொள்ள வேண்டும்.
- தலைமுடியை பகுதிகளாகப் பிரித்து, உச்சந்தலையில் நேரடியாக எண்ணெயை ஊற்ற வேண்டும்.
- விரல் நுனியைப் பயன்படுத்தி எண்ணெயை உச்சந்தலையில் வட்ட இயக்கத்தில் சுமார் 10-15 நிமிடங்கள் மசாஜ் செய்ய வேண்டும்.
- குறிப்பாக, முடி உதிர்தல் இருக்கும் இடத்தில் தடவ வேண்டும். இதை 30 நிமிடங்கள் வைத்து பிறகு ஷாம்பூ பயன்படுத்தி கழுவலாம்.
- இந்த சூடான எண்ணெய் சிகிச்சை முறை முடி மற்றும் உச்சந்தலைக்கு ஊட்டமளிப்பதுடன் முழுமையாக வைக்கிறது.
இந்த பதிவும் உதவலாம்: Rosemary Hair Benefits: முடி வளர்ச்சிக்கு ரோஸ்மேரி தரும் ஆரோக்கிய நன்மைகள்
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
