இதய நோயைத் தவிர்க்க சமையல் எண்ணெயை எவ்வாறு பயன்படுத்துவது? - எந்த எண்ணெய் சிறந்தது?

Heart Safe Cooking Oils: சமையலில் பயன்படுத்தப்படும் எண்ணெய்களால் இதய நோய்களைத் தடுக்கவும் மற்றும் இதயத்திற்கு அபாயத்தை ஏற்படுத்தவும் முடியும். இதுகுறித்து நிபுணர்கள் தெரிவித்துள்ள கருத்துக்களையும் எந்த எண்ணெய் இதய ஆரோக்கியத்தை பாதுகாக்க சிறந்தது என்பதையும் பார்க்கலாம்...
  • SHARE
  • FOLLOW
இதய நோயைத் தவிர்க்க சமையல் எண்ணெயை எவ்வாறு பயன்படுத்துவது? - எந்த எண்ணெய் சிறந்தது?


நல்ல இதய ஆரோக்கியத்தை பராமரிப்பது உடற்பயிற்சி மற்றும் மருந்துகள் மட்டுமல்ல, அன்றாட உணவில் சிறிய முடிவுகள் கூட பெரிய தாக்கத்தை ஏற்படுத்துகின்றன. இப்போதெல்லாம், மாரடைப்பு மிகவும் அதிகரித்துள்ளன, அத்தகைய சூழ்நிலையில் நமது சமையல் எண்ணெய் எப்படி இருக்க வேண்டும் என்பதை அறிந்து கொள்வது முக்கியம்?

பதப்படுத்தப்பட்ட உணவுகளிலிருந்து விலகி இருங்கள்:

பதப்படுத்தப்பட்ட உணவுகள் மற்றும் வனஸ்பதி போன்ற ஹைட்ரஜனேற்றப்பட்ட எண்ணெய்கள் அல்லது டிரான்ஸ் கொழுப்பு உள்ள பொருட்கள் ஆரோக்கியத்திற்கு ஆபத்தானவை என்று மருத்துவ நிபுணர்கள் கூறுகிறார்கள் . கெட்ட கொழுப்பு உடலில் கொழுப்பை அதிகரிக்கும், இதய தமனிகளில் அடைப்பு ஏற்படும் அபாயத்தை அதிகரிக்கிறது.

வனஸ்பதிக்குப் பதிலாக வெண்ணெயைப் பயன்படுத்துங்கள், இயற்கையானது மற்றும் குறைவாக பதப்படுத்தப்படுவதால் உடலுக்கும் அதிக ஆரோக்கியம் தருகிறது.

எந்த எண்ணெய்கள் இதயத்திற்கு நல்லது?

உடலுக்கு எண்ணெய் அவசியம் . சரியான எண்ணெயைத் தேர்ந்தெடுத்து அதை சீரான முறையில் பயன்படுத்துவது மிகவும் முக்கியம். சில ஆரோக்கியமான எண்ணெய் களை மருத்துவர்கள் பரிந்துரைககிறார்கள் :

சூரியகாந்தி எண்ணெய் (Sunflower oil )

ரைஸ் பிரான் ஆயில் (Rice bran oil )

கடுகு எண்ணெய் ( Mustard oil )

ஆலிவ் எண்ணெய் ( Olive oil )

இந்த எண்ணெய்கள் அனைத்தும் வெவ்வேறு ஊட்டச்சத்துக்களைக் கொண்டுள்ளன. எந்த எண்ணெயையும் தொடர்ந்து பயன்படுத்துவது நல்லதல்ல. ஒவ்வொரு 6 மாதங்களுக்கும் எண்ணெயை மாற்றிக்கொண்டே இருக்குமாறு மருத்துவர்கள் அறிவுறுத்தியுள்ளார்கள். அப்போது தான் ஒரே மாதிரியான கொழுப்பு அமிலங்கள் அதிகமாக இருப்பதால் ஏற்படும் தீங்குகளைத் தடுக்க முடியும்.

கடுகு எண்ணெய் மாரடைப்பு அபாயத்தை ஏற்படுத்துமா?

காஷ்மீர் மற்றும் வங்காளத்தில் மாரடைப்பு அதிகமாக இருப்பதாகக் கண்டறிந்த ஒரு ஆய்வை மருத்து நிபுணர்கள் குறிப்பிட்டுள்ளார்கள். இந்த பகுதிகளில் கடுகு எண்ணெய் அதிகமாகப் பயன்படுத்தப்படுகிறது. ஒரு திட்டவட்டமான காரணம் அல்ல என்றாலும், ஒரே எண்ணெயை தொடர்ந்து உட்கொள்வது உடலில் சில நச்சுத்தன்மையை ஏற்படுத்தும் என மருத்துவர்கள் எச்சரிக்கின்றனர்.

மோசமான சமையல் எண்ணெய் மாரடைப்பு அபாயத்தை அதிகரிக்குமா?

ஆம், ஹைட்ரஜனேற்றப்பட்ட எண்ணெய் மற்றும் மீண்டும் பயன்படுத்தப்படும் எண்ணெய் உடலில் டிரான்ஸ் கொழுப்பை உருவாக்குகிறது, இதய நோய் அபாயத்தை அதிகரிக்கிறது.

மிகவும் ஆரோக்கியமற்ற எண்ணெய் எது?

அதிக அளவில் பதப்படுத்தப்பட்ட வனஸ்பதி மற்றும் சுத்திகரிக்கப்பட்ட எண்ணெய்கள் மிகவும் தீங்கு விளைவிப்பதாகக் கருதப்படுகிறது.

அதிக எண்ணெய் உணவுகளை சாப்பிடுவது கொழுப்பை அதிகரிக்குமா?

எண்ணெய் வகை தவறாக இருந்தாலோ அல்லது அதன் அளவு அதிகமாக இருந்தாலோ, உடலில் LDL (கெட்ட கொழுப்பு) ஐ அதிகரித்து HDL (நல்ல கொழுப்பு) ஐ குறைக்கும்.

எந்த எண்ணெய் மிகவும் ஆரோக்கியமானது?

முற்றிலும் ஆரோக்கியமான எண்ணெய் என்று எதுவும் இல்லை. மருத்துவகளின் கூற்றுப்படி, எண்ணெய் சுழற்சி விதியைப் பின்பற்றி சமநிலையைப் பேணுவதே நல்லது. ஆலிவ் எண்ணெய் மற்றும் அரிசி தவிடு எண்ணெய் ஆகியவை இதயத்திற்கு உகந்ததாகக் கருதப்படுகின்றன.

ஸ்மார்ட் சமையலுக்கான குறிப்புகள்:

  • டீப் ப்ரை செய்வதற்குப் பதிலாக, ஆவியில் வேகவைப்பது, கிரில் அல்லது பேக்கிங்கைப் பயன்படுத்துங்கள்.
  • ஒரு நாளைக்கு எண்ணெயின் அளவு 3 முதல் 4 கரண்டிகளுக்கு மேல் மிகாமல் பார்த்துக்கொள்ளுங்கள்.
  • சமைக்கும் போது, ஊட்டச்சத்துக்கள் அழிக்கப்படாமல் இருக்க, எண்ணெயை குறைந்த தீயில் சூடாக்கவும்.
  • எண்ணெயை மீண்டும் மீண்டும் பயன்படுத்த வேண்டாம்.

இதய நோயைத் தவிர்க்க, எண்ணெய் உட்கொள்ளலைக் குறைப்பது மட்டும் போதாது. சரியான எண்ணெயைத் தேர்ந்தெடுப்பது, அதன் அளவு மற்றும் எவ்வாறு பயன்படுத்தப்படுகிறது என்பது அனைத்தும் முக்கியம்.மருத்துவ நிபுண்ர்களின் ஆலோசனையைப் பின்பற்றுவதன் மூலம், இதயத்தை நீண்ட காலத்திற்கு ஆரோக்கியமாக வைத்திருக்க முடியும்.

Read Next

இரவு தூங்கும் முன் பாலில் ஊறவைத்த உலர்திராட்சையைச் சாப்பிடுவதால் என்ன நன்மைகள் கிடைக்கும் தெரியுமா?

Disclaimer

குறிச்சொற்கள்