$
What natural remedy helps with heartburn: பொதுவாக, அதிகப்படியான உணவு, காரமான அல்லது கொழுப்பு நிறைந்த உணவுகள், காஃபின், ஆல்கஹால் போன்ற பல்வேறு காரணங்களால் நெஞ்செரிச்சலை பலரும் சந்திக்கின்றனர். இது தவிர உணவுக்குப் பிறகு படுத்துக் கொள்வது, கர்ப்பம், புகைபிடிப்பது போன்ற பல்வேறு காரணிகளாலும் நெஞ்செரிச்சல் ஏற்படுத்துகிறது. இதன் அறிகுறிகளாக மார்பு அல்லது தொண்டையில் எரியும் உணர்வு, விழுங்குவதில் சிரமம் போன்றவை அடங்கும். எனினும், இந்த அறிகுறிகளை இயற்கையான முறையில் தணிக்கலாம். இதில் இயற்கையாகவே நெஞ்செரிச்சலைத் தடுக்க உதவும் வீட்டு வைத்தியங்களைக் காணலாம்.
நெஞ்செரிச்சலைத் தடுக்க உதவும் இயற்கையான வழிகள்
பெருஞ்சீரகம்
இவை செரிமான ஆரோக்கியத்தை மேம்படுத்த உதவுகிறது. இது வீக்கம், வாயு மற்றும் நெஞ்செரிச்சல் போன்றவற்றைக் குறைக்க உதவுகிறது. மேலும், பெருஞ்சீரகத்தின் இயற்கையான சேர்மங்கள் வயிற்று தசைகளை தளர்த்தி, உணவுக்குழாய்க்குள் அமிலத்தை தள்ளக்கூடிய அழுத்தத்தை குறைக்கிறது. இந்த விதைகளை மென்று சாப்பிடலாம் அல்லது தேநீரில் காய்ச்சி குடிக்கலாம். இதன் மூலம் அமில வீச்சிலிருந்து நிவாரணம் பெறவும், செரிமான ஆரோக்கியத்தை மேம்படுத்தவும் முடியும்.
இந்த பதிவும் உதவலாம்: Remedies for stomach: வெறும் 5 நிமிடத்தில் வாயு பிரச்சினையை விரட்டும் பாட்டி வைத்தியம்!
இஞ்சி
இஞ்சி ஒரு சக்திவாய்ந்த அழற்சி எதிர்ப்புப் பண்புகள் நிறியந்த உணவுப்பொருளாகும். இவை செரிமான அமைப்பை மேம்படுத்தி, அமில உற்பத்தியைக் குறைக்க உதவுகிறது. கூடுதலாக, இஞ்சியில் நிறைந்துள்ள இயற்கையான சேர்மங்கள், உணவுக்குழாய் மற்றும் வயிற்றுப் புறணியை ஆற்ற உதவுகிறது. மேலும் நெஞ்செரிச்சலின் எரியும் உணர்வைப் போக்கவும் உதவுகிறது. இஞ்சி நீர் குடிப்பது, அன்றாட உணவில் இஞ்சியைச் சேர்ப்பது போன்றவற்றின் மூலம் நெஞ்செரிச்சலைக் குறைக்கலாம்.
கெமோமில் டீ
கெமோமில் தேநீர் அமைதியான மற்றும் அழற்சி எதிர்ப்பு பண்புகளைக் கொண்டதாகும். இது ஞெரிச்சலைக் குறைக்கவும், செரிமான அமைப்பைத் தளர்த்தவும் உதவுகிறது. இது உணவுக்குழாய் மற்றும் வயிற்றுப் புறணியில் ஏற்படும் எரிச்சலைத் தணித்து, அமிலம் உயர்வதற்கான வாய்ப்பைக் குறைக்க உதவுகிறது. எனவே படுக்கைக்கு முன்னதாக கெமோமில் தேநீர் அருந்துவது தளர்வை ஊக்குவிக்கவும், நெஞ்செரிச்சலைத் தவிர்க்கவும் உதவுகிறது.
வாழைப்பழங்கள்
பொதுவாக வாழைப்பழங்கள் இயற்கையாகவே காரத்தன்மை கொண்டதாகும். இது நெஞ்செரிச்சலைத் தணிக்க உதவுகிறது. இதன் உயர் pH மற்றும் மென்மையான அமைப்பு வயிற்று அமிலத்தை நடுநிலையாக்கவும், அமில எரிச்சலிலிருந்து நிவாரணம் அளிக்கவும் உதவுகிறது. எனவே பழுத்த வாழைப்பழங்களைத் தொடர்ந்து சாப்பிடுவதன் மூலம் செரிமான ஆரோக்கியத்தை மேம்படுத்தி, அமிலக் குவிப்பைக் குறைப்பதன் மூலம் நெஞ்செரிச்சலைத் தடுக்கிறது.
இந்த பதிவும் உதவலாம்: அசிடிட்டியை போக்க இந்த 2 பொருள் போதும்..
கற்றாழை சாறு
கற்றாழை சாறு பல்வேறு மருத்துவ குணங்கள் நிறைந்த ஆரோக்கியமான தாவரமாகும். இதில் நிறைந்திருக்கும் இனிமையான மற்றும் அழற்சி எதிர்ப்பு பண்புகள் நெஞ்செரிச்சல் காரணமாக ஏற்படும் எரிச்சலைக் குறைக்க மிகவும் பயனுள்ளதாக அமைகிறது. இதற்கு புதிய கற்றாழை ஜெல்லை நேரடியாக எடுத்துக் கொள்வது செரிமான ஆரோக்கியத்தை மேம்படுத்தவும், வீக்கத்தைக் குறைக்கவும், வயிற்றுப் புறணியை குணப்படுத்தவும் உதவுகிறது. இது நெஞ்செரிச்சலிலிருந்து விடுபட உதவுகிறது.
பேக்கிங் சோடா
இது இயற்கையான ஆன்டாக்சிட் ஆக செயல்படுகிறது. இதனைத் தண்ணீரில் கலக்கும் போது வயிற்று அமிலத்தை நடுநிலையாக்கி, நெஞ்செரிச்சலில் இருந்து உடனடி நிவாரணம் தருகிறது. பேக்கிங் சோடாவில் நிறைந்துள்ள காரத்தன்மை வயிற்றில் உள்ள pH அளவின் சமநிலையை மீட்டெடுக்க உதவுகிறது. எனினும், இதைக் குறைவாகப் பயன்படுத்த வேண்டும். ஏனெனில், இதன் அதிக பயன்பாடு ஏற்றத்தாழ்வுகளை ஏற்படுத்தலாம்.
ஆப்பிள் சைடர் வினிகர்
இது அமிலத்தன்மை கொண்டதாக இருப்பினும், இதனை சிறிய மற்றும் நீர்த்த அளவுகளில் எடுத்துக் கொள்வது வயிற்றில் உள்ள அமில அளவை சமன் செய்ய உதவுகிறது. இந்த வினிகரை அருந்துவது செரிமான ஆரோக்கியத்தை மேம்படுத்தி, உணவுக்குழாயில் அமிலம் ஏறுவதைத் தடுக்க உதவுகிறது. ஒரு டேபிள் ஸ்பூன் அளவிலான ஆப்பிள் சைடர் வினிகரை தண்ணீரில் கலந்து, உணவுக்கு முன் குடிப்பது அமில வீக்கத்தை நடுநிலையாக்கி செரிமானத்தை மேம்படுத்துகிறது.
இவ்வாறு பல்வேறு ஆரோக்கிய மற்றும் இயற்கையான முறைகளைப் பயன்படுத்தி நெஞ்செரிச்சலிலிருந்து விடுபடலாம்.
இந்த பதிவும் உதவலாம்: Acidity Remedies: அசிடிட்டியிலிருந்து விரைவில் நிவாரணம் பெற இந்த வீட்டு வைத்தியங்கள் ட்ரை பண்ணுங்க
Image Source: Freepik