How to regrow hair loss due to hard water naturally: இன்றைய நவீன காலத்தில் மோசமான வாழ்க்கைமுறை, ஆரோக்கியமற்ற உணவுமுறை காரணமாக பலரும் பல்வேறு பிரச்சனைகளைச் சந்திக்கின்றனர். இதில் ஒன்றாக முடி சார்ந்த பிரச்சனையும் அடங்குகிறது. முடி உதிர்வு, வறட்சி போன்றவற்றிற்கு பல்வேறு காரணங்கள் உள்ளன. ஆனால், இதில் தண்ணீரும் அடங்கும் என்பது உங்களுக்குத் தெரியுமா? ஆம். தண்ணீரின் காரணமாக முடி உதிர்வு ஏற்படலாம். தலைமுடி உதிர்வுக்குக் காரணமான கடின நீர் குறித்தும், இதனால் ஏற்படும் முடி உதிர்வை எவ்வாறு தவிர்க்கலாம் என்பதைக் காணலாம்.
கடினநீர் என்றால் என்ன?
கூந்தலில் கடின நீரைப் பயன்படுத்தும் போது அது முடி உதிர்வு பிரச்சனையை உண்டாக்கலாம். எல்லா வகை நீரிலும் தாதுக்கள் நிறைந்துள்ளது. ஆராய்ச்சியாளர்களின் கூற்றுப்படி, மென்மையான நீரில் 10 பிபிஎம் இருப்பதாகவும், கடினமான நீரில் 212.பிபிஎம் இருப்பதாகவும் கூறப்படுகிறது. இந்நிலையில் கடினமான நீரில் சோப்பு மற்றும் ஷாம்பு கலந்து பயன்படுத்துவது அதில் உள்ள சல்பேட்டுகள் மற்றும் மெக்னீசியம் பை கார்பனேட்டுகள் குளோரைடுகள் போன்றவை சோப்புடன் இணைந்து, உப்பு வளிமண்டலங்களை உருவாக்குகிறது. இது முடி பிரச்சனைக்கு வழிவகுக்கிறது.
இந்த பதிவும் உதவலாம்: எந்த ஷாம்பூவா இருந்தாலும் இப்படி யூஸ் பண்ணா முடி கொட்டவே கொட்டாது!
கடின நீர் எந்தெந்த வழிகளில் முடியை பாதிக்கிறது?
கடின நீரில் நிறைந்துள்ள தாதுக்கள், உச்சந்தலையில் படிகமாகி முடியை உடையக் கூடியதாக மாற்றுகிறது. இதில் உள்ள அதிகளவிலான கால்சியம் உச்சந்தலையில் மாய்ஸ்சரைசரை உறிஞ்ச முடியாத நிலையை ஏற்படுத்தி, முடி ஆரோக்கியத்தைப் பாதிக்கிறது. மேலும், இதன் தாதுக்கள் ஷாம்புகளை பயனற்றதாக ஆக்குகிறது. இவை உச்சந்தலையில் உள்ள துளைகளைத் தடுக்க உதவுகிறது. இவை முடி உதிர்வுக்கு வழிவகுக்கிறது. கடின நீரால், கனிம உருவாக்கம் ஏற்பட்டு பாக்டீரியா வளர்ச்சி, தொற்று மற்றும் ஈஸ்ட் போன்றவற்றை ஊக்குவிக்கிறது. 
கடினமான நீரிலிருந்து தலைமுடி உதிர்வைத் தடுக்க உதவும் வழிகள்
தலைமுடியில் கடினமான நீரின் எதிர்மறை விளைவுகளைக் கருத்தில் கொண்டு, சேதம் ஏற்படாமல் இருக்க சரியான நடவடிக்கைகளைக் கையாள வேண்டும். இதன் மூலம் முடி உதிர்வைக் கட்டுப்படுத்தி, முடி வளர்ச்சியை ஆதரிக்கலாம்.
வாட்டர் சாஃப்டனர் பயன்படுத்துவது
கடின நீரை சமாளிக்க உதவும் எளிய வீட்டு வைத்தியங்களில் ஒன்றாக வாட்டர் சாஃப்டனர் அமைகிறது. பொதுவாக கடின நீரில் மெக்னீசியம், கால்சியம் போன்றவை அதிகளவு உள்ளது. இது முடி உதிர்தல், சரும பிரச்சனைகளுக்கு வழிவகுக்கிறது. முடி மற்றும் சருமத்தில் கவனம் செலுத்த விரும்பினால் வாட்டர் சாஃப்டனரைப் பயன்படுத்தலாம். நீர் மென்மையாக்கல் செயல்முறையின் மூலம் கடின நீரை மென்மையாக்கி, பயன்படுத்துவது தலைமுடி மற்றும் சருமப் பிரச்சினைகளில் வித்தியாசத்தைக் காணலாம்.
சுத்திகரிக்கப்பட்ட பாட்டில் வாட்டர்
தலைமுடி சேதத்திலிருந்து விடுபட நாம் சுத்திகரிக்கப்பட்ட பாட்டில் தண்ணீரைப் பயன்படுத்தலாம். பலர் தலைமுடியைக் கழுவவும், தலைமுடி சேதத்திலிருந்து பாதுகாக்கவும் பாட்டில் தண்ணீரைப் பயன்படுத்தலாம். எனினும், பாட்டில் தண்ணீரைப் பயன்படுத்துவது விலை உயர்ந்தது மட்டுமல்லாமல், சுற்றுச்சூழலுக்கும் தீங்கு விளைவிக்கலாம். எனினும், விலையுயர்ந்த பாட்டில் தண்ணீரைப் பெறுவதற்குப் பதிலாக வாட்டர் சாஃப்டனர் பயன்படுத்துவது சிறந்த தேர்வாக அமைகிறது.
இந்த பதிவும் உதவலாம்: இவங்க எல்லாம் மறந்தும் ஹேர் ஆயில் பயன்படுத்தக்கூடாது; ஏன் தெரியுமா?
ஷவர் வடிகட்டி பயன்பாடு
இது எளிதான பயன்பாடு ஆகும். ஷவர் ஃபில்டரின் உதவியுடன் தண்ணீரில் உள்ள தாதுக்கள் மற்றும் குளோரின் அளவைக் குறைக்கலாம். இதன் மூலம் கடின நீரால் முடிக்கு ஏற்படும் சேதத்தைக் குறைக்க முடியும். இவை குறைந்த பண மதிப்பை வழங்குவதாக இருப்பினும், வாட்டர் சாஃப்டனர் போல பயனுள்ளதாக இருக்காது. 
ஈரப்பதமூட்டும் ஹேர் மாஸ்க் பயன்பாடு
கடின நீரைப் பயன்படுத்துவதன் காரணமாக, முடி ஈரப்பதத்தை உறிஞ்ச முடியாமல் போகலாம். எனவே தலைமுடிக்கு சரியான ஈரப்பதத்தை வழங்கும் முடி பராமரிப்புப் பொருட்களைப் பயன்படுத்துவது அவசியம். அதன் படி, ஆர்கான் எண்ணெய், ஜோஜோபா அல்லது பாதாம் எண்ணெய் போன்றவற்றைக் கொண்டு மசாஜ் செய்யலாம். மேலும், லீவ்-இன் கண்டிஷனர்களைப் பயன்படுத்துவது ஈரப்பதத்தை அடைத்து மென்மையானதாக மாற்றுகிறது. இவை கடின நீருக்குத் தீர்வு கிடைக்காத வரை, இதைப் பயன்படுத்துவது தற்காலிக தீர்வாக அமைகிறது.
முடிக்குத் தேவையான ஊட்டச்சத்துக்கள்
தலைமுடியை ஆரோக்கியமாக வைத்திருக்க உடலில் தேவையான ஊட்டச்சத்துக்கள் இல்லாத சமயத்தில் முடி உதிர்தல் பிரச்சனை ஏற்படலாம். எனவே முடி ஆரோக்கியத்திற்குத் தேவையான அத்தியாவசிய ஊட்டச்சத்துக்களைப் பெற இரும்பு, தாதுக்கள், வைட்டமின் டி போன்றவை நிறைந்த உணவுகளைத் தங்கள் அன்றாட உணவில் சேர்த்துக் கொள்ளலாம்.
இவ்வாறு கடினமான நீரால் ஏற்படும் முடி உதிர்வைக் கட்டுப்படுத்தி, முடி ஆரோக்கியத்தைப் பாதுகாக்கலாம்.
இந்த பதிவும் உதவலாம்: Cinnamon For Hair: உங்களுக்கு கருகருன்னு நீளமான கூந்தல் வேண்டுமா? அப்போ இலவங்கப்பட்டையை இப்படி யூஸ் பண்ணுங்க!
Image Source: Freepik