$
Hip Pain: டிஜிட்டல் யுகத்தில் பலரும் அமர்ந்த இடத்திலேயே வேலை செய்கிறார்கள். மேலும் ஆண்கள், பெண்கள் என அனைவரும் அந்த கால முறைப்படி வீட்டு வேலையைக் கூட செய்வதில்லை. அனைத்தும் பணிகளையும் ஸ்விட்ச் அழுத்தினால் போதும் என்ற நிலை வந்துவிட்டது. வெளியே சென்றால் வாகனம் தான். நடப்பதே பயிற்சியாகிவிட்டது.
இதுபோன்ற வாழ்க்கை முறையால் பல நோய்கள் ஏற்படுகிறது இதில் பிரதான பிரச்சனை இடுப்பு வலி. மக்கள் பெரும்பாலும் இந்த வகையான வலிக்கு அதிக கவனம் செலுத்துவதில்லை. அதேசமயம், இதுபோன்ற கவனக்குறைவு எதிர்காலத்தில் பெரிய பிரச்சனைகளை உருவாக்கலாம். குறிப்பாக இடுப்பு வலி இருந்தால் அலட்சியமாக இருப்பது சரியல்ல.
இடுப்பு வலி காரணமாக, எழுந்திருக்கவும், உட்காரவும், நடக்கவும் சிரமம் ஏற்படும். ஒரே இடத்தில் மணிக்கணக்கில் அமர்ந்து இருப்பது கூட எலும்புகள் வலுவிழந்து, இடுப்பிலும் எதிர்மறையான தாக்கத்தை ஏற்படுத்துகிறது. இது உங்களுக்கு நிகழாமல் தடுக்க என்ன செய்ய வேண்டும் என்பது குறித்து பார்க்கலாம்.
இடுப்பு வலியிலிருந்து நிவாரணம் பெறுவது எப்படி?
ரெகுலர் ஸ்ட்ரெச்சிங் முக்கியம்
மணிக்கணக்கில் ஒரே இடத்தில் அமர்ந்து வேலை செய்தால், அவ்வப்போது இருக்கையில் இருந்து எழுந்து செல்வது நல்லது. மேலும், தினமும் ஸ்ட்ரெச்சிங் பயிற்சிகளை செய்யுங்கள். நீட்சி பயிற்சிகளின் உதவியுடன், உங்கள் தசைகளை தளர்த்தி வலியில் இருந்து நிவாரணம் பெறலாம்.
ஓய்வு மிக அவசியம்
மணிக்கணக்கில் நாற்காலியில் அமர்ந்து இடுப்பு வலி வர ஆரம்பித்தால், அவ்வப்போது ஓய்வு எடுப்பது நல்லது. இடைவேளையின் போது எழுந்து நின்று அங்கும் இங்கும் நடந்து செல்லுங்கள். ஒரே இடத்தில் அதிக நேரம் உட்கார வேண்டாம். உட்கார்ந்திருப்பது இடுப்பு வலியை அதிகரிக்கும். நீங்கள் வயதானவராக இருந்தால், வலியின் நிலையும் தீவிரமாக இருக்கலாம்.
சூடு அல்லது குளிர் ஒத்தடம்
பல சமயங்களில், மணிக்கணக்காக உட்கார்ந்து அல்லது நிற்பதால் இடுப்பு வலி அதிகரிக்கிறது. இடைவேளையின் போது ஓய்வு எடுத்தாலும் இடுப்பு வலி குறையவில்லை என்றால் சூடு அல்லது குளிர் ஒத்தடம் அளிக்கவும். இதனால் இடுப்பு வலியில் இருந்து நிவாரணம் கிடைக்கும்.
எடை இழப்பு
சில நேரங்களில் அதிக எடை தூக்குவது இடுப்பு அல்லது கால்களில் வலியை ஏற்படுத்தும். உங்கள் எடையை சமநிலைப்படுத்த முயற்சிக்க வேண்டும். இதற்கு, உங்கள் வாழ்க்கை முறையில் ஆரோக்கியமான பழக்கங்களை கடைப்பிடித்து, நல்ல உணவை எடுத்துக் கொள்ளுங்கள்.
மருத்துவரை அணுகவும்
நீண்ட நாட்களாக இடுப்பு வலி இருந்தால் அலட்சியப்படுத்தாதீர்கள். ஒருமுறை மருத்துவரிடம் சென்று சிகிச்சை செய்து கொள்வது நல்லது. சில சமயங்களில் வைட்டமின் குறைபாடு காரணமாக இடுப்பு வலி பிரச்சனையும் ஏற்படலாம். இருப்பினும், இது பெரும்பாலும் வயதானவர்களில் காணப்படுகிறது.
எந்த பிரச்சனையையும் ஆரம்பித்தலேயே கண்டறிந்தால் அதை எளிதாக சரிசெய்யலாம். எதையும் தீவிரமடைய விட வேண்டாம். முறையாக மருத்துவ ஆலோசனை பெறுவது கூடுதல் நல்லது.
Pic Courtesy: FreePik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
