$
Healthy Weight Loss: உடல் எடையை குறைக்கும் செயல்முறையை ஆரம்பிக்கிறீர்கள் என்றால் உடல் எடையை குறைக்க எவ்வளவு நேரம் ஆகும் என்ற கேள்வி உங்கள் மனதில் வந்துகொண்டே இருக்கும். துல்லியமாக மதிப்பிடுவது சாத்தியமில்லை என்பதே சரியான பதில். இருப்பினும் எடை இழப்புக்கு சராசரியாக எவ்வளவு நேரமாகும் என்பதை அறிவது சாத்தியம்தான்.
இந்த கேள்விக்கான சரியான பதில் குறித்து நிபுணர்கள் கூறியதை இப்போது பார்க்கலாம்.
வாரத்திற்கு எவ்வளவு எடை குறைப்பது சாத்தியம்?
வாரத்திற்கு அரை அல்லது ஒரு கிலோ வரை எடையை குறைக்கலாம். நோய் கட்டுப்பாடு மற்றும் தடுப்பு மையத்தின் படி, நீங்கள் ஒரு வாரத்தில் பாதி அல்லது 1 கிலோ எடையை குறைக்கலாம். இருப்பினும், நீங்கள் விரைவாக எடை இழக்க வேண்டும் என்பதற்கான வழிகாட்டுதல்களை பொறுத்து இந்த அளவு மாறுபடும்.
ஆனால் நீங்கள் மற்றொன்றையும் நினைவில் வைத்துக் கொள்ள வேண்டியது அவசியம். அது, படிப்படியாக உடல் எடையை குறைப்பது தான் உடலுக்கு மிகவும் ஆரோக்கியமானது. உடல் எடையை குறைப்பது இரத்த அழுத்தம், இரத்த கொழுப்பு மற்றும் இரத்த சர்க்கரை அளவை மேம்படுத்துகிறது.
உணவியல் நிபுணரும் உடற்பயிற்சி நிபுணருமான சனா கில் கருத்துப்படி, உடல் எடையை குறைத்த முதல் 3 வாரங்களில் வித்தியாசத்தை நீங்கள் காணத் தொடங்குவீர்கள், மேலும் 4 முதல் 5 கிலோ வரை குறைக்க 1 முதல் 2 மாதங்கள் ஆகலாம். உடல் எடையை குறைக்க எவ்வளவு நேரம் எடுக்கும் என்பது உடற்பயிற்சி மற்றும் உணவைப் பொறுத்தது.
எடை இழப்பும் கலோரி தொடர்பும்
உங்களின் எடை குறைப்புப் பயணத்தில் ஈடுபட்டு எடை குறையவில்லை என்றால், நீங்கள் கலோரிகளை குறைக்கவில்லை என்று அர்த்தம் என உணவு நிபுணரும், உடற்பயிற்சி நிபுணருமான சனா கில் கூறினார்.
உதாரணமாக, 8 வாரங்களுக்கு உங்கள் கலோரி உட்கொள்ளலை கவனமாக குறைத்தால் நீங்கள் எடை இழக்க அதிக வாய்ப்பு. இருப்பினும், நீங்கள் எவ்வளவு கலோரிகளை உட்கொள்கிறீர்கள் என்பதைப் பொறுத்தது.
ஆண்கள் ஒரு நாளைக்கு சுமார் 2 முதல் 3 ஆயிரம் கலோரிகளை எடுத்துக்கொள்ள வேண்டும். அதேசமயம் பெண்கள் ஒரு நாளைக்கு 1800 முதல் 2400 கலோரிகளை எடுத்துக்கொள்ள வேண்டும்.
எடை இழப்பின் போது உணவில் செய்ய வேண்டிய மாற்றங்கள்
எடை இழப்புக்கான உணவு மாற்றங்கள்
உங்கள் உணவில் இருந்து பதப்படுத்தப்பட்ட உணவுகளை நீக்கவும். மாலையில் அதிக கலோரிகளை உட்கொள்ள வேண்டாம், இரவு உணவை இலகுவாக வைத்திருங்கள்.
2017 இல் அமெரிக்கன் ஜர்னல் ஆஃப் கிளினிக்கல் நியூட்ரிஷனில் மேற்கொண்ட ஆய்வின்படி, எடை இழப்புக்கு 6 வாரங்களுக்கு சுத்திகரிக்கப்பட்ட தானியங்களுக்கு பதிலாக முழு தானியங்களை சாப்பிடுங்கள். இது வளர்சிதை மாற்ற விகிதத்தை அதிகரித்து எடையைக் குறைக்கும்.
உடல் எடையை குறைக்க, புரதம் நிறைந்த உணவுகளை எடுத்துக் கொள்ளுங்கள். இது வளர்சிதை மாற்ற விகிதத்தை அதிகரித்து இரத்த சர்க்கரை அளவை கட்டுக்குள் வைத்திருக்கும். நீங்கள் எடை இழக்க விரும்பினால், உண்ணும் நேரத்தை மாற்றவும். இரவில் தாமதமாக சாப்பிடுவது இரத்த சர்க்கரை அளவைக் கெடுக்கும் மற்றும் அதிக கொழுப்பு எரிக்கப்படாது, எனவே இரவு 7 முதல் 8 மணிக்குள் இரவு உணவை சாப்பிட முயற்சிக்கவும்.
இந்தத் தகவல் உங்களுக்கு பிடித்திருந்தது என நம்புகிறோம். அனைவருக்கும் பகிர்ந்து பிறரும் பலனடையச் செய்யவும். ஆரோக்கியம் தொடர்பான கூடுதல் தகவலுக்கு OnlyMyHealth உடன் இணைந்திருங்கள்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
Current Version