Benefits Of Quitting Smoking On Brain: “புகைபிடித்தல் உடல் ஆரோக்கியத்திற்குத் தீங்கு விளைவிக்கும்” என்பதைப் பலரும் ஒரு எழுத்தாகவே கருதுகின்றனர். ஆனால் இதை பின்பற்றுபவர்கள் 100-ல் ஒருவரே இருப்பர். இதன் விளைவுகள் பற்றித் தெரியாமல் இன்னும் பலரும் புகைபிடிப்பது மீதான நாட்டம் அதிகரிப்பதுடன், அதிகளவு புகைபிடிப்பதை வழக்கமாக்கிக் கொண்டுள்ளனர். உங்களுக்குத் தெரியுமா? புகைபிடித்தல் உடல் நலத்தை மட்டுமல்ல, மன ஆரோக்கியத்தையும் பாதிக்கக் கூடிய காரணியாக அமைகிறது.
நல்ல நினைவாற்றல் கொண்டவராக இருப்பின், புகைபிடிப்பவராக இருந்தால், அது மூளையை எதிர்மறையாக பாதிப்பதாக அமைகிறது. அதாவது புகைபிடிப்பது தீவிர பிரச்சனையாக பெயர்கள் மற்றும் முகங்களை நினைவில் வைத்துக் கொள்வது கடினமாகலாம். இதனால் எளிய வேலைகள் கூட நினைவகங்களிலிருந்து நழுவ விடலாம். இந்த அறிகுறிகள் அனைத்தும் முதுமைக்குக் காரணமாக இருந்தாலும், நீண்டகாலம் புகைபிடிக்கும் பழக்கம் உள்ளவர்கள் இந்த அறிகுறியைச் சந்திக்கின்றனர்.
முக்கிய கட்டுரைகள்
-1751385849349.jpg)
-1745778518611.jpg)
இந்த பதிவும் உதவலாம்: Tulsi Mala Benefits: துளசி மாலை அணிவதில் இவ்வளவு நன்மைகள் அடங்கியிருக்கா?
மூளையில் புகைப்பிடிப்பதால் ஏற்படும் தாக்கம்
பொதுவாக வயதாகும் போது, ஆரோக்கியமான மற்றும் நிறைவான வாழ்க்கையைப் பேணுவதற்கு மனக்கூர்மையைப் பேணுவது முக்கியமாகும். எனினும், புகைபிடிப்பது அறிவாற்றல் நல்வாழ்வுக்கு குறிப்பிடத்தக்க அச்சுறுத்தல்களை ஏற்படுத்துகிறது. அதிலும் குறிப்பாக புகைபிடிக்காதவர்களை விட புகைபிடிப்பவர்களுக்கே அறிவுத்திறன் வேகமாக வீழ்ச்சியடைகிறது. இது மூளையின் செயல்பாட்டை சீர்குலைக்கிறது. ஆய்வு ஒன்றில் வெளியான தகவலின் படி, புகைபிடிப்பது மூளையின் வயதான செயல்முறையை விரைவுபடுத்துகிறது. மேலும், இது முந்தைய மற்றும் கடுமையான அறிவாற்றல் குறைபாட்டிற்கு வழிவகுக்கிறது. 
புகைபிடிப்பதால் உடல் ஆரோக்கியத்தின் விளைவுகள்
புகைபிடிப்பது நுரையீரல் புற்றுநோய் முதல் இதய நோய்கள் வரை பல நோய்களுக்கு பங்களிக்கிறது. எனினும், இதனால் ஏற்படும் அறிவாற்றல் தாக்கம் பலராலும் கவனிக்கப்படுவதில்லை. பொதுவாக புகைபிடித்தலின் போது சிகரெட்டில் உள்ள நிகோடின் மற்றும் இன்னும் பிற தீங்கு விளைவிக்கும் இரசாயனங்கள் மூளைக்குச் செல்லும் இரத்த ஓட்டத்தைக் குறைக்கிறது. இதனால் மூளைக்கு ஆக்ஸிஜன் மற்றும் ஊட்டச்சத்து விநியோகம் குறைக்கப்பட்டு மூளை செல்களை முன்கூட்டியே வயதாகி மூளைத் திறனை இழக்க வைக்கிறது.
இது நினைவாற்றல், கவனம் மற்றும் சிக்கலைத் தீர்க்கும் திறன் போன்ற அறிவாற்றல் திறன்கள் வேகமாகக் குறைகிறது. மேலும் புகைபிடித்தல் காரணமாக, உயர் இரத்த அழுத்தம் மற்றும் நீரிழிவு நோய் போன்ற பல்வேறு நிலைமைகள் மோசமாகலாம். இது அறிவாற்றல் குறைபாட்டிற்கான ஆபத்து காரணிகளாகக் கருதப்படுகிறது. புகைபிடிக்காதவர்களுடன், புகைபிடிப்பவர்களை ஒப்பிடும் போது இந்த உடல்நலப் பிரச்சனைகளின் ஒட்டுமொத்த விளைவு மற்றும் மூளை ஆரோக்கியம் மோசமடைகிறது.
இந்த பதிவும் உதவலாம்: Physical Activity Benefits: தினமும் உடல் செயல்பாடுகளை செய்வது ஏன் முக்கியம் தெரியுமா?
புகைபிடிப்பதை நிறுத்துவதால் மூளைத்திறன் அதிகரிக்குமா?
ஒருவர் புகைபிடிப்பதை நிறுத்தி விட்டால், அவர்களின் மூளைத்திறனில் ஏற்படும் நல்ல மாற்றங்கள் சிலவற்றைக் காணலாம்.
மேம்படுத்தப்பட்ட கவனம்
பொதுவாக கவனத்தை நிலைநிறுத்துவது அறிவாற்றல் ஆரோக்கியத்திற்கு மிகவும் இன்றியமையாததாகும். புகைபிடித்தல் இந்த திறன்களைப் பாதிப்பதுடன், வேலைகளில் கவனம் செலுத்துவதை கடினமாக்குகிறது. எனவே புகைபிடிக்கும் பழக்கத்தை விட்டு விடுவதன் மூலம் கவனத்தை மேம்படுத்தலாம். 
சிறந்த நினைவாற்றலை தக்கவைப்பது
நல்ல அறிவாற்றல் ஆரோக்கியத்தைப் பராமரிப்பது என்பது நினைவாற்றலைத் தக்கவைப்பதைக் குறிக்கிறது. முதியவர்களால் முக்கியமான தகவல்கள் மற்றும் சில மறக்க முடியாத நினைவுகளையும் எளிதாக நினைவுபடுத்த முடியும். ஆனால், புகைபிடிப்பது இது போன்ற நினைவுகளையும் தடுக்கிறது. புகைபிடிப்பதை நிறுத்துவதன் மூலம் மூளை செல்களைப் பாதுகாப்பதுடன், கூர்மையான நினைவகத்தை பராமரிக்க இன்றியமையாததாக அமைகிறது.
எளிதில் சிக்கல்களுக்கான தீர்வு
நல்ல வலுவான அறிவாற்றலைப் பராமரிப்பது என்பது பயனுள்ள சிக்கலைத் தீர்க்கும் திறன்களைக் குறிக்கிறது. ஆனால், புகைபிடிப்பதால் அறிவாற்றல் வீழ்ச்சி ஏற்பட்டு வலுவான அறிவாற்றல் திறன் தடுக்கப்படுகிறது. எனவே புகைபிடிப்பதை நிறுத்துவதன் மூலம் சிக்கலைத் தீர்க்கும் திறன்களைப் பாதுகாக்கவும் மேம்படுத்தவும் முடியும்.
இந்த பதிவும் உதவலாம்: Endorphins Releasing Tips: உடலில் எண்டோர்பின்களை அதிகரிக்க இத மட்டும் ஃபாலோ பண்ணுங்க
முடிவெடுக்கும் திறன்
வலுவான அறிவாற்றல் ஆரோக்கியம் நல்ல முடிவுகளை எடுக்கும் திறனில் பங்களிக்கிறது. ஆனால், புகைபிடிப்பது அறிவாற்றல் வீழ்ச்சியை ஏற்படுத்துகிறது. எனவே தனிநபர்கள் புகைபிடிப்பதைத் தவிர்ப்பது அவர்களின் தகவலறிந்த மற்றும் சிந்தனைமிக்க தேர்வுகளைச் செய்ய உதவுகிறது.
மூளை ஆரோக்கியத்திற்கு
புகைபிடித்தலைத் தவிர்த்து நல்ல அறிவாற்றல் ஆரோக்கியத்தை வைத்திருப்பதன் மூலம் அல்சைமர் மற்றும் பிற டிமென்ஷியா போன்ற நோய்கள் உருவாகும் அபாயத்தைக் குறைக்கலாம். புகைபிடிப்பதை நிறுத்துவது பலவீனமான நிலைமைகளின் வாய்ப்பைக் குறைப்பதற்கான ஒரு முக்கிய படியாக அமைகிறது. 
வயதான செயல்முறையை மெதுவாக்க
புகைபிடிப்பது அறிவாற்றலை முதுமையடையச் செய்கிறது. எனவே புகைபிடித்தலைத் தவிர்ப்பதன் மூலம் அறிவாற்றலின் வயதான செயல்முறையை மெதுவாக்கலாம். இதில் வயதாகும் போது மனதளவில் சுறுசுறுப்பாகவும், அதிக நேரம் ஈடுபாட்டுடனும் இருப்பதற்கு உதவுகிறது. மேலும் இது ஒரு சிறந்த வாழ்க்கைத் தரம் மற்றும் நீடித்த சுதந்திரத்திற்கு வழிவகுக்கிறது.
இவை அனைத்தும் புகைபிடிப்பதைத் தவிர்ப்பதன் மூலம் மூளை ஆரோக்கியத்தை மேம்படுத்த உதவும் நன்மைகளாகும். எனவே நீண்ட நாள் மூளை ஆரோக்கியத்திற்கு புகைப்பிடிப்பதைத் தவிர்ப்பது நல்லது.
இந்த பதிவும் உதவலாம்: Sesame Oil Massage Benefits: உடம்பு வலி காணாமால் போக நல்லெண்ணெய் மசாஜ் செய்யுங்க
Image Source: Freepik