Does your digestive system affect your metabolism: குடல் ஆரோக்கியம் உடலின் ஒட்டுமொத்த ஆரோக்கியத்திற்கும் மிகவும் இன்றியமையாததாகும். ஏனெனில் மோசமான குடல் ஆரோக்கியம் வளர்சிதை மாற்றத்தை கணிசமாக பாதிக்கலாம். மனித உடலில் காணப்படும் குடல் டிரில்லியன் கணக்கான நுண்ணுயிரிகளின் தாயகமாகும். இது கூட்டாக குடல் நுண்ணுயிரி என்று அழைக்கப்படுகிறது. குறிப்பாக, இது உணவை ஜீரணிக்கவும், ஹார்மோன்களை ஒழுங்குபடுத்துவதற்கும், வீக்கத்தை நிர்வகிக்கவும் மற்றும் அத்தியாவசிய ஊட்டச்சத்துக்களை உற்பத்தி செய்வதிலும் முக்கிய பங்கு வகிக்கிறது.
மேலும் மன அழுத்தம், மோசமான உணவுகள் அல்லது நுண்ணுயிர் எதிர்ப்பிகள் காரணமாக குடலில் உள்ள நல்ல மற்றும் கெட்ட பாக்டீரியாக்களின் சமநிலை பெரும்பாலும் சீர்குலைக்கப்படுகிறது. இது மந்தமான வளர்சிதை மாற்றத்திற்கு வழிவகுக்கலாம். இந்த ஏற்றத்தாழ்வின் காரணமாக உடல் உணவில் இருந்து ஆற்றலைப் பிரித்தெடுப்பதுடன், கொழுப்பை சேமிக்கிறது. மேலும் இது இரத்த சர்க்கரையை ஒழுங்குபடுத்துகிறது. மேலும் இறுதியாக எடை அதிகரிப்பு, இன்சுலின் எதிர்ப்பு மற்றும் வளர்சிதை மாற்றக் கோளாறுகளின் அபாயத்தை அதிகரிக்க வாய்ப்புள்ளது. இதில் மோசமான குடல் ஆரோக்கியம் எவ்வாறு வளர்ச்சிதை மாற்றத்தை பாதிக்கிறது என்பது குறித்து காணலாம்.
இந்த பதிவும் உதவலாம்: உங்கள் வயிற்றை சுத்தம் செய்ய.. இந்த பொருட்களை தினமும் காலையில் தண்ணீரில் கலந்து குடிக்கவும்..
குடல் ஆரோக்கியம் வளர்சிதை மாற்றத்தை எவ்வாறு பாதிக்கிறது
மெதுவான செரிமான செயல்பாடு
குடல் மோசமாக செயல்படுவதன் காரணமாக பெரும்பாலும் வீக்கம், மலச்சிக்கல் அல்லது ஒழுங்கற்ற குடல் இயக்கங்களுக்கு வழிவகுக்கலாம். இது செரிமான ஆரோக்கியத்தில் மந்தநிலையைக் குறிக்கிறது. இந்த மெதுவான செரிமானம் உடல் எவ்வளவு விரைவாகவும், திறமையாகவும் ஊட்டச்சத்துக்களை செயலாக்குகிறது என்பதையும், கலோரிகளை எரிப்பதையும் பாதிக்கிறது. இது வளர்சிதை மாற்ற மந்தநிலைக்கு பங்களிக்கக்கூடும்.
ஊட்டச்சத்து உறிஞ்சுதல் குறைபாடு
குடல் புறணி மற்றும் சமநிலையற்ற குடல் தாவரங்கள் வைட்டமின்கள் பி, மெக்னீசியம் மற்றும் இரும்பு போன்ற அத்தியாவசிய ஊட்டச்சத்துக்களை முறையாக உறிஞ்சுவதில் தலையிடக் கூடும். இந்த ஊட்டச்சத்துக்கள் வளர்சிதை மாற்ற செயல்முறை மற்றும் ஆற்றல் உற்பத்திக்கு இன்றியமையாதவையாகும். உறிஞ்சுதல் தடைபடும் போது, உடல் உணவைப் பயன்படுத்தக்கூடிய ஆற்றலாக மாற்ற போராடுகிறது. இது வளர்சிதை மாற்ற விகிதத்தைக் குறைக்கிறது.
அதிகரித்த வீக்கம்
தீங்கு விளைவிக்கும் பாக்டீரியாக்களின் அதிகப்படியான வளர்ச்சி காரணமாக குடல் ஆரோக்கியம் பாதிக்கப்படுவதுடன், பெரும்பாலும் நாள்பட்ட குறைந்த தர வீக்கத்திற்கு வழிவகுக்கிறது. இந்த வீக்கத்தினால், இன்சுலின் சிக்னலிங் மற்றும் ஆற்றல் ஒழுங்குமுறையில் தலையிடுவதன் மூலம் வளர்சிதை மாற்ற செயல்பாடுகளை சீர்குலைக்கிறது. கலோரிகளை திறம்பட எரிப்பதிலும், உடல் ஆரோக்கியமான எடையை பராமரிப்பதையும் மிகவும் கடினமாக்குகிறது.
ஹார்மோன் சமநிலையின்மை
திருப்தி, பசி மற்றும் மன அழுத்தத்தைக் கட்டுப்படுத்தக்கூடிய கிரெலின், லெப்டின் மற்றும் கார்டிசோல் போன்ற ஹார்மோன்களின் உற்பத்தியை குடல் பாதிக்கிறது. குடல் ஆரோக்கியமற்றதாக இருக்கும் போது, இந்த ஹார்மோன்கள் சமநிலையற்றதாகி பசியின்மை, உணவுக்கான ஏக்கம் மற்றும் அதிகமாக சாப்பிடுவதற்கு வழிவகுக்குகிறது. இவை அனைத்தும் மெதுவான வளர்சிதை மாற்றத்திற்கு பங்களிக்கக்கூடியதாகும்.
இந்த பதிவும் உதவலாம்: உஷார்! இந்த அறிகுறி எல்லாம் உங்க குடல் ஆரோக்கியத்தை மோசமாக பாதிக்கலாம்
இரத்த சர்க்கரை ஒழுங்குமுறை சீர்குலைவு
மோசமான குடல் ஆரோக்கியத்தினால் இன்சுலின் உணர்திறனைக் குறைத்து, நிலையற்ற இரத்த சர்க்கரை அளவை ஏற்படுத்தலாம். உடல் குளுக்கோஸை சரியாகக் கட்டுப்படுத்த போராடும்போது, அது கொழுப்புச் சேமிப்பை அதிகரிக்கலாம். இது வளர்சிதை மாற்ற நோய்க்குறிக்கு பங்களிக்கிறது. இது உயர் இரத்த அழுத்தம், உயர் இரத்த சர்க்கரை மற்றும் அசாதாரண கொழுப்பின் அளவை உள்ளடக்கிய நிலைமைகளுக்கு வழிவகுக்கிறது.
தூக்கக் கோளாறு மற்றும் சோர்வு
குடல் சமநிலையின்மையால் மெலடோனின் மற்றும் செரோடோனின் உற்பத்தி பாதிக்கப்படலாம். இவை இரண்டுமே தூக்கம் மற்றும் மனநிலைக்கு முக்கியமான ஹார்மோன்களாகும். மோசமான தூக்கம் ஆனது வளர்சிதை மாற்ற ஹார்மோன்கள் மற்றும் ஆற்றல் அளவை பாதிக்கிறது. இதன் காரணமாக சோர்வு, உடல் செயல்பாடு குறைதல் மற்றும் வளர்சிதை மாற்றத்தை மேலும் மெதுவாக்குகிறது.
இந்த பதிவும் உதவலாம்: குடல் நல்லா ஹெல்த்தியா இருக்கணுமா? தினமும் இந்த ஒரு ஜூஸ் குடிங்க.. மருத்துவர் சொன்னது
Image Source: Freepik