Jackfruit Leaves Tea: பல பிரச்சனைகளுக்குத் தீர்வு தரும் பலா இலை டீ! எப்படி தயார் செய்வது?

$

How To Make Jackfruit Leaves Tea And Its Benefits: காலை எழுந்தவுடனேயே டீ, காபி, பால் குடிக்கும் பழக்கம் நிறைய பேருக்கு உள்ளது. அதிலும் மற்ற இரண்டுடன் ஒப்பிடுகையில் டீ பிரியர்கலே அதிகம் உள்ளனர். இன்று பெரும்பாலான வீடுகளில் பால், இலைகள் மற்றும் சர்க்கரையுடன் கூடிய தேநீர் வகைகளே தயார் செய்யப்படுகிறது. இன்னும் சிலர் ஆரோக்கியமான உணவுகளைப் பெற தங்களது நாளை பிளாக் டீ மற்றும் கிரீன் டீ போன்ற மூலிகை டீகளுடன் நாளைத் தொடங்குகின்றனர்.

இதில் எப்போதாவது பலா இலை டீ குடித்திருக்கிறீர்களா? பலாப்பழத்தைச் சாப்பிடும் போது பழத்தை மட்டும் சாப்பிட்டு, இலைகள் மற்றும் தோல்களை நீக்கி விடுகிறோம். ஆனால், பலா இலைகளும் நன்மை பயக்கும் என்பது உங்களுக்குத் தெரியுமா? பலாப்பழ இலை தேநீரில் பல்வேறு வகையான மருத்துவக் குணங்கள் நிறைந்துள்ளது. பலாப்பழ இலை டீ உட்கொள்வது பல்வேறு நோய்களிலிருந்து நம்மைப் பாதுகாக்க உதவுகிறது. இதில் பலா இலை டீ செய்முறை மற்றும் அதன் நன்மைகள் குறித்துக் காணலாம்.

இந்த பதிவும் உதவலாம்: Cranberry Benefits: UTI பிரச்னை முதல்… புற்றுநோய் வரை… குருதிநெல்லி நன்மைகள் இங்கே…

பலாப்பழ இலை டீ குடிப்பதால் ஏற்படும் நன்மைகள்

பலாப்பழ இலைகளில் வைட்டமின் பி, மக்னீசியம், தாமிரம், பொட்டாசியம், ரிபோஃப்ளேவின் மற்றும் தயாமின் போன்ற பல ஊட்டச்சத்துக்கள் நிறைந்துள்ளன. இந்த ஊட்டச்சத்துக்கள் பல்வேறு நோய்களைத் தடுக்கவும், குணப்படுத்தவும் உதவுகிறது.

உடல் எடை குறைய

பலா இலை தேநீர் ஆனது மிகக் குறைந்தளவிலான கலோரிகளின் அளவைக் கொண்டுள்ளது. இந்த டீயைத் தொடர்ந்து சாப்பிடுவது உடல் எடையைக் குறைக்க உதவுகிறது. இந்த தேநீர் உட்கொள்ளல் வளர்சிதை மாற்றத்தை மேம்படுத்தவும் உதவுகிறது. எனவே உடல் எடையைக் குறைக்க விரும்புபவர்கள் தினந்தோறும் காலையில் வெறும் வயிற்றில் பலா இலை டீயைக் குடித்து வரலாம். இதன் மூலம் விரைவான பலனைப் பெறலாம்.

செரிமானத்தை மேம்படுத்த

வானிலை மாறும் போது அல்லது மழைக்காலத்தில் வயிற்று வலி, மலச்சிக்கல், வாந்தி, வயிற்றுப்போக்கு மற்றும் குமட்டல் போன்ற பல்வேறு பிரச்சனைகளை பலரும் எதிர்கொள்கின்றனர். இதற்கு பலா இலை டீ மிகவும் நன்மை பயக்கும். இந்த டீயில் அதிகளவு நார்ச்சத்துக்கள் நிறைந்துள்ளது. இந்த ஊட்டச்சத்துக்கள் மலச்சிக்கல் உட்பட அனைத்து செரிமான பிரச்சனைகளையும் குணப்படுத்துகிறது. மேலும் இது மலத்தை மென்மையாக்குவதுடன், செரிமான செயல்முறை சிறப்பாக இருக்க உதவுகிறது.

இரத்த சர்க்கரை அளவைக் குறைக்க

நீரிழிவு நோயாளிகளுக்கு பலா இலை தேநீர் மிகவும் பயனுள்ளதாகக் கருதப்படுகிறது. சர்க்கரை நோயாளிகள் இந்த டீயை உட்கொள்வதன் மூலம் இன்சுலின் அளவு அதிகரித்து இரத்தத்தில் சர்க்கரை அளவு குறைக்கப்படுகிறது. பலா இலை டீயை உட்கொள்வது குடலில் இன்சுலின் உற்பத்தியை துரிதப்படுத்தி, நீரிழிவு நோயாளிகளுக்குப் பல வழிகளில் நன்மை பயக்கிறது.

இந்த பதிவும் உதவலாம்: Green Peas Properties: புற்றுநோயை உண்டாக்கும் பச்சைப் பட்டாணி சாயம்! எப்படி கண்டறிவது?

சருமத்தை பளபளப்பாக்குவதற்கு

பலாப்பழ இலைகளில் ஆன்டி ஆக்ஸிடன்ட்டுகள் போன்ற பல்வேறு ஊட்டச்சத்துக்கள் காணப்படுகிறது. இது சருமத்தை பளபளப்பாக மாற்றுவதற்கு உதவுகிறது. இந்த தேநீரில் முதுமை எதிர்ப்புப் பண்புகள் நிறைந்துள்ளது. இவை வயதுக்கு ஏற்ப ஏற்படும் கறைகள், சுருக்கங்கள் மற்றும் கரும்புள்ளிகளைக் குறைக்கிறது. தோல் தொடர்பான பிரச்சனைகளில் இருந்து நிவாரணம் பெறுவதற்கு, பலா இலை தேநீர் அருந்துவதைத் தவிர, அதை ஃபேஸ் பேக் அல்லது டோனராகவும் பயன்படுத்தலாம்.

பலா இலை தேநீர் தயாரிக்கும் முறை

• பலாப்பழத்தின் இலைகளிலிருந்து தேநீர் தயாரிப்பதற்கு புதிய மற்றும் உலர்ந்த இலைகளை எடுத்துக் கொள்ளலாம்.
• இந்த இலைகளை சுத்தம் செய்ய வேண்டும்.
• பின் பாத்திரம் ஒன்றில் 2 கப் தண்ணீரை ஊற்றி சூடாக்க வேண்டும்.
• இந்த தண்ணீர் சூடானதும், அதில் பலாப்பழ இலைகளைச் சேர்த்து கொதிக்க வைக்க வேண்டும்.
• பலாப்பழ தண்ணீரை 2 முதல் 3 நிமிடங்கள் கொதிக்க வைத்து பிறகு, ஒரு கோப்பையில் வடிகட்ட வேண்டும்.
• இப்போது சூப்பரான பலா இலை தேநீர் தயார் செய்யப்படுகிறது.
• இதன் சுவையைத் தயார் செய்வதற்கு எலுமிச்சைச் சாறு மற்றும் தேன் சேர்க்கலாம்.

இவ்வாறு பலா இலை தேநீர் உட்கொள்வது உடல் ஆரோக்கியத்திற்குப் பல்வேறு வகையான நன்மைகளைத் தருகிறது.

இந்த பதிவும் உதவலாம்: Amla Buttermilk Recipe: ஆம்லா மோர் மசாலா ரெசிபி! பல பிரச்சனைகளுக்கு இந்த ஒரு ரெசிபி போதும்!

Image Source: Freepik