Garlic Leaves Benefits: பூண்டு இலைகளை உணவில் சேர்த்தால்… இந்த உடல் நல பிரச்சனைகளுக்கு தீர்வு கிடைக்குமாம்!

Garlic Leaves Benefits: குளிர் காலம் வந்துவிட்டாலே, கடைகளில் ஏராளமான கீரை வகைகள் மற்றும் பச்சை காய்கறிகள் கிடைப்பதுண்டு. அதேபோல் குளிர் கால தொற்றிலிருந்து உடலை பாதுகாத்துக்கொள்ள பூண்டை உணவில் சேர்த்துக்கொள்ள வேண்டும் என ஆயுர்வேதம் பரிந்துரைக்கிறது.

ஏனெனில் பூண்டில் ஏராளமான மருத்துவ குணங்கள் உள்ளன. இதிலுள்ள ஆன்டி வைரல், ஆன்டி பாக்டீரியல் மற்றும் பூஞ்சை எதிர்ப்பு பண்புகள் சாதாரண சளியில் இருந்து கொலஸ்ட்ரால் வரை நிவாரணம் தருகிறது. ஆனால் பூண்டை போலவே அதன் கீரையும் மிகவும் நன்மை தரக்கூடியது என்பது உங்களுக்குத் தெரியுமா?..

இதையும் படிங்க: Dust Allergy Remedies: டஸ்ட் அலர்ஜியை எதிர்த்து போராட உதவும் எளிய வீட்டு குறிப்புகள்!

ஆம், பூண்டில் உள்ள அதே ஆன்டிஆக்ஸிடன்ட், பாக்டீரியா எதிர்ப்பு மற்றும் வைரஸ் எதிர்ப்பு பண்புகளுடன், பூண்டு இலைகளில் வைட்டமின் பி, வைட்டமின் சி, மெக்னீசியம் மற்றும் பாஸ்பரஸ் போன்ற ஊட்டச்சத்துக்களும் உள்ளன. குளிர்காலத்தில் பூண்டு இலைகளை சாப்பிடுவது உங்களுக்கு மிகவும் நன்மை பயக்கும். இது வழங்கும் ஆரோக்கிய நன்மைகளைப் பற்றி மேலும் தெரிந்து கொள்ளுங்கள்.

நோய் எதிர்ப்பு சக்தியை அதிகரிக்கும்:

வைட்டமின் சி, ஆன்டிஆக்ஸிடன்ட்கள் மற்றும் பாக்டீரியா எதிர்ப்பு பண்புகள் பூண்டு இலைகளில் ஏராளமாக உள்ளன. இது நோயெதிர்ப்பு மண்டலத்தை வலுப்படுத்த உதவுகிறது. மேலும் இந்த இலைகளை சாப்பிடுவதன் மூலம் குளிர்கால நோய்களில் இருந்து பாதுகாக்கப்பு பெறலாம்.

செரிமானத்தை மேம்படுத்துகிறது:

பூண்டு இலைகளை சாப்பிடுவது செரிமானத்தை மேம்படுத்துவதாகவும் ஆய்வுகள் தெரிவிக்கின்றன. மலச்சிக்கல் மற்றும் வாயு தொடர்பான பிரச்சனைகள் இந்த இலைகளை உட்கொள்வதன் மூலம் நிவாரணம் பெறலாம்.

இதையும் படிங்க: Winter Tips: எச்சரிக்கை… இப்படி ஆவி பிடித்தால் சளி, ஜலதோஷம் குணமாகவே ஆகாது!

இரத்த அழுத்தத்தைக் கட்டுப்படுத்துகிறது:

பூண்டு இலைகளில் மெக்னீசியம் மற்றும் பாஸ்பரஸ் நிறைந்துள்ளது. இவை இதயத்திற்கு மிகவும் நன்மை பயக்கும். இரத்த அழுத்தம் மற்றும் கொலஸ்ட்ரால் அளவைக் கட்டுப்படுத்துகிறது.

எடை குறையும்:

பூண்டு இலைகளை சாப்பிடுவது உடல் எடையை குறைக்க உதவும். இந்த இலைகளில் அதிக கலோரி மற்றும் நார்ச்சத்து உள்ளது. பூண்டு இலைகளை உண்பதால், நீண்ட நேரம் நிறைவாக உணர்வதோடு, உங்கள் பசியைக் கட்டுப்படுத்தவும் முடியும்.

மூட்டுகளுக்கு நல்லது:

பூண்டு இலைகளில் வைட்டமின் சி, ஆக்ஸிஜனேற்றிகள் மற்றும் அத்தியாவசிய தாதுக்கள் நிறைந்துள்ளன. இவற்றை உட்கொள்வதால் உடலில் இரத்த ஓட்டம் சீராகி, முழங்கால் வலி நீங்கும்.

Image Source: Freepik