$
பெண்களுக்கு மார்பக வலி பொதுவானது. இது குறித்து மெட்ரோபோலிஸில் உள்ள மகப்பேறு மருத்துவத்திற்கான எம்.டி மற்றும் மூத்த மருத்துவ ஆலோசனைக் குழு உறுப்பினர், மருத்துவர் துரு ஷா கூறுகையில், 1700 பெண்களிடம் எடுக்கப்பட்ட ஆன்லைன் ஆய்வில் கிட்டத்தட்ட 51.5% சதவீதம் பேர் தங்கள் வாழ்க்கையின் சில கட்டத்தில் மார்பக வலியை அனுபவிக்கிறார்கள் என்றார். மேலும் 1171 ஆரோக்கியமான மாதவிடாய் நின்ற பெண்களிடம் எடுக்கப்பட்ட ஆய்வில், 11% பங்கேற்பாளர்கள் மிதமான முதல் கடுமையான வலியை அனுபவித்ததாகக் மருத்துவர் கூறினார். பொதுவாக 50 சதவீத பெண்கள் பாலியல் செயல்பாடு மற்றும் உடல் செயல்பாடுகளில் ஈடுபடும் போது வலியை அனுபவிப்பதாக மருத்துவர் கூறினார்.
மார்பக வலிக்கான பல்வேறு காரணங்கள் மற்றும் புற்றுநோய்கான மார்பக வலியிலிருந்து, தீங்கற்ற மார்பக வலி எவ்வாறு வேறுபடுகிறது என்பதைப் பற்றி மருத்துவர் ஷா எங்களிடம் பகிர்ந்துள்ளார். இது குறித்து காண்போம் வாருங்கள்.
தீங்கற்ற மற்றும் வீரியம் மிக்க மார்பக வலிக்கு இடையே உள்ள வித்தியாசம்:
தீங்கற்ற மார்பக நிலைகளில் தீங்கற்ற மார்பக வலி, மார்பக கட்டிகள், நோய்த்தொற்றுகள் மற்றும் தோல் மாற்றங்கள் போன்ற பல நிலைகள் அடங்கும் என்று மருத்துவர் கூறினார். மார்பக வலி மூன்று வகைகளாக இருக்கலாம்:
சுழற்சி: இந்த வகை மார்பக வலி மாதவிடாய் சுழற்சியில் ஏற்படும் ஹார்மோன் ஏற்ற இறக்கங்களால் ஏற்படுகிறது. இது பொதுவாக இரண்டு மார்பகங்களிலும் நடைபெறுகிறது மற்றும் மாதவிடாய்க்கு சுமார் 8-10 நாட்களுக்கு முன்பு நிகழ்கிறது.
சுழற்சி அல்லாதது: சுழற்சி அல்லாத மார்பக வலி பொதுவாக ஒரு மார்பகத்தில் ஏற்படுகிறது. இந்த வலிக்கான சாத்தியமான காரணங்கள் புகைபிடித்தல், அதிக கொழுப்புள்ள உணவு அல்லது ஹார்மோன் மாற்று சிகிச்சை அல்லது பெரிய அளவிலான மார்பகங்களைக் கொண்ட பெண்களில் இருக்கலாம். முலையழற்சி மற்றொரு வலி நிலை, பொதுவாக பாலூட்டும் பெண்களில் காணப்படுகிறது.
இதையும் படிங்க: Breast Growth Tips: உங்க மார்பு சின்னதா இருக்கா? பெரிதாக்க இத ட்ரை பண்ணுங்க..
எக்ஸ்ட்ராமாமரி: சில பெண்கள் தங்கள் மார்பகங்களில் வலியை உணர்கிறார்கள் என்றால், அவை நரம்பு கோளாறுகள் காரணமாக இருக்கலாம். உதாரணமாக, ஒரு பெண்ணின் கழுத்துக்குப் பின்னால் உள்ள முதுகுத்தண்டில் பிரச்சனை இருந்தால், அது மார்பகத்தின் வெளிப்புறப் பகுதி, தோள்பட்டை மற்றும் மேல் முதுகில், மார்பகத்தின் அதே பக்கத்தில் வலியை ஏற்படுத்தும்.
மார்பக வலியுடன் மட்டுமே இருக்கும் ஒரு நோயாளிக்கு மார்பக புற்றுநோய் இருப்பது மிகக் குறைவு. புற்றுநோய் இருந்தால், மார்பக வலி பொதுவாக மார்பகத்தில் ஒரு கட்டியுடன் தோன்றும். மேலும் மார்பக தோலின் மேற்பரப்பில் தோலின் நிறம் மாற்றத்துடன் காணப்படும். மேலும் இரத்தக் கறை படிந்த முலைக்காம்பு அல்லது பின்வாங்கப்பட்ட முலைக்காம்பு போன்றவை ஏற்படும் என்று மருத்துவர் கூறினார். எந்தவொரு அறிகுறிகளையும் நீங்கள் கவனித்தவுடன் ஒரு மருத்துவரை சந்திக்கவும் அவர் அறிவுருத்தினார்.
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
