இப்போதெல்லாம் காலையில் வாக்கிங் அல்லது உடற்பயிற்சிக்கு கிளம்பும்போதே ஒரு கிளாஸ் ஜூஸ் குடிக்கும் பழக்கத்தை பலரும் வைத்துள்ளனர். ஆனால் காலையில் வெறும் வயிற்றில் பழச்சாறு குடிப்பது உடலுக்கு தீங்கு விளைவிக்கும். இதனால் என்ன ஆபத்து என அறிந்துகொள்ளுங்கள்.
பழங்களில் பல ஊட்டச்சத்துக்கள் உள்ளன. வெவ்வேறு பருவகால பழங்களை சாப்பிடுவதன் மூலம், நம் உடலுக்கு ஊட்டச்சத்துக்கள் கிடைக்கும். பல நோய்களில் இருந்து நம்மை விடுவிக்கிறது. அதேசமயம், பழத்தை ஜூஸாக குடிப்பதால் அதிலுள்ள அத்தனை நன்மைகளும் முழுமையாக கிடைக்கும் என நீங்கள் நினைத்தால் அது தவறானது. பமாறாக, பழச்சாறு குடிப்பதை விட பழங்களை சாப்பிடுவது நல்லது.
ஆனால் இன்றைய வேகமான காலகட்டத்தில் பழங்களை உரித்து சாப்பிடுவதை யாரும் விரும்புவதில்லை. அதனால் பலர் பழச்சாறு குடிக்க விரும்புகிறார்கள். பெரும்பாலும் காலை உணவின் போது பழச்சாறு அருந்துகிறோம் ஆனால் காலையில் பசிக்கும் போது பழச்சாறு குடிப்பதால் பல தீமைகள் ஏற்படும்.
இரவில் நாம் தூங்கும் போது, நமது உடல் பராமரிப்பை செய்கிறது. அப்போது நம் வயிற்றில் பல வகையான ரசாயனங்கள் வெளியாகும். செரிமானத்திற்காக அமிலம் வெளியிடப்படுகிறது. செரிமான செயல்பாட்டின் போது, அமிலம் ஒரு துணை உற்பத்தியாக குவிகிறது. இது அவசியம். ஆனால் காலையில் ஜூஸ் குடித்தால், வயிற்றில் அமிலத்தின் அளவு அதிகரிக்கும், எனவே தற்செயலாக எந்தப் பழத்தையும் சாப்பிடாதீர்கள், காலையில் எழுந்தவுடன் ஜூஸ் கூட அருந்தாதீர்கள்.
சிறுநீரக கற்கள் உருவாகும்:
சிலர் காலையில் எழுந்ததும் வெறும் வயிற்றில் பழங்கள் மற்றும் சில காய்கறிகளை அரைத்து ஜூஸாக குடிப்பார்கள். இதனால் சிறுநீரக கற்கள் ஏற்படக்கூடும் என ஊட்டச்சத்து நிபுணர்கள் எச்சரிக்கின்றனர். 
கீரை அல்லது ப்ரோக்கோலி போன்ற பச்சை காய்கறிகளில் ஆக்ஸாலிக் அமிலமும், பழங்களில் சிட்ரிக் அமிலமும் உள்ளது. சிட்ரிக் அமிலம் வயிற்றில் நுழையும் போது ஆக்ஸாலிக் அமிலத்தை விரைவாக உறிஞ்சுகிறது.
இதன் விளைவாக, அது சிறுநீரகக் கல் அல்லது பித்தப்பைக் கல்லாக மாறுகிறது. எனவே காலையில் பழச்சாறுடன் காய்கறி சாறு கலந்து குடிக்க வேண்டாம், அது ஆரோக்கியத்திற்கு தீங்கு விளைவிக்கும்.
இவங்க கட்டாயம் குடிக்கக்கூடாது:
நீரிழிவு நோயாளிகள் மற்றும் வாயுத் தொல்லையால் பாதிக்கப்பட்டவர்கள் காலையில் ஜூஸ் குடிக்கக்கூடாது. ஜூஸ் சீக்கிரமே செரிமானமாகி, ரத்தச் சர்க்கரை அளவை அதிகரிக்கும் என்பதால் சர்க்கரை நோயாளிகள் பழச்சாறுகளை தவிர்க்க வேண்டுமென மருத்துவர்கள் எச்சரிக்கின்றனர். 
பழங்களில் இயற்கையான சர்க்கரை உள்ளது. எனவே நீங்கள் பழத்தின் சாற்றைப் பிரித்தெடுக்கும்போது, அதிலிருந்து நார்ச்சத்து பிரிந்து, முழு சர்க்கரையும் சாற்றில் இருக்கும். அத்தகைய சாற்றை உட்கொள்வது நீரிழிவு நோயாளிகளுக்கு மட்டுமல்ல, ஆரோக்கியமான மக்களுக்கும் தீங்கு விளைவிக்கும்.
அதேபோல் வாயுப் பிரச்சனை உள்ளவர்கள் ஜூஸைக் குடித்தால், அமிலம் அதிகரித்து பிரச்சனை அதிகரிக்கும். இதனால், நாள் முழுவதும் வயிறு வீங்கியிருக்கும். காலையில் வெறும் வயிற்றில் ஜூஸை குடித்து வந்தால், சாதாரண மக்களும் இந்த பிரச்சனையால் பாதிக்கப்படுவார்கள்.
எப்போது ஜூஸ் குடிக்க வேண்டும்?
மதிய உணவு மற்றும் இரவு உணவுக்கு சில மணி நேரங்களுக்கு முன் ஜூஸ் குடிக்க சரியான நேரம். அதாவது காலை உணவுக்கு அரை மணி நேரம் கழித்து ஜூஸ் குடிக்கலாம். ஏனெனில் அப்போது உடலில் அமிலத்தின் அளவு அவ்வளவாக இருக்காது.
Image Source: Freepik