Is pineapple an effective remedy for period pain: பொதுவாக, மாதந்தோறும் பெண்கள் சந்திக்கும் மாதவிடாயின் போது பல்வேறு பிரச்சனைகளைச் சந்திக்கின்றனர். இதில் மாதவிடாய் சுழற்சியின் உறுதியற்ற தன்மை காரணமாக உடல் மற்றும் மன சோர்வுகள் ஏற்படலாம். இதன் காரணமாக மனநிலை மாற்றங்கள், தசைப்பிடிப்பு மற்றும் ஒட்டுமொத்த அசௌகரியம் போன்றவை ஏற்படுகிறது. எனினும், மாதவிடாய் சமயத்தில் ஏற்படும் ஒழுங்கற்ற மாதவிடாய் பிரச்சனையைத் தவிர்க்க நமக்கு இயற்கையாகக் கிடைக்கும் சில உணவுகளை எடுத்துக் கொள்ளலாம்.
அவ்வாறு சில பழ வகைகளும் மாதவிடாய் பிரச்சனைக்கு தீர்வாக அமைகிறது. அதன் படி, மாதவிடாய் சமயத்தில் ஏற்படும் தசைப்பிடிப்பு, வலி போன்றவற்றைக் குறைக்க அன்னாச்சிப்பழம் உதவுகிறது. இது சுவையுடன் கூடிய ஆரோக்கிய நன்மைகளையும் தருகிறது. இதில் உள்ள ப்ரோமெலைன் உடலில் ஏற்படும் வீக்கத்தைக் குறைக்கிறது. மேலும் இது மாதவிடாய் பிடிப்புகளுடன் தொடர்புடைய வலிமிகுந்த சுருக்கங்களைத் தணிக்கிறது. இதில் மாதவிடாய் வலி உள்ளவர்களுக்கு அன்னாசிப்பழம் தரும் நன்மைகள் குறித்து காணலாம்.
இந்த பதிவும் உதவலாம்: Aloe vera for periods: கடுமையான மாதவிடாய் வலியிலிருந்து விடுபட கற்றாழை உதவுமா?
மாதவிடாயின் போது அன்னாசிபழம் சாப்பிடுவதன் நன்மைகள்
அழற்சி எதிர்ப்பு பண்புகள் நிறைந்த
அன்னாசிப்பழம் ஆன்டிஆக்ஸிடன்ட்கள் நிறைந்த பழமாகும். மேலும் இதில் வைட்டமின் சி, மாங்கனீசு போன்றவை நிறைந்துள்ளது. ஆய்வு ஒன்றில், இதன் சக்திவாய்ந்த கலவைகள் உடலில் ஏற்படும் வீக்கத்தை எதிர்த்துப் போராட உதவுகிறது. மாதவிடாய் காலத்தில் வீக்கம் ஆனது கருப்பை தசைகள் மற்றும் திசுக்களில் வீக்கம் மற்றும் அசௌகரியத்தை ஏற்படுத்தலாம். அன்னாச்சிப்பழத்தை உட்கொள்வது வீக்கத்தைக் திறம்படக் குறைக்க உதவுகிறது. அன்னாசிப்பழத்தின் அழற்சி எதிர்ப்புப் பண்புகள் எரிச்சலூட்டும் திசுக்களை ஆற்ற உதவுகிறது. இது மிகவும் வசதியான மாதவிடாய் அனுபவத்தைத் தருகிறது.
வயிற்று உப்புசம், நீர்ப்பிடிப்பை விடுவிக்க
மாதவிடாய் வலி மட்டுமின்றி மாதவிடாயின் போது வீக்கம் மற்றும் நீர் தேக்கம் போன்றவை ஏற்படலாம். இது ஆறுதல் மற்றும் ஒட்டுமொத்த நல்வாழ்வை கணிசமாக பாதிக்கிறது. இந்நிலையில் அன்னாசிப்பழம் மாதவிடாய் வலிக்கு ஒரு சிறந்த தீர்வாகவும், வீக்கம் மற்றும் நீர் தேக்கத்தை நீக்கவும் உதவும் சிறந்த தேர்வாக அமைகிறது. அன்னாசிப்பழத்தில் உள்ள அழற்சி எதிர்ப்பு பண்புகள் வீக்கத்தைக் குறைப்பதில் முக்கிய பங்கு வகிக்கிறது. கூடுதலாக, இந்த பழம் இயற்கையான டையூரிடிக் பண்புகளைக் கொண்டுள்ளது. இவை உடலில் அதிகப்படியான திரவங்களை அகற்ற உதவுவதாகக் கூறப்படுகிறது. அதன் படி, அன்னாச்சிப்பழத்தை எடுத்துக் கொள்வதன் மூலம் மாதவிடாய் காலத்தில் வீக்கம் மற்றும் நீர் தேக்கத்தை திறம்பட தணிக்கலாம்.
ப்ரோமெலைன் நிறைந்த
அன்னாசிப்பழத்தில் ப்ரோமெலைன் என்ற நொதி காணப்படுகிறது. இது அழற்சி எதிர்ப்பு பண்புகளைக் கொண்டதாகும். ஆய்வு ஒன்றில், ப்ரோமெலைன் நொதியானது புரதங்களை உடைத்து உடலில் வீக்கத்தைக் குறைக்க உதவுகிறது. மாதவிடாயின் போது புரோஸ்டாக்லாண்டின்கள் என்ற கருப்பைச் சுருக்கத்தை ஏற்படுத்தும் கலவைகளின் அதிகரித்த அளவு தசைப்பிடிப்பு மற்றும் அசௌகரியத்திற்கு வழிவகுக்கலாம். அன்னாசிப்பழத்தில் உள்ள ப்ரோமெலைன் இந்த புரோஸ்டாக்லாண்டின்களைக் குறைக்கிறது. இதன் மூலம் பிடிப்புகள் மற்றும் மாதவிடாய் வலியைக் குறைக்க உதவுகிறது.
இந்த பதிவும் உதவலாம்: Papaya During Periods: பப்பாளி சாப்பிட்டால் பீரியட்ஸ் சீக்கிரம் வருமா? உண்மை இங்கே!
அன்னாசிப்பழத்தை சாப்பிடும் முறை
அன்னாசிப்பழத்தை உட்கொள்வது மாதவிடாய் வலிக்கு ஒரு எளிய மற்றும் சிறந்த தீர்வாகும். உணவில் அன்னாசிப்பழத்தை எடுத்துக் கொள்வதற்கான வழிகளைக் காணலாம்.
அன்னாசிப்பழத் துண்டுகள்
அன்னாசிப்பழத்தை சாப்பிடுவதற்கான சிறந்த மற்றும் எளிய வழிகளில் ஒன்று அதை புதிதாக சாப்பிடுவதாகும். புதிய அன்னாசிப்பழத்தை துண்டுகளாக நறுக்கி, மாதவிடாய் காலத்தில் உட்கொள்ளலாம். இது வைட்டமின்கள், ப்ரோமைலைன் மற்றும் ஆன்டிஆக்ஸிடன்ட்கள் நிறைந்த இயற்கையான ஆதாரமாக அமைகிறது. மேலும் இது பிடிப்புகள் மற்றும் வீக்கத்தைக் குறைக்கிறது.
அன்னாசி பழச்சாறு
புதிய அன்னாசி பழச்சாற்றை அருந்துவது மாதவிடாய் வலிக்கு எளிய மற்றும் இயற்கையான தீர்வாக அமைகிறது. குறிப்பாக சர்க்கரைகள் சேர்க்கப்படுவதைத் தவிர்க்க, புதிதாக தயார் செய்த அன்னாசி பழச்சாற்றைத் தேர்ந்தெடுப்பதை உறுதி செய்யலாம். இதில் வைட்டமின் சி நிறைந்த எலுமிச்சைச் சாற்றை சேர்க்கலாம். இது உடலின் ஒட்டுமொத்த நோயெதிர்ப்புச் சக்தியைத் தருகிறது.
அன்னாசி ஸ்மூத்தி
அன்னாசிப்பழத்தை புத்துணர்ச்சியூட்டும் மற்றும் சத்தான வழியாகச் சேர்க்கலாம். இதை ஸ்மூத்தியில் சேர்க்கலாம். அன்னாசிப்பழத்தை பெர்ரி, வாழைப்பழம் அல்லது மாம்பழம் போன்ற பிற ஊட்டச்சத்துக்கள் நிறைந்த பழங்களுடன் சேர்த்து எடுத்துக் கொள்ளலாம். இது மாதவிடாய் வலியைக் குறைக்க உதவுவது மட்டுமல்லாமல், உடல் ஆற்றலையும் அதிகரிக்கும் பழமாகும்.
அன்னாசி டீ
மாதவிடாய் காலத்தில் அன்னாசி டீ அருந்துவது ஒரு இனிமையான மற்றும் சூடான பானமாக அமைகிறது. இது நீரேற்றத்தைத் தருவதுடன் பிடிப்புகள் மற்றும் அசௌகரியத்தை எளிதாக்க உதவுகிறது. இதற்கு 1 முதல் 2 கப் அளவிலான தண்ணீரை எடுத்து, ஒரு கைப்பிடி புதிய அன்னாசி துண்டுகளைச் சேர்க்க வேண்டும். இதை சுமார் 10-15 நிமிடங்கள் கொதிக்க வைக்கும் போது அதன் ஊட்டச்சத்துக்களைப் பிரித்தெடுக்கிறது. இதை வடிகட்டி அருந்தலாம். கூடுதல் சுவைக்காக இதில் தேன் அல்லது இலவங்கப்பட்டை சேர்க்கலாம்.
இந்த பதிவும் உதவலாம்: Drinks for irregular periods: ஒழுங்கற்ற மாதவிடாய் பிரச்சனையால் அவதியா? சீக்கிரம் சரியாக இந்த ட்ரிங்ஸ் குடிங்க
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
