வின்டரில் இரத்த சர்க்கரை அளவு அதிகமாகுமா? இந்த 5 காரணங்களைத் தெரிஞ்சிக்கோங்க..

குளிர்ந்த காலநிலை அனைவருக்கும் ஒரு சவாலான காலமாக அமைகிறது. இந்த காலகட்டத்தில் மக்கள் பல்வேறு நோய்களைச் சந்திக்கும் சூழல் ஏற்படுகிறது. இதில் நீரிழிவு நோயும் அடங்குகிறது என்பது உங்களுக்குத் தெரியுமா? பொதுவாக, நீரிழிவு நோய் என்பது பெரும்பாலும் மக்களுக்கு கட்டுப்படுத்த கடினமாக இருக்கும் ஒரு நோயாகக் கருதப்படுகிறது. இந்த காலகட்டத்தில் ஏற்படும் ஒரு சிறிய கவனக்குறைவு கூட, உடலில் இரத்த சர்க்கரையை விரைவாக அதிகரிக்கச் செய்யலாம். இதுபோன்ற சூழ்நிலையில், சர்க்கரையை கட்டுப்படுத்த சில முன்னெச்சரிக்கை நடவடிக்கைகளை எடுக்க வேண்டியது அவசியமாகும்.

இந்நிலையில், குளிர்காலத்தில் இரத்த சர்க்கரை வேகமாக உயரும் என்பது பொதுவான நம்பிக்கையாகக் கருதப்படுகிறது. இதில் கேள்வி என்னவெனில், குளிர்காலத்தில் சர்க்கரை அளவு உயர்வது உண்மையா அல்லது இதற்குப் பின்னால் எந்த தர்க்கமும் இல்லையா? இது குறித்த தகவல்களை பெங்களூரு, ஆஸ்டர் சி.எம்.ஐ மருத்துவமனை, நாளமில்லா சுரப்பியியல் ஆலோசகர் டாக்டர் மகேஷ் டி.எம் அவர்கள் சில தகவல்களைப் பகிர்ந்துள்ளார்.

குளிர்காலத்தில் இரத்த சர்க்கரை அதிகரிக்குமா?

எண்டோகிரைனாலஜி ஆலோசகர் டாக்டர் மகேஷ் டி.எம் அவர்களின் கூற்றுப்படி, “ஆண்டின் பிற நேரங்களை விட குளிர்காலத்தில் இரத்த சர்க்கரை அதிகரிக்கக்கூடும் என்றும், குளிர் காலநிலை உடல் செயல்படும் விதத்தை பாதிக்கிறது” என்று விளக்குகிறார்.

how-to-prevent-type-2-diabetes-in-young-age-main-1763110479226.jpg

கனமான மற்றும் வசதியான உணவு

கனமான, ஆறுதல் தரும் உணவுகளை உண்பது இரத்த சர்க்கரையை அதிகரிக்கச் செய்கிறது. இதில் உடல் குளிர்ந்த வெப்பநிலைக்கு ஏற்றவாறு தன்னை மாற்றிக் கொள்கிறது.மன அழுத்த ஹார்மோன்கள் இரத்த சர்க்கரை அளவை உயர்த்தக்கூடிய ஹார்மோன்களை வெளியிடுகிறது. மேலும், இந்த பருவத்தில் மக்கள் மற்ற நாட்களை விட நெய் மற்றும் காரமான உணவுகளை அதிகமாக சாப்பிடுகின்றனர். அதாவது, மிதமாக சாப்பிட்டாலும், சர்க்கரை அளவு உயரத் தொடங்கும் அளவுக்கு அதிகமாக சாப்பிடுவீர்கள்.

இந்த பதிவும் உதவலாம்: எகிறும் சுகர் லெவலைக் குறைக்க உங்க டயட்லாம் மாற்ற வேணாம்.. இந்த ஒரு பழக்கத்தை மட்டும் பின்பற்றுங்க

குளிர்காலத்தில் மக்கள் குறைவாக நடமாடுவது

குளிர்காலத்தில், மக்கள் பெரும்பாலும் குறைவாக நடைபயிற்சி மேற்கொள்வர். மேலும், வீட்டிற்குள்ளேயே அதிகமாக இருப்பார்கள். இந்த குறைவான உடல் செயல்பாடு இன்சுலின் உற்பத்தியையும், உடலின் செயல்பாட்டு திறனையும் குறைக்கிறது. மேலும், சர்க்கரை செரிமான விகிதம் இரத்த சர்க்கரை அளவையும் பாதிக்கக்கூடும். இது விரைவான சர்க்கரை அதிகரிப்புக்கு வழிவகுக்கும் மற்றும் நீரிழிவு நோயை மோசமாக்கும். இதன் காரணமாக, நீரிழிவு நோயின் மோசமான கட்டுப்பாடு ஏற்படுகிறது. எனவே, நீரிழிவு நோயாளிகள் தங்கள் சர்க்கரை வளர்சிதை மாற்றம் குறைவதைத் தடுக்க குளிர்காலத்தில் கூட வீட்டிலேயே சுறுசுறுப்பாக இருக்க முயற்சிக்க வேண்டும்.

குறைவாக தண்ணீர் குடிப்பது

வறண்ட வானிலை குறைவாக தண்ணீர் குடிக்க கட்டாயப்படுத்துகிறது. இதன் காரணமாக, லேசான நீரிழப்பு ஏற்படும். இது சர்க்கரை அளவை அதிகரிக்கும். மேலும், குளிர்காலத்தில் மக்கள் தாகம் குறைவாக உணர்கின்றனர். இது தண்ணீர் உட்கொள்ளலைக் குறைத்து சர்க்கரை வளர்சிதை மாற்றத்தை பாதிக்கிறது. தண்ணீர் பற்றாக்குறை சர்க்கரை உறிஞ்சப்படும் வேகத்தையும் பாதிக்கும். இது இரத்த சர்க்கரையின் விரைவான அதிகரிப்புக்கு வழிவகுக்கிறது. எனவே, நீரிழிவு நோயாளிகள் இந்த பருவத்தில் நிறைய தண்ணீர் குடிக்க வேண்டும்.

Dietitian-shares-4-habits-to-reverse-pre-diabetes-effectively-Main

இந்த காரணிகளுடன் கூடுதலாக, சளி மற்றும் காய்ச்சல் போன்ற குளிர்கால தொற்றுகளும் இரத்த சர்க்கரை அளவை உயர்த்தக்கூடும். குளிர்காலத்தில் தூக்க முறைகள் மாறக்கூடும். இவை உடலின் இன்சுலின் பயன்பாட்டைப் பாதிக்கிறது. இந்த எல்லா காரணங்களுக்காகவும், உங்கள் ஆபத்தைப் புரிந்துகொண்டு, சர்க்கரை அளவைப் பாதுகாப்பாக நிர்வகிக்க மருத்துவரை அணுகுவது முக்கியமாகும்.

பொறுப்புத்துறப்பு

இதில் வழங்கப்பட்ட தகவல்கள் பொதுவான தகவல் நோக்கங்களுக்காக மட்டுமே. எனினும், தனிப்பட்ட தகவல்களைப் பெற விரும்புபவர்கள் அல்லது புதிய முயற்சிகளைக் கையாள விரும்புபவர்கள் எப்போதும் தகுதிவாய்ந்த நிபுணரை அணுகுவது நல்லது.

இந்த பதிவும் உதவலாம்: குளிர்காலத்தில் வெல்லம் சாப்பிடலாமா? யார் தவிர்க்க வேண்டும்? மருத்துவர் விளக்கம்..

Image Source: Freepik