குங்குமப்பூவில் மறைந்திருக்கும் அசத்தலான 10 ஆரோக்கிய நன்மைகள் – மருத்துவர் விளக்கம்

உலகில் மிகவும் விலை உயர்ந்த நறுமணப்பொருள்களில் ஒன்றாக குங்குமப்பூ (Saffron) கருதப்படுகிறது. உணவுகளில் நறுமணம் மற்றும் நிறம் சேர்க்க மட்டுமல்லாமல், இது பல்வேறு மருத்துவ நன்மைகளையும் வழங்குகிறது என மருத்துவர் கார்த்திகேயன் தெரிவித்துள்ளார்.

ஒரு கிராம் ரூ.800 – ஆனால் அதன் மதிப்பு அளவிட முடியாது

சுத்தமான, இயற்கையான குங்குமப்பூவின் விலை ஒரு கிராம் ரூ.800 வரை விற்கப்படுகிறது. ஆனால் சந்தையில் போலியான குங்குமப்பூவும் கிடைப்பதால் அதன் உண்மைத்தன்மையைச் சரிபார்ப்பது அவசியம் என மருத்துவர் கூறுகிறார்.

“நீரில் ஊறவைத்த குங்குமப்பூவை கைகளில் தேய்த்தால், கைகள் தங்க நிறமாக மாறும். ஆனால் குங்குமப்பூவின் தண்டுகள் (strands) நிறம் மாறாமல் அப்படியே இருந்தால் அது உண்மையானது” என்று அவர் விளக்குகிறார். மேலும் இது போலியானதை அடையாளம் காணும் மிக எளிய வழி என அவர் கூறியுள்ளார்.

மனச்சோர்வைத் தடுக்கவும் தூக்கத்தை மேம்படுத்தவும்

குங்குமப்பூவில் உள்ள இயற்கை மூலப்பொருட்கள் செரோட்டோனின் சுரப்பை அதிகரிக்க உதவுகின்றன. இது மனநிலையை சீராக்கி மனச்சோர்வு, பதட்டம், தூக்கமின்மை ஆகியவற்றை குறைக்கிறது. இதை தினசரி சிறிய அளவில் பால் அல்லது சூடான தண்ணீரில் கலந்து உட்கொள்வதால் மன அமைதி கிடைக்கிறது.

Video Link: https://youtu.be/aNTt2anpoIw

இதய ஆரோக்கியத்திற்கும் பயனுள்ளது

குங்குமப்பூவில் உள்ள ஆண்டி-ஆக்சிடண்டுகள், இரத்தக் குழாய்களில் கொழுப்பு படிதலைத் தடுக்கிறது. இதனால் இதய நோய்கள், உயர் இரத்த அழுத்தம் போன்ற பிரச்சனைகளிலிருந்து உடல் பாதுகாப்பாக இருக்கும். மேலும், இரத்த ஓட்டத்தை மேம்படுத்தும் இயற்கை மருந்தாக இது கருதப்படுகிறது.

நரம்பு மண்டலத்தை பாதுகாக்கும் சக்தி

குங்குமப்பூ நரம்பு மண்டலத்தின் செயல்பாட்டை மேம்படுத்துகிறது. இது நினைவாற்றல், கவனம் மற்றும் மூளை நரம்புகளின் ஆரோக்கியத்தை பராமரிக்கிறது. மனஅழுத்தம் மற்றும் நரம்பு தளர்ச்சி போன்ற பிரச்சனைகளில் இதன் தாக்கம் குறிப்பிடத்தக்கது.

இந்த பதிவும் உதவலாம்: ஒட்டுமொத்த பிரச்சனைக்கும் ஒரே தீர்வு! உங்க டயட்ல இந்த ஒரு பொருளை சேர்த்துக்கிட்டா போதும்

சர்க்கரை அளவை குறைக்க உதவும்

குங்குமப்பூ, இன்சுலின் சுரப்பை சீராக்கி, இரத்தத்தில் உள்ள சர்க்கரை அளவை குறைக்க உதவுகிறது. அதனால், டைப்டு 2 சர்க்கரை நோயாளிகள் சிறிதளவில் இதனை உட்கொள்வதால் பலன் கிடைக்கும். எனினும், அதிகமாக எடுத்துக்கொள்வது ஆபத்தானது என மருத்துவர் எச்சரிக்கிறார்.

ஆண்களின் உடல் நலத்திற்கும் சிறந்தது

சில ஆண்களுக்கு ஏற்படும் விந்தணு தரம் குறைவு, ஆற்றல் குறைவு போன்ற பிரச்சனைகளுக்கும் குங்குமப்பூ நன்மை அளிக்கிறது. இதன் இயற்கை ஊட்டச்சத்து ஆண்களின் ஹார்மோன் சமநிலையை பராமரிக்க உதவுகிறது.

கர்ப்பிணி பெண்களுக்கு பாதுகாப்பான அளவில் மட்டுமே

கர்ப்பிணி பெண்கள் குங்குமப்பூவை பால் அல்லது உணவுகளில் சிறிதளவு (30 மில்லி கிராம் வரை) மட்டும் சேர்த்துக் கொள்ளலாம். இது இரத்த அழுத்தத்தை கட்டுப்படுத்தி, வாந்தி உணர்வை குறைத்து, ஜீரணத்தை சீராக்கி, இரும்பு சத்து உறிஞ்சுதலையும் மேம்படுத்துகிறது. ஆனால், “குங்குமப்பூ சாப்பிட்டால் குழந்தை தங்க நிறத்தில் பிறக்கும்” என்ற நம்பிக்கைக்கு அறிவியல் ஆதாரம் இல்லை என மருத்துவர் கார்த்திகேயன் தெளிவுபடுத்தியுள்ளார். “குழந்தையின் நிறம் என்பது தாய், தந்தையின் மரபை சார்ந்தது,” என்று அவர் வலியுறுத்துகிறார்.

சாப்பிட வேண்டிய அளவு எவ்வளவு?

“குங்குமப்பூ ஒரு சக்திவாய்ந்த மூலிகை. அதனால் 30 மில்லி கிராம் அளவில் மட்டுமே பயன்படுத்த வேண்டும். அதிக அளவில் எடுத்தால் உடல் சூடு, இரத்த அழுத்தம் குறைவு போன்ற பிரச்சனைகள் ஏற்படலாம்” என்று மருத்துவர் கார்த்திகேயன் கூறுகிறார்.

இறுதியாக..

மன அழுத்தம், தூக்கமின்மை, PMS வலி, இதய பிரச்சனைகள் அனைத்திற்கும் ஒரே இயற்கை தீர்வாக குங்குமப்பூ விளங்குகிறது. சிறிய அளவில், முறையாக பயன்படுத்தினால் இது உடல் மற்றும் மன ஆரோக்கியத்துக்கு பேருதவியாக அமையும். ஆனால், போலியான குங்குமப்பூவிலிருந்து விலகி, சுத்தமான ஒரிஜினல் பொருளை மட்டுமே பயன்படுத்துவது மிக முக்கியம்.

Disclaimer: இந்தக் கட்டுரை மருத்துவ ஆலோசனை அல்ல. இது பொது விழிப்புணர்வுக்காக எழுதப்பட்டுள்ளது. உங்களுக்கு ஏதேனும் உடல்நிலை குறைபாடு, கர்ப்பம், அல்லது மருந்து உட்கொள்வது போன்ற நிலை இருந்தால், உங்கள் மருத்துவரை அணுகி ஆலோசனை பெறுங்கள்.